الأهـَلي يـَقلب الطـَاولة عل إنبي ويصَعد لنهائي كأس مـَصر ..

[سَـلمَى]

’’ الأهلي لا يعرف المـَستحيل هكــّذا الــَصورة تــَقول ’’

قلب فريق الأهلي الطاولة على نظيره إنبي وحول تأخره بهدف إلى فوز بهدفين
سجلهما في 180 ثانية فقط، خلال اللقاء الذي أقيم مساء الخميس، باستاد الجيش الثالث بالسويس
في دور الأربعة ببطولة كأس مصر لكرة القدم..

تقدم إنبي بهدف رائع لمهاجمه الواعد محمد الشامي في الدقيقة 29،
ولكن مؤمن زكريا سجل هدف التعادل في الدقيقة 82، وبعدها بثلاث دقائق فقط
أحرز سعد سمير هدف الفوز للأهلي من ضربة رأس..

وصعد الأهلي بهذا الفوز المثير إلى نهائي كأس مصر ليضرب موعداً نارياً مع الزمالك حامل اللقب ووصيف الدور يوم الاثنين المقبل في سيناريو مكرر لنسخة العام الماضي..

نيـــَجي بــَقى للنقاط :

- أولآ بالنسبة لإنبي شااابوه عل الأداء ال كان في الشوط الأول خاصة في أخره
والدفاع الجيد وبرااافو لحارس المرمى علي لطفى وأحمد صبحي ومحمد الشامي
دوول نجوم إنبي ال كان أدائهم ملاحظ ..

- بالنسبة للأهلي في الشوط الأول أداء ضعيف وعقم هجومي وعشوائية في منتصف الملعب
وأخطاااء كتيرة وفرص ضائعة بالجملة وتمريرات كتيرة خطأ ودفاااع بيتفرج -_-

- حسام غالي يفوز بأكتر لاعب تمريراته خطأ وبيرجع الككورة لورا كتير وبيتقطع منه الكورة بردو كتير
عاشووور كان أقل منه بس الإثنين كانو ضاايعين ..

- مش فاهمة ليه لحد دلوقتي مارتن يول بيعتمد عل حسام غالي وسايب السولية وجمعة في الدكة -_- !!

- بالرغم من سيطرة الأهلي وضغطه لكن كالعادة ده بيكون بشكل سسلبي ومابيترجمش
الضغط ده بهجمات منظمة والهجوم مش بينهي الهجمة كويس ..

- كورة هدف إنبي عل الأهلي لتاني مرة بتتكرر ومحدش من كل ال كانو في المنطقة
قدرو يقطعو الكورة من الشامي وطبعا الكورة كانت قوية ومباغته لأحمد عادل ..

- محمد هاني كان بيعمل عرضيات حلوة من منطقته ومحدش بيترجمها صح
نفس الوضع مع علي معلول ..

- مؤمن زكريا المبارة ده سيئ في كل حاجة والهدف غطى عل ال عمله ..

- السعيد عاااوز يلعب أكتر عشان يرجع لرتم المباريات ..

- الشوط الثاني أفضل بكتير ومع تبديلات مارتن الضغط بقى أعلى وأخر الدقايق
الأهلي كان بيعلب في منطقة جزاء إنبي بس ..

- إستعاددة الروح والتوازن والتركيز ودقة التمريرات وتقليل الأخطاء ونزول أحمد فتحي
ال عمل ال مقدرش غالي وعاشور يعملوهم سواء وتعزيز الهجوم ده غير من شكل الأهلي الشوط الثاني ..

- الركنيات والكرات الثابتة أكتر حاجة متطورة عند الأهلي والمدافعين بيستغلوهم صح ..

- علي معلول في أول مشاركة ليه أبدع وأدى وأثبت للجميع إنه فعلا صفقة الموسم للأهلي
مزيد من التأأألق يارب .. ونقدر نقول لصبري رحيل هتوحشنا والله

- وليد سليمان إتبهدل ياعيني ومسلمش غير لما إتصاب وإن شاء الله تكون إصابة خفيفة
أداءه متراجع شوية المتش ده لكن وجوده مؤثر بلا شك ..

- سعد سمير وربيعة الشوط الأول مكنوش ظاهرين لكن ظهرو الشوط الثاني خاصة سععد
المتألق الفتررة ده ماشاء الله .. مبسوطة برجوع ااالثقة ليه وإثبات نفسه والمهم الإستمرارية ..

- مروان محسن منقدرش نحكم عليه دلوقتي لسه قدامه فرص كتير بس بيعجبني فيه
قتاله عل الكورة والضغط عل اللعيبة لإستخلاصها ..

- أحمد عادل عبد المنعم ’’ ربنــَا يحميك ويزيدك ’’

- نجم المبارة بالإجماع كان ( عــَـلي معلول ) ..

مـــــــــــــَبرووووك للأهــَلي الفوز والوصول للنهائي الكأس

وإن شاء الله تحصدو الكأس ال ( 36 ) ..

ومبرووووك للزمالك أيضا الصعود للنهائي بعد تغلبه عل الإسماعيلي بالأمس ..

الموووعد يوم الإثنين القادم بإإذن الله والمهم أن نرى قمة تليق بالفرقتين ..

واه مبروووك كمان للمصري المشاركة في الكونفدرالية

* أهداف اللقاء * :

تـــَحياتي : ســـَلمى ^-^

[سارة بنت مصر]

مبروك سلمى الفوز

وان شاء الله الزمالك يكسب البطوله للمره الرابعه على التوالى

[El_Magic]

مبرووووك الفوز اولا

ثانيا

متفرحيش اوى ياسلمى كسبناكم السنه اللى فاتت بهدفين لباسم الحاسم

ان شاء الله يوم الاتنين الزمالك هيكسب بعد ما كسبنا الاسماعيلى برباعيه فاللاعيبه اللى انضمت جديد للزمالك ان شاء الله يعملوا مباراه جيده ونحصد الكاس للمره الرابعه على التوالى

[BaAnoOta]

هييييه كسبنآ ونبي دي حآآجه جميله خالص
تسلـمي سلمي علي ألمجههود
نقـلك للاخبار وتحليلك للمبآرة بصرآحه ميتـوصفشش ^^
ومنتظرة مبآراةة الاهلي وآلزمالك
وطبعآآ يعني مش محتآجه قوآله الاهلي بطل الكاس اكيد
بس دي كلهآآ شكليات ومربعآت

يالا تسلم ايدك بئآ ..

[فصيح]

مبروك الاهلي وقع قلبي
اتمني يتحسن الاداء
شكرا سلمى

[۩۩ elMagic ۩۩]

" اتغفلوا 80 دقيقه واخدوهم في شوال في 5 دقايق "
هو دا ملخص اللقاء
المراره وربنا جابت اخرها
مؤمن مش طبيعي عمال يضيع حاجات عجيبه
هو شكله بقى يلعب لصالح مدافعين المنافس الكام ماتش دول !
وبعدين غالى وعاشور الناس دي سنها كبير
اما يلعبوا الماتشات دي ورا بعض ما طبيعي السن بيحكم
والارهاق البدني شغاال لازم بقى يريحهم شويه
لا يتصابوا اصابات قويه وميلاقهومش خالص
موجود صالح والسوليه يشغلهم شويه خليهم يتحركوا
وعلى معلول دا رجع للجبهه الشمال قوتها من تانى
الجبهه دي من بعد سيد معوض كانت ماتت واتدفنت
ومروان بقى لسه مع الماتشات هيظبط
شوفته الريأكشن بتاعه على مارتن يول
ودي روح الفانله الحمرا
مكنش بالحماس داا مع صفايح المانجه
سعد سمير بقى بدأ يثق في نفسه
خصوصا بعد هدفين ف ماتشيين متتاليين
بالتوفيق بقى ليهم في اللى جاى ان شاء الله
تسلمي سلمي للمجهود
الله ينور بقى

[راجعة لحبيبى]

مشكوره سلمى
مبروك للاهلى
وبحول الله ياخذ الكاس
ويجمع البطولتين
تسلمين

[حازم34]

ما شاء الله علي التغطيه الجميله


ابارك لكي فوز البطل وان شاء الله الاهلي بطل الكاس


الاهلي قدم مباراه جيده في الشوط الثاني


ربي يسعدك يارب يارب لكي مني خالص التحيه والتقدير

[اسلام طارق]

تسلم على المجهود

[سَـلمَى]

اقتباس المشاركة الأصلية كتبت بواسطة سارة بنت مصر مبروك سلمى الفوز وان شاء الله الزمالك يكسب البطوله للمره الرابعه على التوالى

الله يبـَارك فيك ..

تششكرات عل المرور الدايم ..

منــَورة ياجميل