ألومك لية...

[SaMa.]

ألومك ولاألوم نفسي ع كل فرصة ادتهالك...
ع طول فاهماني غلط زي متكوني غريبة عني...
اعاتبك ع حبي ليكي
ولااعاتبك ع استهتارك بعلاقتنا ..
دة كل الل يعرفونا كانو بيحسدونا ....
اندم ع كل مرة سامحتك فيها
وم قدرتيش دة ورجعتي تجرحيني ....
اشتكي منك..
وانتي الل كونت بشتكيلك ظلم الدنيا ليا ...
افتح ازاي باب انتي قفلتية ف وشي..
منغير حتا م اعرف اية السبب وتسمعيني ...
كل مرة بسامح كان بيبقا الزعل بينا وبين بعض
لكن المرادي فية علية شهود وصعبت عليا نفسي اووى ...
كل الل كانو سبب زعلنا شيفاكي معاهم عادي ونسيتي ...
انا كان ذنبي اية..؟
مستحيل اكرهك
مع ان الل قولتية صعب حد يسامح فية..
لانك معيا ف كل حاجة بتحصلي
وف كل حلم حلمناة سوا ...
بس نعمل اية
دة انتي حتا محاولتيش تصلحي الل حصل ...
معملتيش اى مجهود
عشان تلحقى علاقتنا م الضياع
ملقتكيش جمبي ف اكتر وقت كونت محتجالك فية...
وبتلوميني دلوقتي؟
بجد موش لاقية حل ف الموشكلة دي
ولا عارفة لية متمسكة بيكي لحد دلوقت...؟
وانتي ف حياتك غيري بيعوضك خصامنا...
فضفضة لتؤام روحي...

[حـيـــــآة ❤]

بصي ياقلبي طول مافي بينكم
ايام حلوه ومواقف جدعنه
مصيرها تعرف انتي ايه
وترجع تعتذر بنفسها
وانا بقولك كدا بحكم تجربتي
فضفضه راقيه
ربنا يديم المحبه

[شاعر الحب الحزين]

هدي اعصابك يا سما وطولي بالك

كل شيء هينحل بإذن الله

اكيد العشرة ما تهونش الا على ابن الحرام

وانتوا اصحاب وحبايب ..بس ساعات الظروف

والدنيا بتيجي علينا ..سيبيها ع راحتها شوية ومسيرها تروق

وتعرف غلطتها وترجع ..خلي بالك من نفسك..حصل خير

ربنا يوفقك ويسعدك

[همس الكناريا]

حاولي تعاتبيها مرة واتنين

والتمسي لها الاعذار ،،،،لحد ما ترجع هي تاني

ممكن يكون في نفسها حاجه او شي مش مفهوم

وربنا يصلح الحال

تسلمي علي فضفضتك الراقيه
دمتي بسعادة

همس الكناريا

[احساسى صحيح]

تقريبا اى اتنين مقربين من بعض
بيكون فيه حساسية كبيرة بينهم
وممكن اى كلام يتفهم بالغلط
وميكونش مقصود بيه الشخص المقرب
لازم تحسنى الظن وتسأليها الاول
ولو إتأكدتى يبقى عندك الحق
الصديق الحميم صعب نخسرة بدون ما نتأكد
ربنا يوفقكم وترجعوا لبعض تانى

[۩۩ elMagic ۩۩]

مفيش حاجه بتفضل على حالها
والزمن بيغير النفوس
والمصالح بقت هى الاهم
ولكن بحكم العلاقه فا واجب اننا نفكر
كويس قبل ما نتخذ اى قرار عشان منرجعش نندم عليه
يمكن عندها ظروف ويمكن الامور اتفهمت بشكل خاطئ
التماس العذر للى بنحبهم شئ مهم
ربنا ييسر لك الاحوال ويريح قلبك سما

[سـاحرة القلـوب]

ربنا يهديها
زمن غدار

[فصيح]

انا هقولك اعتبريها سحابة غلسه هتمر
وتروح لحال سبيله وأكيد هترجوا احسن من الأول
لكن لازم يكون فيها مصارحه وعتاب يوضح
وجهة النظر مش يعقد ويزعل
ربنا يصلح الأمور بينكم يا سما
تحياتي