توقعات نهاءيات شاعر العامية :!

[αЛαstoOorα]

ايمان طلعت

ايمان طلعت
آزيك؟

الله يسلمك فارس ازيك انت

1-بعد آنجازك اللي حققتيه ف المرحلتين الآول ونصف النهائي
شايفه نفسك فين ف النهاءيات بقصيدتك ؟
الحمد لله ربنا وفقني في المرحلتين
واكتشفت بالمسابقه اني اقدر اكتب عامية ولو حاجه بسيطه
بالنسبه للنهائيات متوقعش اني اخد مركز من التلات مراكز
لقوة الاقلام اللي معايا
ربنا يوفق الجميع
/
2- ..توقعاتك الداخليه آنك تاخدي مركز من المراكز الثلاث؟ آو الخروج ؟ آو اللقب؟
لو اخدت مركز من التلاته يبقى انجاز
لكن اللقب لا متوقعش ابدا اكيد بتهزر ^_^
/
3- ..آيه اللي دفعك تكتبي بالشكل دا عن بلدك؟

اكيد حالها اللي واجع قلوبنا كلنا
والتفرقه اللي بقت فينا واللي بتقطع فمصر وتفككها
ربنا يصلح الاحوال
4- لو كنتي مُشاهدة وتسمحيلي تقعدي ف السؤال دا مكان المُشاهدين والمُشجعين .آنهي قصيدة نالت آعجاب ايمان من القصائد اللي نزلت ف النهائي ضمن المجموعة اللي معاك؟ومطلوب رد بقصيدة وحدة؟

قصيدة عبدالله
رائعه اقل شيء يتقال عليها

5-لو التقيمات ودتك ف مكان آنتي مش متوقعاه وهو الخروج ..هيكون آيه موقفك وهل هتحترمي التقييم واللجنة ولا هتطعني ف النتيجة ؟

انا الحمدلله راضيه جدا عن اللي وصلتله
حتى لو طلعت السادس من مشتركين المرحله الاخيرة راضيه بيه

6- ولو التقيمات وصلتك لآي مركز بدون اللقب ..برضه هيكون آيه موقفك
هكون مبسوطه جدا اكيد لو اخدت مركز
يبقي مش بكتب عامي ومعايه اقلام كبيرة واخد مركز
دة يبقى عملت عمل بطولي هههههه

7- ولو التقيمات كانت حليفتك وهادتك اللقب شايفه آنك تستحقي آنك آفضل واحدة كتبت عاميه ف المسابقة؟؟

لو اخدت اللقب اكيد هيكون توفيق من ربنا وحظ
لكن مش افضل قلم بكل تأكيد

8- قسم العاميه اللي آتولدت فيه مسابقة شاعر العاميه واللي زي ما ربنا يكتب النتيجة ويلهمنا للصح ..
لو قسم العاميه كان سبب ف تلقيبك بشاعر العاميه ..
هل هتستمري ف شغلك جوة القسم العامي؟ وتكوني حريصة علي اللقب والحفاظ علي مكانتك ف القسم العامي بنزولك لقصايد مستمرة ؟ ولا هتهجري القسم بمجرد ما تنتهي المسابقة؟

اخدت مركز او مأخدتش هحاول اكتب واستمر عشان اقوي قلمي بالتجارب

9- قولي رآيك ف المسابقة عموماً من بدايتها لنهايتها ولو في آي ملاحظات عندك قوليها وقوللنا كمان رآيك ف لجنة الحكم وطريقة عرض التقيمات ...

المسابقه اكثر من رائعه في موضوعاتها وتنظيمها والتشويق اللي بتعمله بعد كل مرحله
ولجنه التقييم كلهم بلا استثناء اهل للثقه
زعلت بس من اللي حصل في نتيجه المرحله التانيه
لكن سعدت بالروح الحلوة اللي كانت في اول مرحله

10- وآخيراً وليس آخراً ..وجهي كلمة لكل المشتركين اللي نافسو معاكي ف المسابقة من المرحلة الآولي للآخيرة
ووجهي كلمة للقسم العامي بمنتديات بنات مصر

لكل المشتركين اللي كملوا او خرجوا
بجد كلكم اقلام مميزة بلا استثناء
وسعدت اني اكون معاكم في المسابقه
اتمنالكم التوفيق دايما

قسم العاميه
سعدت بوجودي فيك الفترة دي
وان شاء الله اجي ازورك تاني
ومش بعيد اشيل منه من اشرافه واقعد بدالها _____________________________________________

شاعر الحب الحزين

خالد
آزيك؟

الحمدلله بخير واتمنى انك تبقى بخير يا ابو الفرس

1-بعد آنجازك اللي حققته ف المرحلتين الآول ونصف النهائي
شايف نفسك فين ف النهاءيات بقصيدتك ؟

والله صعب اتوقع ..دي مرحلة صعبة وحرجة على الجميع

/
2- ..توقعاتك الداخليه آنك تاخد مركز من المراكز الثلاث؟ آو الخروج ؟ آو اللقب؟

خلينا نتفائل خير ..مركز من المراكز الثلاث..صاحب اللقب ده من اختصاص التحكيم بقى

/
3- ..آيه اللي دفعك تكتب بالشكل دا عن بلدك؟

عشان واحشاني..وطال غيابي عنها ونفسي ارجعلها ..وهرجعلها قريب بإذن

المولى سبحانه وتعالى

4- لو كنت مُشاهد وتسمحلي تقعد ف السؤال دا مكان المُشاهدين والمُشجعين .آنهي قصيدة نالت آعجاب خالد من القصائد اللي نزلت ف النهائي ضمن المجموعة اللي معاك؟ومطلوب رد بقصيدة وحدة؟

لحد دلوقت.. علموني إني اكرهك / دكتور عبدالله..أصل لسه في كتابات ما قرأتهمش..

5-لو التقيمات ودتك ف مكان آنت مش متوقعه وهو الخروج ..هيكون آيه موقفك وهل هتحترم التقييم واللجنة ولا هتطعن ف النتيجة ؟

لا عادي جدا واقل من عادي كمان .. رغم انها صعبة شوية ..بس انا اتعودت ارضى ..وهبارك للفايزين من قلبي

6- ولو التقيمات وصلتك لآي مركز بدون اللقب ..برضه هيكون آيه موقفك

بصراحة انا خايف افوز باللقب ..وخايف اني اخسره برده

خايف افوز بحكم اشرافي ع القسم..لأن فيه ردود فعل ف المرحلة الماضية

ما عجبتنيش بصراحة..وخايف اخسره لأني وصلت للمرحلة الأخيرة ..كله على الله

بس والله الكل اجتهد وقدم افضل ما عنده .. ف بالتوفيق للجميع ..وهتكون اجواء مرحة بإذن الله

أيا كان الفائز في المسابقة وأيا كان مركزي .. ما يهمنيش مركزي قد ما يهمني إن الكل يبقى راضي بالنتائج


7- ولو التقيمات كانت حليفتك وهادتك اللقب شايف آنك تستحقه آنك آفضل واحد كتبت عاميه ف المسابقة؟؟

دي خصوصيات لجنة التحكيم..وهي اللي تحدد مين صاحب اللقب..ولو هي شايفة اني بستحقه ف بستحقه

8- قسم العاميه اللي آتولدت فيه مسابقة شاعر العاميه واللي زي ما ربنا يكتب النتيجة ويلهمنا للصح ..
لو قسم العاميه كان سبب ف تلقيبك بشاعر العاميه ..
هل هتستمر ف شغلك جوة القسم العامي؟ وتكون حريص علي اللقب والحفاظ علي مكانتك ف القسم العامي بنزولك لقصايد مستمرة ؟ ولا هتهجر القسم بمجرد ما تنتهي المسابقة؟

انا اهدافي أسمى واكبر من أي لقب ..وسواء فزت أو خسرت هفضل مستمر في القسم ..

9- قول رآيك ف المسابقة عموماً من بدايتها لنهايتها ولو في آي ملاحظات عندك قولها وقولنا كمان رآيك ف لجنة الحكم وطريقة عرض التقيمات ...

بصراحة مسابقة واجهت ردود فعل غير متوقعة من البعض..ورغم كده استمرت ..ف بعتبرها مسابقة ناجحة

وعن لجنة التحكيم ..ف ما بشككش ف نزاهتها وتقييماتها..وبتمنالهم التوفيق ف المرحلة الأخيرة

10- وآخيراً وليس آخراً ..وجه كلمة لكل المشتركين اللي نافسو معاك ف المسابقة من المرحلة الآولي للآخيرة
ووجه كلمة للقسم العامي بمنتديات بنات مصر

كلهم إخوات وأهل وحبايب..كل المشتركين يستاهلوا التحية والتقدير ..وبالنسبة للمرحلة الأخيرة

بتمنى التوفيق للي وصلوا جميعا للمرحلة دي..القسم العامي ده حبيبي ومنور بيك يا مانش وبكل رواده

__________________________________________

Fagr Alislam

1-بعد آنجازك اللي حققتيه ف المرحلتين الآول ونصف النهائي
شايفه نفسك فين ف النهاءيات بقصيدتك ؟
الحمد لله ماكونتش متوقعه اوصل بس نحمد ربنا عديت الله اعلم بقى
2- ..توقعاتك الداخليه آنك تاخدي مركز من المراكز الثلاث؟ آو الخروج ؟ آو اللقب؟
والله اتمنى طبعا اخد مركز لكن لوو خرجت عادى
3- ..آيه اللي دفعك تكتبي بالشكل دا عن بلدك؟
حبى ليهاااااااا
4- لو كنتي مُشاهدة وتسمحيلي تقعدي ف السؤال دا مكان المُشاهدين والمُشجعين .آنهي قصيدة نالت آعجاب فجر من القصائد اللي نزلت ف النهائي ضمن المجموعة اللي معاك؟ومطلوب رد بقصيدة وحدة؟
والله الصراحه ماشوفت الكل
5-لو التقيمات ودتك ف مكان آنتي مش متوقعاه وهو الخروج ..هيكون آيه موقفك وهل هتحترمي التقييم واللجنة ولا هتطعني ف النتيجة ؟
لا عادى كل واحد بياخد نصيبه واللجنه تعبانه اكيد معانا وهم شايفين الافضل
6- ولو التقيمات وصلتك لآي مركز بدون اللقب ..برضه هيكون آيه موقفك
هبقى فرحانه اكيد
7- ولو التقيمات كانت حليفتك وهادتك اللقب شايفه آنك تستحقي آنك آفضل واحدة كتبت عاميه ف المسابقة؟؟
امممم الصراحه لا مش الافضل اكيد فى افضل منى يستحقه
8- قسم العاميه اللي آتولدت فيه مسابقة شاعر العاميه واللي زي ما ربنا يكتب النتيجة ويلهمنا للصح ..
لو قسم العاميه كان سبب ف تلقيبك بشاعر العاميه ..
هل هتستمري ف شغلك جوة القسم العامي؟ وتكوني حريصة علي اللقب والحفاظ علي مكانتك ف القسم العامي بنزولك لقصايد مستمرة ؟ ولا هتهجري القسم بمجرد ما تنتهي المسابقة؟
اكيد هستمر حفاظا عليه
9- قولي رآيك ف المسابقة عموماً من بدايتها لنهايتها ولو في آي ملاحظات عندك قوليها وقوللنا كمان رآيك ف لجنة الحكم وطريقة عرض التقيمات ...
الصراحه المسابقه حلوه بغض النظر انها طولت وتعبتنى معاها وتعبت اعصابى بس مجود كبير منك ومن اللجنه ومن المتابعين والمتسابقين وانا مبسوطه انى دخلت فيها وكملت
10- وآخيراً وليس آخراً ..وجهي كلمة لكل المشتركين اللي نافسو معاكي ف المسابقة من المرحلة الآولي للآخيرة
ووجهي كلمة للقسم العامي بمنتديات بنات مصر

اتمنالهم التوفيق واللى خرجوا اكيد انتو رااااااائعين بدون شك ربنا يوفق الجميع

القسم العامى طبعا بحبه اوووووى ومعظم تواجدى فيه وبحب الكلام اللى بيتكتب فيه

ربى يحفظكم وشكررررررررررررا

__________________________________________________ __

فصيح

فصيح
آزيك؟

الحمد لله يا فنان

1-بعد آنجازك اللي حققته ف المرحلتين الآول ونصف النهائي
شايف نفسك فين ف النهاءيات بقصيدتك ؟

بعيد عن الغرور والتقيمات في ثقه جوايا إن شاء الله الأول ، أنا بقول دا جوايا أما التقيمات دى
خاصة بلجنة التحكيم ربنا معاهم وأثق فيهم

/
2- ..توقعاتك الداخليه آنك تاخد مركز من المراكز الثلاث؟ آو الخروج ؟ آو اللقب؟

اللقب ووالله ماهو غرور ثقه بالله أولا وللجنة التحكيم أفاضل لهم رايهم واقدره

/
3- ..آيه اللي دفعك تكتب بالشكل دا عن بلدك؟

والله العظيم يا منشاوي بحبه بموت فيها كمان ومش خساره فيها روحي

4- لو كنت مُشاهد وتسمحلي تقعد ف السؤال دا مكان المُشاهدين والمُشجعين .آنهي قصيدة نالت آعجاب فصيح من القصائد اللي نزلت ف النهائي ضمن المجموعة اللي معاك؟ومطلوب رد بقصيدة وحدة؟

معلشي يا فنان هعتذر عن ردي هنا للحساسيه كلهم بلاشك تفوقوا في حب مصر وهو دا المطلوب

5-لو التقيمات ودتك ف مكان آنت مش متوقعه وهو الخروج ..هيكون آيه موقفك وهل هتحترم التقييم واللجنة ولا هتطعن ف النتيجة ؟

أطعن إيه والله راضي كغايه أنكم خلتوني أكتب في حبيبتي مصر وكفايه إني بينكم

6- ولو التقيمات وصلتك لآي مركز بدون اللقب ..برضه هيكون آيه موقفك

راضي والله ، والله يكون في عون المحكمين لأن العدل دا صعب أوي إلا لمن خشى ربه

7- ولو التقيمات كانت حليفتك وهادتك اللقب شايف آنك تستحقه آنك آفضل واحد كتبت عاميه ف المسابقة؟؟

الحمد لله استحقه لاجتهادي ، يا راجل |أنا اتعلمت التنسيق عشان ما ابعدش عن اللقب

8- قسم العاميه اللي آتولدت فيه مسابقة شاعر العاميه واللي زي ما ربنا يكتب النتيجة ويلهمنا للصح ..
لو قسم العاميه كان سبب ف تلقيبك بشاعر العاميه ..
هل هتستمر ف شغلك جوة القسم العامي؟ وتكون حريص علي اللقب والحفاظ علي مكانتك ف القسم العامي بنزولك لقصايد مستمرة ؟ ولا هتهجر القسم بمجرد ما تنتهي المسابقة؟

لا ابدا أنا بعشق العاميه جدا وهي المفضله وبكتب فصحي لكن بخاف أغلط وليه الحمد لله خاطره فيها
ولاعضاء اشاروا لها بالبنان لكن صدقني كسبت خسرت مش هسيب القسم العامي ونشاطي هيزيد كمان

9- قول رآيك ف المسابقة عموماً من بدايتها لنهايتها ولو في آي ملاحظات عندك قولها وقولنا كمان رآيك ف لجنة الحكم وطريقة عرض التقيمات ...

المسابقة من أروع ما دخلت في منافسات بجد جوها مفعم بالتقدير والاحترام منافسن ولجنة حكام
مفيش ملاحظات وبالنسبة للتقيمات استغربت فقط تقيم لمحكم واحد بس لكن سرعان ما قولت
كل واحد ليه زجهة نظر مختلفه عن الاخر وربما لم ارقي لمستوي اعجابه بما كتبت

10- وآخيراً وليس آخراً ..وجه كلمة لكل المشتركين اللي نافسو معاك ف المسابقة من المرحلة الآولي للآخيرة
ووجه كلمة للقسم العامي بمنتديات بنات مصر

المشتركين هما فعلا بدون مجامله من كبار نجوم هذا المنتدى وكل واحد فيهم ما يميزه عن الاخرين
أما القسم العامي فأقول له أعشقك لأني قدرى أعبر فيك ووصل لاحترام الناس فيك كا كاتب\

لكم الشكر والتحية

فصيح

_____________________________________________

مراقبة الاقسام العامه

استاذة
آزيك؟

1-بعد آنجازك اللي حققتيه ف المرحلتين الآول ونصف النهائي
شايفه نفسك فين ف النهاءيات بقصيدتك ؟


احتمال وليه لأ

/
2- ..توقعاتك الداخليه آنك تاخدي مركز من المراكز الثلاث؟ آو الخروج ؟ آو اللقب؟

مش عارفة لان الواحد مش بيعرف يحكم على نفسه
يمكن انا حسيت اللي كتبته وغيري لأ
كل حاجة في علم الغيب
بس اتمنى طبعاً
لان طعم النجاح حلو


/
3- ..آيه اللي دفعك تكتبي بالشكل دا عن بلدك؟

انا فعلاً بحبها وبغير عليها وعلى ارضها
رغم اني زعلانه على حالها وحالنا


4- لو كنتي مُشاهدة وتسمحيلي تقعدي ف السؤال دا مكان المُشاهدين والمُشجعين .آنهي قصيدة نالت آعجاب لميس من القصائد اللي نزلت ف النهائي ضمن المجموعة اللي معاك؟ومطلوب رد بقصيدة وحدة؟

علموني إني أكرهك..((شاعر العامية))




5-لو التقيمات ودتك ف مكان آنتي مش متوقعاه وهو الخروج ..هيكون آيه موقفك وهل هتحترمي التقييم واللجنة ولا هتطعني ف النتيجة ؟

طبعاً طبعاً انا بشترك عشان اكتب مش عشان اكسب



6- ولو التقيمات وصلتك لآي مركز بدون اللقب ..برضه هيكون آيه موقفك

اي حاجة يا جماعة انا شاله كباية عصير
والله كله حلو من وشكم
وعلى فكرة هشترك دايماً في مسابقاتك منشاوي
قول ليه
ادارتك للمسابقة قمة في النشاط والروعة
بقولك هعمل مسابقة في القصص بعد مسابقتك مباشراً
ما تيجي تديرها انت عشان ننشط القسم كده شوية بافكارك الحلوة ^_^



7- ولو التقيمات كانت حليفتك وهادتك اللقب شايفه آنك تستحقي آنك آفضل واحدة كتبت عاميه ف المسابقة؟؟

لأ طبعاً ده لو حصل هلوم عليكم لانه مش هيكون حقي ابداً

8- قسم العاميه اللي آتولدت فيه مسابقة شاعر العاميه واللي زي ما ربنا يكتب النتيجة ويلهمنا للصح ..
لو قسم العاميه كان سبب ف تلقيبك بشاعر العاميه ..
هل هتستمري ف شغلك جوة القسم العامي؟ وتكوني حريصة علي اللقب والحفاظ علي مكانتك ف القسم العامي بنزولك لقصايد مستمرة ؟ ولا هتهجري القسم بمجرد ما تنتهي المسابقة؟

المسابقة حببتني شوية اكتب عامية
متهيقلي هحاول اكتب واستمر


9- قولي رآيك ف المسابقة عموماً من بدايتها لنهايتها ولو في آي ملاحظات عندك قوليها وقوللنا كمان رآيك ف لجنة الحكم وطريقة عرض التقيمات ...

قمة الروعة والجدية والمصداقية

10- وآخيراً وليس آخراً ..وجهي كلمة لكل المشتركين اللي نافسو معاكي ف المسابقة من المرحلة الآولي للآخيرة

سعيدة بيكم ومعكم


ووجهي كلمة للقسم العامي بمنتديات بنات مصر

قسم جميل والله كفاية البساطة في الكتابة
وان شاء الله اتوقع له نشاط كبير
___________________________________________

د/ عبد اللَّه

عبدالله
آزيك؟
الحمد لله يا غالي
1-بعد آنجازك اللي حققته ف المرحلتين الآول ونصف النهائي
شايف نفسك فين ف النهاءيات بقصيدتك علموني آني آكرهك؟
كل واحد عايز يكسب والله أعلم ايه اللي هيحصل
/
2- بما آنك كاتب بتنسيق مبسط عن الكل ..توقعاتك الداخليه آنك تاخد مركز من المراكز الثلاث؟ آو الخروج ؟ آو اللقب؟
احنا اتفقنا من قبل المسابقة ان اللى هيعمل خلفية هيبقى زي اللى عمل تنسيق كامل
اما اللى معملش خالص هيقل..وده كان كلامك
وعموما انا مش بهتم بالتنسيق وكل اهتمامي بمحتوى القصيدة
/
3- ف قصيدتك علموني آني آكرهك جمعت بين حبك لبلدك والظلم اللي سايد فيها والظلم اللي بيعيشو آي مصري ..آيه اللي دفعك تكتب بالشكل دا عن بلدك؟
أنا كتبت الكلام اللى أنا حاسه
4- لو كنت مُشاهد وتسمحلي تقعد ف السؤال دا مكان المُشاهدين والمُشجعين بصفتك مشرف ف القسم الآدبي .آنهي قصيدة نالت آعجاب د/ عبدالله من القصائد اللي نزلت ف النهائي ضمن المجموعة اللي معاك؟ومطلوب رد بقصيدة وحدة؟
كل اللى نزل لغاية دلوقتى 5 قصائد بما فيهم بتاعتي...فين باقى الناس؟

5-لو التقيمات ودتك ف مكان آنت مش متوقعه وهو الخروج ..هيكون آيه موقفك وهل هتحترم التقييم واللجنة ولا هتطعن ف النتيجة ؟
مش هطعن ف اللجنة لكن مش هكون راضي
6- ولو التقيمات وصلتك لآي مركز بدون اللقب ..برضه هيكون آيه موقفك
انا لسه مشوفتش باقى المواضيع

7- ولو التقيمات كانت حليفتك وهادتك اللقب شايف آنك تستحقه آنك آفضل واحد كتبت عاميه ف المسابقة؟؟
لسه برضو باقي المواضيع

8- قسم العاميه اللي آتولدت فيه مسابقة شاعر العاميه واللي زي ما ربنا يكتب النتيجة ويلهمنا للصح ..
لو قسم العاميه كان سبب ف تلقيبك بشاعر العاميه ..
هل هتستمر ف شغلك جوة القسم العامي؟ وتكون حريص علي اللقب والحفاظ علي مكانتك ف القسم العامي بنزولك لقصايد مستمرة ؟ ولا هتهجر القسم بمجرد ما تنتهي المسابقة؟
انا مش هكتب ف القسم عشان اللقب..انا بكتب لما الاقي نفسى عايز اكتب حاجة حاسسها
بغض النظر اني خدت اللقب أو لا

9- قول رآيك ف المسابقة عموماً من بدايتها لنهايتها ولو في آي ملاحظات عندك قولها وقولنا كمان رآيك ف لجنة الحكم وطريقة عرض التقيمات ...
المسابقة جميلة فعلا وزي ما قلتلك اتقدملها بشكل احترافي وانت عامل فيها شغل عالي
النقد الوحيد عندي في نقطة التنسيق كنت اتمنى ميكونش عليه درجات او تكون درجته قليلة
لجنة التحكيم كلهم ناس محترمين وأكيد بيبذلو جهد كبير قوي ف التقييمات بالعدد ده
وأكيد ممكن يحصل خطأ مش مقصود .. والنتيجة مش هتكون مرضية للكل

10- وآخيراً وليس آخراً ..وجه كلمة لكل المشتركين اللي نافسو معاك ف المسابقة من المرحلة الآولي للآخيرة
ووجه كلمة للقسم العامي بمنتديات بنات مصر

كل المتسابقين قدمو حاجات جميلة والمسابقة كانت فرصة اننا شوفنا ابداعات
القسم العامي: قسم أظهر لنا ابداعات وشوفنا مواهب بجد
شغلك فيه ومجهودك باين ومنة ما شاء الله شغل كبير
تحياتي للجميع

[ويبقى الأثر]

قسم العاميه
سعدت بوجودي فيك الفترة دي
وان شاء الله اجي ازورك تاني
ومش بعيد اشيل منه من اشرافه واقعد بدالها


...........................
هههههه ايمان خلاص تعالى نبدل انتى اشراف العامى وانا المراقبه
القسم حقيقى نور بيكى ويارب تفضلى فيه علطول

[فصيح]

بالتوفيق للجميع

مقدر وشاكر لك منشاوي ومنه

ولجنة التحكيم تعبكم لإنجاح هذه المسابقة

وجهد عالي منك يا نجم في التنظيم

احترامي

[.Lamar]

جميل الموضوع و جميل جو المسابقة

بتمنى التوفيق للجميع

[شاعر الحب الحزين]

مجهود عظيم منك يا مانش ومن المشرفين

على المسابقة ..بوجهلهم التحية جميعا

والمسابقة خلت ناس كتير تحب قسم العامية

وده بفضل الله سبحانه وتعالى أولا ..وبعد كده

بفضل فارس اللي بأسلوبه وإدارته للمسابقة

قدر يتفوق على أي مسابقة كانت من قبل في النجاح

انا شرفني اني كنت واحد من المشتركين ف المسابقة

ومعاك يا مانش ف أي مسابقة تانية ..بعد شاعر العامية

ربنا يوفقك ويسعدك