طب ليه يا بني ادمين ( شاعر العامية)

[ايمان طلعت]

انت مين وانت مين ؟؟ انا اخواني انا سيساوي انت مين وانت مين؟؟ انا سني انا شيعي وانت مين؟؟ انا ببكي عالقديم وانت مين؟؟ انا يقولوا شمال اروح يمين وانا مين؟؟ انا تهت وسط شويه مجانين الكره ماليهم طماعين و كدابين من امتى واحنا متقسمين كلنا يا ناس مصريين طب ليه يا بني ادمين ما كلنا من نفس الطين بناكل من زرعه واحده و بنشرب من النيل طب ليه يا بني ادمين فيها دايما تقطعوا وعليكم منها تقسموا زي الدبيحه وانتم فيها الجزارين طب ليه يا بني ادمين تدوسوا عليها بالاوي وهي منكم تتكوي فتزيدوا كمان شويتين طب ليه يا بني ادمين تبعدوا برة و تسبوها مانتوا اللي خربتوها و بايدكوا لازم تطيبوها طب ليه يا بني ادمين للغرب دايما تقلدوا وفــ بلدكم تحطموا انتم لمين بتنتموا طب ليه يا بني ادمين مين هما البني ادمين دول بقوا مصاصين لدم مصر من سنين ارحموها كفايه بقى دي بتروح خلاص مننا اتبرعولها بدمكم دي بردو هي امكم ياما عليكوا طبطبت ولا خلاص اتنست ومن عــ الراس اترمت و بتدسوها بالقدم المهم منها المصلحه هي اللي تطّلع منفعه والباقي ولا يهمنا عمرها مــ هتكون كويسة طول ما فيه وسطنا بشر بانياب مسننة عليه العوض يارب في ناسك لكن انتي يا بلدي عليكي حراسك انتي اللي فــ القلب متشاله و نورك على الراس متقاد مفيش احلى منك مهما تعبنا منك ومهما تعبناكي معانا ما احنا حته منك وانتي عايشه بينا ترابك غالي علينا مهما قولنا عليكي لكن بردو هتفضلي انتي النور لعنينا فخورة اني منك وعمري ما ابعد عنك مصرنا يارب احميها والناس يارب اهديها

[حـيـــــآة ❤]

الله عليكي يارقيقه
تنسيق واحساس وروعه الفاظ
بجد روعه حبيبتي
حفظ الله مصر وحفظكِ غاليتي
دمتي في حفظ الله
موفقه

[αЛαstoOorα]

حاسس آني ف 6 آكتوبر والله
ههههه
طبعاً آنا حريص آني مقولش آي تعليقات
ف الردود ف المرحلة النهائية دي تخص الشعر نفسه
بس هقولك الشكل والصور والتنسيق والموسيقي
آبهروني ..حسسوني آن في آحتفالية ف حب مصر
ماشاء الله
بالتوفيق

[شاعرة الرومانسيه]

الله عليكى يا ايمى

راقيه الحرف وجميله الاحساس

راقت لى حروفك ياقمر

بالتوفيق حبيبتى

[همس الكناريا]

الله الله الله

بجد كلام جميل وصل للقب بسرعة البرق

حرف راقي متمكن ...

والتنسيق روعة

أسجل ٱعجابي هنا بحروفك الاكثر من رائعه

حفظ الله مصر وأهلها ودامت فوق رؤس الحاقدين

بالتوفيق حبيبتي

مودتي

همس الكناريا

[حكاية حب]

كلمات جميله اوي يا ايمان

ايه الشغل الجامد ده

بجد مبدعه وقلمك رنان

بيلامس واقع بنعيشه بإتقان

أبدعتي رائعتك بريشة فنان

تمنياتي لكي بالتوفيق ايمان

[فصيح]

واقع غريب نعيش فيه

ولا ندري إلي متى هذا الانقسام

سيطول ، عبرتي كل جروحات الوطن بكل صدق

واتقان قلم يحكي معاناة شعب وانقسامة

وعن من يسعى لتخريبه وهل من رجوع لاهولاء

مشكوره أختي على كل ما تفضلتي به وجدتي

اتمني لك التوفيق الدائم

احترامي

[راجعة لحبيبى]

الله يحفظ مصر والمصريين
كلام حلو ايمان
تسلمين
لروحك السعاده

[*فجر الاسلام*]

الله يحفظها ويرعاها اللهم امين
تسلم ايدك ياقمر حلوه اوى
اتمنالك التوفيق
تحياتى

[شاعر الحب الحزين]

كلمات جميلة محزنة مؤثرة..لكنها تعبر عن واقع للأسف

تمنياتي أن يصلح ربي حال المحروسة وأهلها امين

أبدعتي إيمان بمحاكاتك لواقع الحبيبة مصر بكلمات رائعة

بالتوفيق لك إيمان

ربي يوفقك ويسعدك