أصل البحر غدار

[شاعر الحب الحزين]

لا يوم آمنته ولا يوم شكيتله أحوالي

عشان عارف معندوش إجابة لسؤالي


أصــل البحــر ده غــــدار

ما يتأمنـش علـى أســرار

كام سمكة عاشت جواه

ومن غيره ملهاش حياه

صياد رمى الشبكة اللي معاه

وسابها تصطاد ف سمكه وتختار

أصــل البحـــر ده غـــــــدار

اللي قعد قدامه يشكيله

لما تاه بين البشر دليله

قلب عليه وكان قادر يشيله

غرقه جواه وبعدين رماه بين جنة ونار

أصـــل البحـــــر ده غـــــدار

مركبة ماشية فوقه وإداها الأمان

فيها أطفال فيها بشر اشكال والوان

ف لحظة علي موجه واختل الميزان

وغرقت المركبة قبل ما توصل لنهاية المشوار

أصــــل البحــــــر ده غـــــــدار

مـا تأمنهــوش علــى أســـرار

زي بعض بشر مش بيشبع

ومهما ياخـد بـرضه بيطمـع

مجنون بيتكلم وعاقل يسمع

واهو كله ماشي.. والدنيا ما دايماشي

وملناش أي حيلـة مـع الأقـدار

ده مــش بــس البحــــر غــــدار

ده الغدر دنيا مليانة بصد وأعذار

وعن الوفا خلاص اختفى ونزل الستار



شـــــــــــــــــــــــــــــ . حــــــــــــــــــــــــــــ

[*فجر الاسلام*]

تسلم ايدك ويدوم ابداعك شااااااااعرنا الكبير
وهكذا هو حال الدنيا عبرت بكلمات جميله
تحيات

ى

[شاعر الحب الحزين]

اقتباس المشاركة الأصلية كتبت بواسطة fagr alislam تسلم ايدك ويدوم ابداعك شااااااااعرنا الكبير وهكذا هو حال الدنيا عبرت بكلمات جميله تحيات ى

ربي يسلم نبض قلبك فجر تسلمي

الله يكون في عوننا على الدنيا دي

الأجمل تواجدك ومساهمتك الطيبة

نورتيني واسعدتيني اكيد بتواجدك

ربنا يوفقك ويسعدك

[شاعرة الرومانسيه]

يعنى جيت على الشىء الوحيد الى بحبه وتقول عليه غدار

والله الغدر دائما من طبع البشر

ودايما بنظلم البحر بهذه الجمله

كلمات تحمل الكثير يا خالد

اراح الله صدرك وأمنك من كل غدر وشر

اللهم امين

[شاعر الحب الحزين]

اقتباس المشاركة الأصلية كتبت بواسطة شاعرة الرومانسيه يعنى جيت على الشىء الوحيد الى بحبه وتقول عليه غدار والله الغدر دائما من طبع البشر ودايما بنظلم البحر بهذه الجمله كلمات تحمل الكثير يا خالد اراح الله صدرك وأمنك من كل غدر وشر اللهم امين

بتحبيه يا حنين ؟؟

ده نفسه يغرق أي حد قدامه لولا ربنا مانعه يعمل كده

انا اتكلمت بواقعية يا حنين..وقلت حاجات حصلت فعلا

والكلمات أقرب للتشابيه..معلش يا حنين

مكنتش اعرف انك بتغيري عليه للدرجادي..ما اقصدش بحرك

تسلمي لتواجدك الطيب يا طيبة

نورتيني واسعدتيني بتواجدك حنين

ربنا يوفقك ويسعدك

[αЛαstoOorα]

غدار
من فوق عبير الموج
دمرتلي حالي
/
لا لقيت ف حضنك دوة
ولا مرسي يلقاني
/
انا اللي كنت زمان
فارس آعوم آمتار
/
آغطس آكون جبار
والغطس يحلالي
/
وصيت عليا الموج
يعمل لروحي خروج
/
لا مركبي يجي نحيتي
ولا حد ينجاني
/
غدار يابحر الهوي
وعليا انا جاني
/
حاجة بسيطة كدا آخلود
تحيه مني ليك ^^
المنشاوي ..!

[فداااااااااااء]

البحر يبان هادئ ولكنه فى لحظة تلاقيه قلب عليك بامواجه
كلمات جميلة منك اخى شاعر
سلم نبضك اخى الواقعى دوما

[همس الكناريا]

رغم منظر البحر ورووعته وهدوئه وأمواجه

إلا انه غدار ومالوش عزيز ولا غالي

كلمات جميلة مطعمة بإحساس إجمل

دام قلمك ونبضه

ودمت بخير حال

همس الكناريا

[حازم34]

يا سلام علي التشبيه والاستعاره

والكنايه والمجاز كل علم البلاغه هون في معزوفه البحر غدار للشاعر الجميل خالد


الله عليك وعلي ها الفكر والتعبير والشعر الجميل


لاحرمنا الله تواجدك الرقي وقلمك القيم


منور دايما استاذي

[راجعة لحبيبى]

لوكان البحر طبعه كذا
فهناك من البشرمن هم اشد غدراوخيانه
جميل شاعرناالغالى
اخوى خالد
ابداعك يشدنى
تسلم
لروحك السعاده