الحلقه الثانيه من ( 20 سؤال ) مع ( ...... )

[morshooo]

بسم الله الرحمن الرحيم

مزاج الخير

بعد النجاح الساحق الماحق للحلقه الاولى

قررنا نحن اعضاء المنتدى اننا نكمل المسيره المنيله بنيله

وبنفس طريقه الاسئله المنيله بنيله برضو

المهم :

تعالو نشوف حلقه النهاردة فيها ايه .




اولا قولى
والله العظيم اجاوب بصراحه

ايه اسلوب العافيه ده
دول 20 سؤال




/ اوعدى الاعضاء ان اجاباتك كلها هتكون بصراحه ؟
ان شاء الله ^^




2 / مسجله اسم مامتك ايه على الموبيل وباباكى ؟
مامتى وبابتى ^^




3 / عامله موبيلك بباسورد والا لا ؟
اه بباسورد




4 / لو حد مسك موبيلك بتقلقى والا عادى مسموح للجميع يشوف ويفتش فى
موبيلك ؟
مش للجميع طبعا يعنى
اصحابى اخواتى الناس القريبين كده واصبل مابحبش
ان حد يكون قاصد التفتيش




5 / مامتك شبه مين من الفنانيين ؟
عبله كامل اكيد ههههه




6 / لو قداكم تسيبى البيت وتعيشى مع حد تانى هتختارى مين سواء
معرفك او شخصيه عامه ؟
لا مش عايزة اسيب البيت انا مرتاحه ف بيتنا




7 / بتحبى الورك والا الصدر فى الفراخ ؟
هتفرق يعنى انا بحب اى حاجة




8 / جربتى قبل كدا تعملى دماغ بسيجارة او شيشه او اى حاجا ؟
لاالحمد لله ... ربنا يعافينا




9 / لو الشبكه هتجيلك فضه هتوافقى والا لا ؟
لو ليا اختيار افضل دبله دهب بس لانى مش بحب الفضه اوى




10 / لو اتقدملك ( محمد رمضان ) بعد ما جاب عربيتين بحوالى 6 مليون
هتوافقى عليه ؟
ولو جتى ب 100 مليون لا اكيد هعمل ايه بفلوسه




11 / بعد انتشار بيومى فؤاد فى رمضان الى فات تقترحى عليه يظهر فى ايه
تانى ؟
هو حلو ف الكوميدى يكمل كده و مايحاولش يدخل ف دراما




12 / تحبى خطيبك يكون خام والا كان مقضيها ؟
المهم يكون انسان كويس وبيتقى ربنا ، المهم وهو معايا يكون كويس




13 / لو واحده صحبت نامت 5 سنين وصحيت النهاردة هتقوليلها ايه ؟
روحى كملى نوم




14 / ايه رد فعللك لو شوفتى البنطلون المقطع من ورا نزلت مصر وبنات
لابساها ؟
حاجة تكسف جدااااا




15 / تقدرى تستغنى عن قميص النوم لما تجوزى ؟
سؤال مالوش لزمه




16 / مامتك بتصحيكى ازاى وانتى نايمه ؟
الساعه 8 : ي ايه ي اييااااااه اصحى الساعه 12 اتاخرتى




17 / ايه اكتر جمله مامتك بتقولهالك وهى مدايقه منك ؟
اهو ده اللى انتى فالحه فيه النت




18 / اخر مره اتعكستى امتى وقالك ايه ؟
مش فاكرة بصراحه ،حاجة مش مستاهله امى احاول افتكرها




19 / وانتى قاعدة لوحدك اليومين دول بتغنى اغنيه ايه ؟
الحارس الله بتاعه تامر ^^




20 / ايه رئيك فى البرنامج ؟
حلوووو بس اسئلتك بتقلقنى امورشووووو



كانت معكم من قلب الحدث

Aya 7ekaya

[واد حبيب]

حلقه حلوه مع اية
بس انت اسئلتك غريبه
في اسئله مش المفروض تسئلها كده
نورتو الحلقه

[morshooo]

اقتباس المشاركة الأصلية كتبت بواسطة واد حبيب حلقه حلوه مع اية بس انت اسئلتك غريبه في اسئله مش المفروض تسئلها كده نورتو الحلقه

ماشى يا رمضان يا محترم
طول عمرى والله بقول عليك المحترم بتاعنا
صاحب النصائح الغاليه
عموما الى بيعترض على سؤال بغيره
زيك كدا لما بعتلك ومعارضش على والا سؤال
اجى انا بقا اقولك وافقت ليه تجاوب .

[واد حبيب]

اقتباس المشاركة الأصلية كتبت بواسطة morshooo ماشى يا رمضان يا محترم طول عمرى والله بقول عليك المحترم بتاعنا صاحب النصائح الغاليه عموما الى بيعترض على سؤال بغيره زيك كدا لما بعتلك ومعارضش على والا سؤال اجى انا بقا اقولك وافقت ليه تجاوب .

كل الدنيا عارفه اني انا محترم
انا مش بتكلم عليه انا ممكن اجاوب علي اي سؤال
انا بتكلم علي نوع الاسئله بناع البنات مش اكتر

[morshooo]

اقتباس المشاركة الأصلية كتبت بواسطة واد حبيب كل الدنيا عارفه اني انا محترم انا مش بتكلم عليه انا ممكن اجاوب علي اي سؤال انا بتكلم علي نوع الاسئله بناع البنات مش اكتر

انا قولت حاجا
هو لما بقولك محترم كدا بشتمك
ههههههههههه
عموما تسلم ياغالى على النصيحه المهمه دى
بما انك خايف على العضوات الى معانا ودى حاجا بتتميز بيها يا رمضان
ماشاء الله عليك .

[حازم34]

ما شاء الله برنامج حلوووووووووو ولطيف وظريف

مع خف دم عاليه من مورشو


والنجمله الطيبه الخلوقه

ايه ماشاء الله عجبني اووووووووووووووووي سؤال محمد رمضان


ولو اني ما اعرفه

بس ردك يا ايه يسوي مليار جنيه لما كان الدولار بربع جنيه


حقيقي رد جميل

يسلموا وتقبلوا مروري

[شاعر الحب الحزين]

آية حكاية تعتبر تاريخ في المنتدى

بحترمها الإنسانة دي وزاد احترامي ليها اكتر دلوقت

استضافة موفقة جدا يا مورشو

عن نفسي استمتعت بالأسئلة والحوار

وبالنسبة لأكتر سؤال محرج ..ف ده آية رفضت تجاوبه

وجاوبت على باقي الاسئلة عادي ..

ف انتظار الضيف الجاي ان شاء الله

امتعتونا مورشو وحكاية

[حـيـــــآة ❤]

حلقه جميله
بس المفروض كنت غيرت سؤال رقم 15
زي ماعملت معايا
منورين
مجهود جميل

[۩۩ elMagic ۩۩]

حوار طيب ..
سؤال قميص النوم دا مخالف !
يفضل متعرضوش ع اى ضيف بعد كده في حلقاتك اللى جايه
دا منتدى فيه بنات وولاد وواجب اننا نلتزم بالسياق ،، موفق

[morshooo]

اقتباس المشاركة الأصلية كتبت بواسطة حازم34 ما شاء الله برنامج حلوووووووووو ولطيف وظريف مع خف دم عاليه من مورشو والنجمله الطيبه الخلوقه ايه ماشاء الله عجبني اووووووووووووووووي سؤال محمد رمضان ولو اني ما اعرفه بس ردك يا ايه يسوي مليار جنيه لما كان الدولار بربع جنيه حقيقي رد جميل يسلموا وتقبلوا مروري

منور يا ريس
وسعيد بمرورك
وان شاء الله نشوفك قريب ^_^