وإيه يعني أما أعديها ))

[همس الكناريا]

وإيه يعني عشان خاطرك
أعدي بحور
ولف الدنيا واتغرب
واغزل من سنين عمري
برقع لأحلي عيون
أنا شايفك بروح عيني
ونبض هواك يداويني
ولما اشتاق ألاقي
طيفك يواسيني
علي بعادك في أعماقي
ياساكنه دنيتي وذاتي
عشان خاطرك
يهون عمري
وألف ديوان
من الأشعار
مايوصف لحظة
في غيابك
عشان خاطرك
تهون النار
وانا وعيوني خدامك


..................................


تهون نفسي ولا تهون
حبيب عمري لو
ف وسط النار اعديلك
أنا منك وعمري يوم
ما راح اجرح خدك
ولا يوم اخليك تعاني
أو أشوف دمعك
حبيب قلبى عشقتك
وقلبي صار أسير قلبك


.............................


يا إنسيه ف توب ورده
تباتيلها بتروينى
تزهر فى قوام الصبح
وطول الليل بتغرينى
ف أي دلال بقول موال
على خدودها وتكفينى
بلابل روح بتطربنى
إذا هلت بتحيينى
وبتضلل على قلبى
وتتمايل مع الحلوين
وتأسرنى وتلزمنى
أكبر ف الدعا مرة
ولو هلت أقول يا معين


.............................


هخلي الكلمه تعانيها
تعديها فى بحر دموع
واعيش موجوع
فى الحياة
ضاع فيها معانيها
وأعديها...
وإيه يعني
أما أعديها....


..................................


أعدي صعاب عشان خاطرك
وهابلع الحرف فيه غصة
وهودى لألف ساحر قطرك
يعرفنى نهاية القصة
رغم إن الحرف من سحرك
يعلم الساحر التوبة
وابلع كل كلام غضبك
وأقول سماح آخر نوبة
أعيد الحلم بتفسيره
واروح لألف حكيم لجلك
عشان اسمع فى تأويلة
إن ريحة الحب مدام باقية
ميهمكيش الوجه وتكشيره
مدام القلب مزروع بسمه
راح ارويه بحرفين ندم
واخلى الخصام ولو عتمه
كأنه ماكان بحكم العدم
وازهر ويزهر من فرحتى ننى
واحوطك سور برموشى
وتفيضى فرحتى منى
لو عندى نهاية لسفرك
واعدى النار عشان خاطرك


................................



خلاص هانت عليا نفسي
عشان خاطرك أعدى النار
وأقول وإيه يعنى
وحتى لو ها تلسعني
ومهما كانت الأخطار
ومهما حروفك توجعني
كلامك حلو بزياده
يا سيد الناس . عاجبني
وحرفك فرض وعباده
وسنه مؤ كده عندى
جماله فوق عن العاده
يا سيد الناس انا. وسيدي
بمسى عليك ك العاده






......................................



همس الكناريا

[SaMa.]

جامدة جدا كلام ملوش حل

ثانكس عسولتي

[جبل عالي]

دويتو اكثر من رائع
مناجاة بين قلبين
جميل قلمك غاليتي
مليئ بالاحاسيس الجياشه
عبرتي بقوة وجمال
دمت بكل الود

[مهيب الركن .]

كلمات فى غاية الجمال
وأحساس عانق السحاب من روعته
تحياتى وتقديرى لقلمك الراقى اختى الكريمه

[αЛαstoOorα]

ياسلام ؟
دا حقيقي؟
عندنا ناس بتكتب كدا .!!
مبهور آنا
كنتي فين ف المسابقة بقة؟؟

[ويبقى الأثر]

جميله كتير حروفك همس
وكتير حلو احساسها
دام وجودك ونبض قلبك

[فصيح]

الله همس جميله ومفرداته حلوه
حوار انيق واسلوب مميز

كل التحيه والتقدير لك همس
تمنياتي بمزيد من التألق
احترامي

[فارس الكلمة]

حبيب يتسامح فى حقه كثير
ويعى من أجل حبيبه البحور
يخاطب نفسه وعن التقصير يلوم
أخبر حبيبه بأنه كالنجوم
عدى كل الصعاب وفات فى الحديد
وأخبر حبيبه بأن لحظة لقائه عيد
رسم شوقه لنفسه وواسى ألالمه
ومن كل الزهور زهر للحبيب فى بستان
ضحى وضحى وهانت عليه أنفاسه
تخرج منه ويكتم ألمه وأحساسه
ألف قصة حباً الحبيب بطلها
وكتب فيها فصول العشق والغرام
فى كل يوم يمر عليه بسلام
يشكر رب العباد على منحه الحياة
وفى أخر فصل هانت عليه نفسه وألقى بها فى النار
لأجل حبيبه تحمل كل الأخطار
فأين أنت يا حبيب من المحب المحتار
عد وأعلم بأن السعادة معه والإستقرار
وأبنى معاً بيتاً من أقوى الجدار
جدار الحب وجدار الود وجدار الأمل وجدار الخلد بأمان
يكون فى الحديقة زهور كما فى البستان
الكادى والجورى والنرجس والريحان
همس الكناريا
جميلة هى خاطرتك
وجميلة هى كلماتك
تقبلى مرورى عليك وخالص ودى وننتظر الجديد

[شاعر الحب الحزين]

كلماتك من القلب نابعة

كلماتك تستحق المتابعة

ف حضرة حرفك ووجودك

كل حروفي مش شافعة

همسك عطرك رقة ورودك

علميني إيه سر الصنعة

حرفي انسجن على حدودك

الصمت اتكلم وقال رائعة


ماشاء الله عليكي يا همس

فعلا كلماتك بتستحق المتابعة

واحنا كسبناكي ف القسم هنا

انتي مبدعة بجد واحساسك جميل

ربنا يوفقك ويسعدك

[احساسى صحيح]

ديالوج راقى
رغم صعوبته
قدرتى بفكر عالى تنسجى حوار يقارب الواقع
موهوبة من يومك همس
موفقة يا رب
تحياتى لشخصك الكريم