الله يجازيك يافراق

[a7med -3del]

اوقات كتير بشتاق
لحاجة فاتت من سنين
ناس وبعدت عننا
بعد ماكانو قريبين
الله يجازيك يافراق
نستنا ناس غاليين

كنت ليه بتقربنا
لما انت حالف تبعدنا
ليه جوه روحنا تغربنا
ودايما انت معاندنا
كان فيها ايه
لوسبتنا
جمب ناس بتحبنا

يافراق مالك ومالنا
امانة تسبنا في حالنا
وكفاية الشوق اللي قتنلنا
في حد يموت مرتين

حاول تفهم اوجاعنا
طب مرة واحدة اسمعنا
ودعنا كل حبيب وغالي
مش ناقص غيرك ودعنا
هنكسب كل الدنيا
لو تكون انت بايعنا

والله ماعارف كتبت ايه فوق
بس خير ان شالله
الردود وربنا يستر
Ahmed adel
31-7-2016

[فصيح]

الله الله

دى غنوه يا أحمد بجد

لها لحن وسلسه جدا ما شاء الله

فنان يا نجم مش عيزه كلام

ورشاقة حرف تمام التمام

احترامي يا ابو سيلا

[حـيـــــآة ❤]

لا اتطمن حلوه بجد
واللي يقولك دي علي القد
طنشه ومتسمعش لحد
...روعه...
دمت في حفظ الله ورعايته

[حكاية حب]

الله يجازيك يا فراق

عنوان جميل يشد يا نجم

كلمات سلسه خفيفه

رقيقه كلماتك بتعجبني دايما

روعه بجد تسلم الايادي

مودتي وتقديري

[*فجر الاسلام*]

كنت ليه بتقربنا
لما انت حالف تبعدنا

كلامك صعب عليا
وربنا يقرب البعيد ومايحرمك من احبابك
روعه كلماتك يا استاذ ربى يسعدك
تحياتى