الحلقه الرابعه من ( 20 سؤال ) مع ( ...... )

[morshooo]

بسم الله الرحمن الرحيم

مزاج الخير

هلا بيكم وحلقه جديدة من

( 20 سؤال )

تعالو نشوف مين معانا النهاردة .

قولى ورايا
والله العظيم لجاوب بصراحه
الحمد لله حلفتى

هههه انا قريت لم ينطق لسانى
وربنا مش بيحاسب غير اللى بيتنطق بيه




1/ اوعدى الاعضاء ان اجاباتك كلها هتكون بصراحه ؟
والله على حسب الاسئله ما انت عارف يا استاذ
فجر انسانه غامضه




2 / مسجله اسم مامتك ايه على الموبيل وباباكى ؟
ماما وبابا




3 / عامله موبيلك بباسورد والا لا ؟
لا لانه مايستهلش اصلا




4 / لو حد مسك موبيلك بتقلقى والا عادى مسموح للجميع يشوف ويفتش فى موبيلك ؟
لو حد كبير اه عادى
بس الاطفال لا لانهم ممكن يحذفوا حاجه
او يدخلوا على النت يطيروا الرضيد




5 / مامتك شبه مين من الفنانيين ؟
ههههه معرفش




6 / لو قداكم تسيبى البيت وتعيشى مع حد تانى هتختارى مين سواء معرفك او شخصيه عامه ؟
لا عاجبنى البيت




7 / بتحبى الورك والا الصدر فى الفراخ ؟
هههههه ايه الاسئله دى
بحب الورك




8 / جربتى قبل كدا تعملى دماغ بسيجارة او شيشه او اى حاجا ؟
هههههههه هموت من الضحك لا طبعا




9 / لو الشبكه هتجيلك فضه هتوافقى والا لا ؟
لا مش بحبه ولا بحب الدهب كمان




10 / لو اتقدملك ( محمد رمضان ) بعد ما جاب عربيتين بحوالى 6 مليون هتوافقى عليه ؟
لا




11 / بعد انتشار بيومى فؤاد فى رمضان الى فات تقترحى عليه يظهر فى ايه تانى ؟
هههه يظهر فى البرلمان




12 / تحبى خطيبك يكون خام والا كان مقضيها ؟
خام؟؟؟ يكون محترم يا عم الحج




13 / لو واحده صحبت نامت 5 سنين وصحيت النهاردة هتقوليلها ايه ؟
ايه اللى صحاكى روحى كملى احسن




14 / ايه رد فعللك لو شوفتى البنطلون المقطع من ورا نزلت مصر وبنات لابساها ؟
ربنا يهديهم




15 / دخلى جمله ( يا روح أمك ) فى اغنيه ؟
هههههههههه ياروح امك رد عليا ازيك سلامات




16 / مامتك بتصحيكى ازاى وانتى نايمه ؟
انا اللى بصحى لوحدى




17 / ايه اكتر جمله مامتك بتقولهالك وهى مدايقه منك ؟
مش فاكره




18 / اخر مره اتعكستى امتى وقالك ايه ؟
ههههههه مش فاكره مش بركز فى التفاهات دى




19 / وانتى قاعدة لوحدك اليومين دول بتغنى اغنيه ايه ؟
اممممم انا صوتى وحش اصلا




20 / ايه رئيك فى البرنامج ؟
مجنووووووووون زى صاحبه اقول ايه بس




كانت معكم من قلب الحدث

Fagr Alislam

[فداااااااااااء]

فجر دمها خفيف ههههه منورة الإستضافة يا قمر
سلمت اخى مورشو
حلقة جميلة يدوم نشاطك

[توحد ارواح]

فجر منوره الحلقه باجاباتها الجميله
شكرا ا/ مورشو
وبانتظار الحلقه الجاية

[حـيـــــآة ❤]

فجر العسوله الذوق
منوره قلبي
تسلم احمد
دمتوا بخير

[شاعر الحب الحزين]

فجر انسانة فارضة وجودها واحترامها في المنتدى

استضافة موفقة جدا يا مورشو

بحييك على اختيار الضيوف ..إجابات انسانة محترمة وخلوقة

تسلم ويسلم نبضك ودوووم تواجدك مورشو

منورين الدنيا

[راجعة لحبيبى]

هههههههه
مجنون مورشو
ماكنت اعرف هادى
والله عسل فجر
تسلمى
واسلم مرشو

[ساحرة القلوب.]

جميل والله البرنامج
وحلوة الاسئلة
والضيفة رائعة

[دمعه حائره]

اجابات جميله ودمك خفيف يافجر ياقمر
منوره الدنيا كلها ربنا يسعدك ديما
تسلم مروشو على الاستضافه الحلوة

[واد حبيب]

حلقه جميله مع عضوه هاديه ودمها خفيف
تسلمو علي الحلقه

[YOo YA]

جميله الحلقه احمد
مع فجر
اللي دايما معروفه بالهدوء وتحس فيها روح ايمانيه جميله اوووي
متابعه ..