صدفـــه

[دمعه حائره]

فاكر..
يوم ماجيت فى حياتى صدفة

يومها خطفت قلبى خطفه

وفــ ثوانى قلبت كيانى

وكل الكلام الحلو نطقه لسانى

صدفه..
أيوة كانت أحلى صدفه

وفــ عينيك الحب شايفه

حتى السكوت له ألف صوت

بيقول معانى سبقاها لهفه

لهفه..

قـد أيام وسنين طويله

عشتها فى أهات وحيره

تنده عليك ,,تترجى فيك

أوعاك فـ يوم تنسى وتقسى

هتنسى..
تنسى كان إيه إحساسي بيك

يوم مالمحت عينى عينيك

قالت بحبك من غير كلام

ورسمت مابينى وبينك سلام
ومن يومها حالفه

حالفه..
هافضل لحبك أحفظ وأصون

لايفرقنا غياب ولوم

وإن يوم سألت أنا إيه أكون

ده الكون فى كفه وانت فى كفه
mena_hassan

7-8-2016

[احساسى صحيح]

حروف من روعتها تكاد تنطق صوت وصورة
ما احلى العوده بعد الغياب
بأروع همس
واروع كلام
حروف عانقت السماء فى احساسها الدافى
يدوم إبداعك يا رب دمعة
وحمدالله ع السلامة

[فصيح]

وما اجمل تلك الصدف الفارقه في حياتنا
التي تزين واقعنا ، تصحي ما بدواخلنا
انها الصدف التي تحرك القلوب وتقرب
تعلن انا في الحياه من هو جدير بالحب
والثقه ، كلمات لها بريق واحساس يخطف
لروحك السعاده اختي
احترامي

[راجعة لحبيبى]

ي حبيبه قلبى انتى
ياشاعره ي عاشقه
لالاص
اليوم راح اسميك منه العشقانه
واش هالحلاوه دى
مش كذا تقولونها
والله مره مره حلوه
الله عليك
والله حبلوالحب يخلينانقول كلام شعر
ومشاعرحلوه
الله يباركلك فى الحبيب واولادك

[وتين]

كلمات رائعة

سلم نبض قلمك

لقلبك كل الود

تحياتي

[حكاية حب]

صدفه جميله جمعت بينا

كانت مولد شوق وغرام

كانت قصة حب جميله

نحكي وتحكيها الايام

حتي الضحكه والتنهيده

تسحر كل ما شاف او لام

أنا من غيرك والله وحيده

الثانيه في بعدك ميت عام

****
وليد اللحظه

عوده حميده لساحرة الحرف الجميل

برنسس / دمعه حائره

لقلمك بريق يسحر القلوب

ابدعتي ابدعتي يا رائعه

مودتي وتقديري

[a7med -3del]

جميلة يامنة
تواجد مميز وحد عارف بيعمل ايه
جميلة في كل حالاتك
تحياتي

[واد حبيب]

ايه الحب والرومانسيه دي يا دمعه
بجد كلمات جمبله منك يا ملكه الابداع
تسلم يدك

[فارس الكلمة]

دمعة حائرة
جميلة هى همساتك هنا
حقاً قلم دمعة مهما يغيب فيأتى بكل مبدع وراقي
جميل كان الأحساس هنا وليست لكلمات هنا صدفة
بل تدبير مشاعر وترتيب أحاسيس
دمعة حائرة
راقية هى أنتِ فى سردك للكلمات
وجميل أحساسك فى إختيارك للعبارات
خالص ودى لكِ وننتظر منك كل آت

[طارق الجميل]

طبعا الكون فى كفه وهو لواحده فى براح عايش فى الكفه التانيه مش محتاجه كلام
مافيش فى الدنيا اجمل من الحب ومهما قولنا لايمكن نوصفه ودائما وغالبا تجمعنا
بيه الصدف وهى خيرُ من الف ميعاد دمعه حائره ادام الله نبض قلمك دائما بسعاده