فين الراحة والامان..

[SaMa.]

عن قلب شاف تعب اكتر م حس براحة
وناس بيحبهم جرحت فيه
مع انو شايلهم حب كبير جواه...
وعن معني السعادة
الل كان بيشوفها لما يساعد الناس...
القلب دة فضل شايل جواه حلم صغير..
وفضل يحاول يحققو..
تعب كتير ف حياتو
وشاف ظلم اقرب الناس ليه..
مفيش مرة زهق او قال لربنا ليه كدة..
كان راضي ومستحمل..
بيسامح حتي لو موجوع..
ويخفف الوجع دة بابتسامة ويقول الحمد لله..
القلب دة يوم لما تعب ملقاش الل يقف جمبو..
يخفف عنو الالم..
فضل حزين لما زاد تعبو..
بس ف يوم سجد لربنا ودعاة..
انو يساعدو ف ازمتو..
وربنا استجاب لدعوتو...
وشال الهم من. جواه وشفاة...
ومن يومها عرف فين يلاقي الراحة والامان...
عند ربنا موش عند بني آدمين..

[شاعرة الرومانسيه]

الراحه الأبديه فى التقرب من الله

الله عليكى يا سما دائما بين حروفك الكثير

اراح الله قلبك حبيبتى

[۩۩ elMagic ۩۩]

موطن الراحة والامان
لا نجده الا بداخل
القلب الصافي والنقي
الذى يتحلي بالايمان
وانك تتوكل على خالق الكون
هو داا فعلا المسار الاسلم لك
والذى سيفتح لك الطريق من حيث لا تدرى
وتجد ما تتمنى بل وافضل منه
ربنا يكتب لنا جميعا الخير
تسلمي سما
فضفضة متميزه
جايه في وقتها
دام نبض قلبك

[ساحرة القلوب.]

تسلم ايدك وقلمك
وربنا يريح كل القلوب يارب

[حـيـــــآة ❤]

مفيش احن ع الواحد من اللي خلقه
هو اللي عارف اللي ف صدورنا
واللي بنخبيه

روعه فضفضتك ياقمري
دايما منوره بكلماتك اللي من ذهب
دمتي في حفظ الله حبيبتي

[فداااااااااااء]

التقرب الى الله هو المعنى الحقيقى لمفهوم الراحة والأمان
الله وحده فقط القادر على فهم ما بعبده دون ان يتحدث بكلمة واحدة
وهو الوحيد أيضا القادر على إزالة الهم وابداله بالراحة والسعادة
فضفضة جميلة من قلبك الحلو سما
مودتى

[راجعة لحبيبى]

مع الله كل الامان والراحه
تسلمين سما
وفضفضه رائعه
لروحك السعاده

[حكاية حب]

يا قلب موجوع كواه الحنين

مشتاق لقلب يضمه

يحتويه ينسيه الأنين

بكره يا قلبها المجروح

تشفي كل الجروح

ترتاح دموع العين

يا قلبها الطيب

فرج ربنا قريب

ترتاح من الظنون

***

ربنا يخفف عنك سما

ربنا يريح قلبك ويسعدك اللهم آمين

تقبلي خربشاتي وتقديري

[السفيره عزيزه]

نعم حببتى احسنت ونعم ما قلتي
ربنا ارحم بنا من كل الدنيا وما فيها
وقد ثبت فى السنة ان الله ارحم بالعبد من امه التى ولدته
ومع ذالك اقول لك هناك اكيد من يواسي ويقف
بالجوار فى الازمات سزاء نفسية او متنوعة
ولكن الله هو الاقدر دائما على جبر الخاطر.

احسنت الجميلة سما ودامت بكل خير

[احساسى صحيح]

الف سلامة عليكى يا سما
ربنا كبير وهو ارحم من كل العباد
اتركى امرك على الله
فهو الرحيم بنا واعلم باوجاعنا
ربنا يديم عليكى الصحة والعافية اللهم امين