الحلقه الخامسه من ( 20 سؤال ) مع ( ...... )

[morshooo]

بسم الله الرحمن الرحيم

مزاج الخير

فى البدايه ان شاء الله

مربوحه يا اهلى النهاردة

تعالو نشوف مين معانا النهاردة .

1/ اوعدى الاعضاء ان اجاباتك كلها هتكون بصراحه ؟

تمام .. ده وعد .. و وعد كمان ان اللي مش هعرف اجاوب عليه

مش هجاوبه ولا هحور فيه

2 / مسجله اسم مامتك ايه على الموبيل وباباكى ؟

ماما .. mam

بابا .. baba

العادي يعني

3 / عامله موبيلك بباسورد والا لا ؟

ايوه بباسورد

4/ لو حد مسك موبيلك بتقلقى والا عادى مسموح للجميع يشوف ويفتش فى موبيلك ؟

مش بقلق .. بس ف نفس الوقت مش اي حد يمسكه

مش للجميع هو يعني

5 / مامتك شبه مين من الفنانيين ؟

لا معتقدش شبه حد منهم .. هي احلي طبعا

6 / لو قداكم تسيبى البيت وتعيشى مع حد تانى هتختارى مين سواء معرفك او شخصيه عامه ؟

اخويا ..

7 / بتحبى الورك والا الصدر فى الفراخ ؟

مبقيتش باكلها اصلا

8 / جربتى قبل كدا تعملى دماغ بسيجارة او شيشه او اى حاجا ؟

للاسف لا

9/ لو الشبكه هتجيلك فضه هتوافقى والا لا ؟

اوافق جداااا علشان بحبها بعيدا عن ايه اغلي او ارخص

او الكلام ده

10/ دخلى جمله ( ياروح أمك ) فى اغنيه ؟

يانا يا مفيش اصل معنديش فى الحب هزار ياروح امك

هههههههههه

11 / بعد انتشار بيومى فؤاد فى رمضان الى فات تقترحى عليه يظهر فى ايه تانى ؟

لا مقترحش لان محبش اشوفه تاني اصلا

12 / تحبى خطيبك يكون خام والا كان مقضيها ؟

خير الامور الوسط .. مش خام و مش مقضيها

13/ لو واحده صحبت نامت 5 سنين وصحيت النهاردة هتقوليلها ايه ؟

وحشتيني

14 / ايه رد فعللك لو شوفتى البنطلون المقطع من ورا نزلت مصر وبنات لابساها ؟

ما انا شفته بالفعل و كان رد فعلي غض البصر

15 / مامتك بتصحيكى ازاى وانتى نايمه ؟

بتصحيني عادي .. بتزعق بس

16 / ايه اكتر جمله مامتك بتقولهالك وهى مدايقه منك ؟

بتقولي مكنتش عوزاكي اصلا

17 / اخر مره اتعكستى امتى وقالك ايه ؟

امبارح .. بس ماخدتش بالي كان الكلام ايه بالظبط بصراحة

18 / وانتى قاعدة لوحدك اليومين دول بتغنى اغنيه ايه ؟

مش بغني ..

19 / ايه رئيك فى البرنامج ؟

مش فهماه و مش مطمنة للاسئلة دي الصراحة ولا اجاباتي
ولا ليك يا احمد حاسه ان ليك تاتش ناقص لسه ف الموضوع مش هيظهر
الا لما الحلقات تنزل بس ربنا يستر ع كل حال و تسلم عليه بقا ..




كانت معكم من قلب الحدث

Eng Esraa

[Lamees]

حلقة حلوة يا مورشو تسلم الايادي

منورة اسراء

[حـيـــــآة ❤]

عرفتها من كتر الايموشنات ف كلامها هههه
منوره ياقلبي
موفقين

[راجعة لحبيبى]

حلوه اسراء
ودمهاخفيف
تسلم مرشو

[ساحرة القلوب.]

حلقة جميلة اوي
والضيفة دمها عسل
يسلمو

[فداااااااااااء]

ههههه والله تضحك إسراء منورة الحلقة يا قمر
جميلة الحلقة كالعادة اخى مورشو
سلمت اخى

[شاعر الحب الحزين]

ههههههاي والله ضحكتيني اسراء

تسلم يا مورشو ع الحلقة ..جميلة جدا

اسراء نورتي الحلقة بإجاباتك الحلوة المضحكة

ربنا يوفقكم ويسعدكم

[Fatma eissa]

حلقه جميله ومميزه
مع اسراء
واجاباتك حلوه اوي
وبرنامج جميل جدا
ولاسئله حلوه
تسلم ايدك

[Eng Esraa]

ههههههههه احمد مكنتش مطمنة ليه
من الاسئلة الغريبة دي ! بس يالا جت سليمة :d
تسلم يا احمد ع الاستضافة دي بقا

[Eng Esraa]

اقتباس المشاركة الأصلية كتبت بواسطة lamees حلقة حلوة يا مورشو تسلم الايادي منورة اسراء

تسلميلي حبيبتي
بنورك