ولسه بحبك ..~ " شاعر العامية "

[Lamees]

مش مزعلني منك يا بلدي غير حكومتك غير كده انتِ وطني ومكاني وطبعاً بحبك بخاف عليكِ من الطماعين بغير على ارضك ولسه بقولها تيران وصنافير ارضك وملكك يا بلدي بفتخر لما اقعد اسمع حكايتك وبكره كل حاقد مجرم عايز نهايتك وروحي وحياتي اقدمهم فدا سلامتك انا حتة منك انا فرحتك انا مرايتك قربيني منك ضميني عايز اشم ريحتك ده لوني في سمارك ساكن ملامحك ومع كل قسوتك قلبي مسامحك ولو زعلتي مني في يوم اجري واصالحك ولسه شايل هموم وناسي فرحك في كلمة جوه مني عايز اصارحك تعبت انا وولادك نداوي جرحك كل يوم بزرع فيكِ حب وامتى يا بلدي يكون طرحك Lamees 2\ 8 \ 2016

[مهيب الركن .]

كلماتك رائعه أختى الكريمه
وتعبيراتك ولا أجمل
كلماتك تعانق سماء الأبداع
ونبض راقى من قلم راقى
تسلمى اختى الكريمه على روعه كلماتك

[αЛαstoOorα]

الله ينور يا آستاذة
بالتوفيق بآذن الله

[همس الكناريا]

وانا أقول إيه النقط دي

لقيت المضمون ولا أروع

حروف سلسلة جميلة...مغلفة برقة الإحساس

موفقه حبيبتي

همس الكناريا

[اميرة الحب الضائع]

استغربت النقط فى البدايه

بس فعلا كلماتك صعب يبقلها عنوان

كل كلمه فيها احساس روعه

[جبل عالي]

مهو لما يبقا ده الحال
منعرفش للاحساس بيها عنوان
كلمات عبرت عن احاسيسنا فعلا
تسام ايدك لميس روووعه

[ويبقى الأثر]

جميله اوى لموووسه
بالتوفيق يارب

[واد حبيب]

كلمات جميله منك يا لميس
ربنا يحمي مصر

[جبل عالي]

حكيتي حكايه كل قلب شايل جواه جرح
والم خلا ينسى ف هواها طعم الفرح


موفقة حبيبتي ان شاءالله

[فصيح]

باحساس الغيور المحب كتبتي
وكنتي هنا مع الصدق في معاد
على أوتار الحب عزفتي
فشكرا لميس على ما تفضلتي
به وأجدتي ، تمنياتي لكي بالتوفيق
فصيح