بطلنا اللي يعطلنا

[a7med -3del]

انا
كل حاجة بسيطة عندي
وبشوفها سهلة
مبزعلش
علشان بشوف الدنيا
مش مستاهلة
هتفسر كلامي غرور
هاقولك غور
مبصدقش ناس جاهلة
واثق في نفسي
ومش لازم اضحي واتنازل
فرق كبير مابين واحد
بيحب حب جنون
وواحد مجنون
لكن عاقل
فميهمنيش مين بايعني
عادي يعني
او مين لحبي يعيش
ميشغلنيش مين سامعني
مين عايزني
فعلا ميهزنيش
اللي عايزني بجد
هيفضل عمره معايا
واللي كارهني
انا كاره ومن جوايا
واللي شايفني بصورة تانية
وان الحنية مطلوبة
مايمكن واقف علي راسه
وشايف صورتي مقلوبة
وانا مش مضطر اشرح للناس
اني بجد بموت احساس
اللي عايز يفهم حاجة
مايفهم
بطلنا اللي يعطلنا خلاص
ثقتي مالهاش حدود
مهما قالو وعادو
مبسءثرش فيا كلام
كلام الناس
بشوفه تراب
هوا وسراب
يعني مش هادي اهتمام
ولحد كده
راضي جدا عن نفسي
وكله تمام
يلا سلام✋✋✋
Ahmed adel
30-7-2016

[ويبقى الأثر]

والله صح كلامك يااحمد
جميله كتير حروفك
وجميل وجودك اللى بيمتعنا بحروف جميله ومختلفه كل مره
تسلم اخى ويسلم نبض قلمك

[حـيـــــآة ❤]

وكلماتك ايضاً جميله ببساطتها
الله يسعدك اخي
تسلم ايدك
دمت في حفظ الله

[شاعر الإحساس]

والله من اجمل ما قرأت عاميه..
دون اي مجامله...او رياء...
الله عليك بجد..


مش شررط تبقى الثقه غرررور..
وزي ماقلت اللي يشوفها كدا....
واللي يعطلنا..ويتعبنا..ويعرقلنا..ويحاول يأخرنا
احسن حاجه نبطله...

عنوان جذبني بقووووه...
اجدت بكل المعاني اختياره...
وكان المحتوى اكثر من رررائع...


احيييك وققلمك وعاميتك الجميله
دُمت بكل خير وسعاده
تحياااتي وتقديري واحترامي



شاعر الإحساس

[وباء الحب]

جمييييل جداا
تسلمم

[مهيب الركن .]

راقى جدا قلمك أخى الكريم
والأجمل سلاسه الكلمات مع جمال المعنى
نقطة توزان على قدر الألتزام بها يكون جمال القصيده
سلم لنا نبض قلمك اخى الفاضل

[فصيح]

الله الله الله
هو دا
والله العظيم اني معجب بكل حرف اتكتب هنا
وهي دي العاميه يا بلا استاذ يا ابو سيلا
ثقه واقتدار وعذوبه تسلم يا نجم
احترامي

[حكاية حب]

الله عليك يا نجم
كلامك جميل موزون
خفيف يلامس الوجدان
تحياتي لجمال قلمك
مودتي وتقديري

[a7med -3del]

اقتباس المشاركة الأصلية كتبت بواسطة ☆منة الله☆ والله صح كلامك يااحمد جميله كتير حروفك وجميل وجودك اللى بيمتعنا بحروف جميله ومختلفه كل مره تسلم اخى ويسلم نبض قلمك

عيونك اللي جميلة فبتشوفي كل شيء جميل
نورتي ودايما منورة

[*فجر الاسلام*]

ربنا يرضى عنك
احسن حاجه تجاهل كلام الناس
ربى يسعدك جميله كلماتك
تحياتى لك