الحُب عندى مش كده ))

[همس الكناريا]

الحُب عندى مش كده
......... . ..................

الحُب مش رقه وجمال
وكلام يمس الأفئدة
ولا نظرة أو همسه حنان
أو لمسه غير متعمده
ولا لفظ مليان بالغرام
وإيد فى إيد متشبكه

الحُب عندى مش كده
الحُب عندى له أصول
ومعادلة صعبه معقدة
الحُب مواقيت كالصلاة
وفروض وسُنه مؤكدة
وقلوب ب تؤمن بالاحتواء
وفى عشقها متعبده
إخلاص ونشوة وارتقاء
وعطاء ببسمه مُحببة
وخجل ووردة ع الخدود
نبض وحياة متجسدة
وصدق وشعور بالأمان
ووفاء وروح متجددة
وفرحة تسرى فى الكيان
فى لقاء عيون ضاحكة
تعطى السعادة للأبدان
وطقوس عواطف مُحددة
عشق يحكيه الزمان
قصه تفانى خالدة

الحُب إحساس فيه ندوب
ونبض جوة الأوردة
يبل ريق الشوق حنان
ويروى كل الأنسجة
بأحلى مافى الكون جمال
قلوب فى العشق متعبدة


.......................


همس الكناريا

[ويبقى الأثر]

جميل واكثر حرفك همس ماشاء الله
دمت ودام نبض قلبك وقلمك

[دمعه حائره]

الله عليكى وعلى رقتك ومفهومك للحب
من اجمل ماقرأت
تسلمى ياقمر ربنا يسعدك

[فصيح]

الله الله
مفهوم للحب ومنظور يرسم معالم
حب لشخصيه رائعه وقلم جميل
يكتب باتقان واحترافية الكبار
همس ونغم الكناريا صاحبة
الحرف الاكثر من رائع
اشكر هذا البذخ الحرفي
ممتعه همس كل التقدير لكي
احترامي

[السفيره عزيزه]

الله يا عصفورة انتى طاير فوق فى العلالي
ترسم طريق سهل الوصول لل يتمنى وصالي
نقط موضوعة على الحروف مش ردة فعل لانفعالي
او جموح فكر ما اعرف له مصدر غير خيالى
لا الحب كلمة حق امنت بيها وبها اكتمالي
الحب صدق وفاء وايد حنونة ساعة خصامي
الحب نية صافية و خطوة عافية وكلمة كافية
الملم بيها كياني .

رائعة انت حببتى بدون مجاملة
حرفك قوي وفكرك سوي
احييك واتمنى لك كل توفيق

[شاعر الحب الحزين]

الحب عندك ليه مفهوم ومعاني تانية خالص

بجد ابداع في عرض الفكرة والموضوع

واسلوبك في الكتابة جذاب وجميل جدا

بحييكي همس على رائعتك الجديدة

خلطتي بين الفصحى والعامية بطريقة مبهرة

ساهمت ف اكتمال المعنى وتوصيل الفكرة

يدوووم تواجدك الجميل همس

ربنا يوفقك ويسعدك

[راجعة لحبيبى]

الله عليك همس
مره حلوه كلماتك
ماشالله عليك
اشهد انك حق شاعره وفنانه
الله يسعد قلبك
لروحك السعاده

[ساحرة القلوب.]

الله ع الجمال
ربنا يرزقك بابن الحلال
تسلم ايدك وقلمك

[احساسى صحيح]

ما شاء الله همس
من اروع ما قرأت من فترة كبيرة
اكيد انتى عارفة رأيى فى قلمك وموهبتك الجميلة
ربنا يديم عليكى ابداعك يا رب
تحياتى وشكرى

[Lamees]

نظرة مثالية جدا للحب
اتمنى تقدري تحققيها
لان الحقيقة غير كده

همس
قلمك مبدع
يلفت الانظار
دام ابداعك