ورا الكواليس

[a7med -3del]

كل بداية بتبقي اجمل
في الشكل والاحساس
والنهاية ساعات بتوجع
وتقول قلوبنا خلاص
اغلب حكايات الغرام
بتنتهي بالانتقام
وكل واحد شايف
ان التاني كداب

يبدا في الاتهام
ويقول اصعب كلام
من وجهة نظره طبعا
ميستاهلش عقاب

هو اللي ضحي وصان
شايل حبه وغرامه
واللي هيستغني
بيلعن قلبه ايامه
ده كلامه
اللي طبعا مش حقيقة
الدموع
مش دايما بتكون بريئة

بس محدش بيشوف انه غلطان
هو ملاك والطرف التاني جبان
مفيهاش يمكن وجايز
ولا وجهات نظر
في واحد ضحي اكيد
وواحد تاني غدر

العلاقة مش دايما هتمشي
شوق ومشاعر واحاسيس
في حاجات ورا الكواليس
يمكن لو نعرفها
تتغير حاجات
ويصحي اللي مات
ونشوف من زاوية تانية
ونبدا نفكر

اللي بيكدب بيبان عليه
هتحسه وتشوفه جوه عينيه
هيبان في الضحكة وسلامه
وانت لو خلاص هاتخسره
ماتخسره
وفي ستين داهية احلامه

Ahmed adel
3-8-2016
فكرة انك تكتب وانت بتلملم افكار
وتضيف من غير مراجعة
موضوع صعب جدا جدا
محتاج ثقة لانك بتحاول تقدم حاجة كويسة
بقالي فترة بكتب بدون مراجعة
ربنا يستر

[ويبقى الأثر]

عندك حق
كل البدايات حلوه مفيش كلام
وساعة الفراق بيبدأ الملام
مين غلطان متعرفش كل طرف بيلوم التانى والاتنين مظلومين
وفى الاخر المظلومه هى المشاعر والحب اللى جمع بينهم
رائع فى كل كتاباتك احمد
ربنا يديم قلمك ووجودك

[حكاية حب]

كل حرف منك له معني وقيمه

رائع انت بحق يا نجم

راقت لي حروفك

مودتي وتقديري

[فصيح]

فعلا صعب الكتابه بدون مراجعه أو ترتيب
ودي ثقه في قلمك كبيره وتستاهل
الكلمات معبره جدا يا أحمد
والحاله واقعيه البدايات في كل شئ بتكون حلوة
أما النهايات ففيه ألم ، توظيف جميل لمفرداتك
تحيه تليق بك
فصيح

[مهيب الركن .]

لما يزيد العناد
سهل يطول البعاد

اخى الراقى صاحب القلم الرائع
كلمات رائعه تحمل فكر أروع
حتى ولو بدون مراجعه فهى جميله بالفعل
تسلم اخى الكريم ودام نبض قلمك

[راجعة لحبيبى]

ولابادينا بدانا ولابادينا نهينا
والاقدار تاخذنا وتلعب بينا
ولازم يكون المكتوب والمقدروالنصيب
ومعاهم نستسلم احيانا
ونرفض احيانا
ونعاتب ونزعل
وننسى القدر
وكلام حلو
وكتابتك راقيه
احمد
تسلم
لروحك السعاده

[a7med -3del]

اقتباس المشاركة الأصلية كتبت بواسطة ☆منة الله☆ عندك حق كل البدايات حلوه مفيش كلام وساعة الفراق بيبدأ الملام مين غلطان متعرفش كل طرف بيلوم التانى والاتنين مظلومين وفى الاخر المظلومه هى المشاعر والحب اللى جمع بينهم رائع فى كل كتاباتك احمد ربنا يديم قلمك ووجودك

تاهت ردودي في الرد عليكي
مميزة حتي في ردك
ارق تحية

[شاعرة الرومانسيه]

تسلم ايديك اخى لامست واقع مرير يعيشه معظمنا

راقى الحرف دائما

[احساسى صحيح]

عندك حق يا ابو حميد
مفيش حد عارف فين الصح
واكيد خلف الكواليس اكبر مما نراه بأعيننا
سلم القلم والفكر القيم
تحياتى لك يا نجم

[.Lamar]

البدايات دايما حلوة

الاحلام و الخيال و كل طرف بيحاول يرضى اللى معاه

بس العقل لازم يجى وقت و يدخل الحسبة

عشان مفيش حياة بتقوم على الاحساس و بس

هنا ممكن يكتشفوا عيوب هما نفسهم تغاضوا عنها

او بشغف البدايات تجاهلوها

جميل ما نثرت هنا اخى و بدون مراجعة

تحياتى و تقديرى