عشمــان فى جـــاه النبــى ))

[همس الكناريا]

. عشمان فى جاه النبى ................................ أرجوك كفاية يا زمن ضغط على الفُقرا ماعدش حلتى يا وطن لا صبر ولا قُدرة ولا جته لى ولا بدن ولا هدمه ولا سُترة لحد إمتى المحن والناس كده صابرة طمعان فى إيه يا وطن من شخص مات مرة ماعدش غير الكفن خده ياللا بالمرة العيشة ظُلم وألم طعم الحياة مُرة ب جنيه بصبح عليك غيرى معاه عشرة بيقول خسارة فيك مع أنه واخدها هبرة ناهب سارق معاليك بألف طريقة وخبرة م البنك ومن أراضيك والباقى أنت الأدرى سيطر عليا الندم وبقى الأمل ذكرى أنا ب أولادى بفديك واسدد لو إيه يجرى اليأس فارد جناحه عشش على بُكرة يا مغنيين ب نجاحه حلوا لنا الشفرة م اليأس ضاع الأمل وانكشفت العورة العضم بان م البدن وانحرفت الحُرة إمتى الميزان ينعِدل فى الكفة و النظرة ليه كل ما أخطى قنّا أنزل تانى فى نوقرة للصبر عندى حدود وللجلَدْ فترة أيوه بحبك موت بس البطون كافرة خايف م الجوع أموت وأكون كده عِبرة بلاش تقولى أرجوك أصبر وشوف بكرة جوايا خوف و شكوك ندم و ميت حسرة والدُنيا على وسعها كئيبة و خُرم إبرة أرجوك كفاية يا وطن أرحم بقى الفُقرا عشمان فى جاه النبى منكم بقى نظرة ........................... همس الكناريا

[ساحرة القلوب.]

الله الله
رؤؤؤؤؤؤعة اوي اوي
تسلم ايدك وقلمك الذهبي الباهر يا همس

[حكاية حب]

الله الله عليكي يا همس

من اجمل ما قرآة اليوم

لن ازيد علي حروفك سوا بالصمت

فالصمت في حضرة الجمال جمال

تقيمي ونجومي الخمسه

مودتي وتقديري

[راجعة لحبيبى]

اللهم صلى ع النبى
روعه همس
ماشالله عليك
تسلمين ي غاليه

[فصيح]

ما أصعب الواقع الذي نعيش فيه
ووطن كتب عليه المعاناه والبؤس
شعب مظلوم مغلوب على أمره
من عصر فرعون ، رائعه همس واكثر
قلم حر متنوع في كتاباته
اشكرك همس ولكي التحيه
احترامي

[فداااااااااااء]

احنا من زمان بنسمع اصبروا لبكرا
والفقير والمتوسط حال هيتحسن أحوالهم
ونرجع نشوف لا شيء بيتعدل للأحسن

كلمات جميلة ولحنها رائع
قلم يجيد التعبير فعلا
سلم نبضك الحلو يا قمر

[همس الكناريا]

اقتباس المشاركة الأصلية كتبت بواسطة ساحرة القلوب. الله الله رؤؤؤؤؤؤعة اوي اوي تسلم ايدك وقلمك الذهبي الباهر يا همس

ويسلم قلبك ومرورك الجميل حبيبتي
نورتيني
مودتي

همس الكناريا

[همس الكناريا]

اقتباس المشاركة الأصلية كتبت بواسطة حكاية حب الله الله عليكي يا همس من اجمل ما قرآة اليوم لن ازيد علي حروفك سوا بالصمت فالصمت في حضرة الجمال جمال تقيمي ونجومي الخمسه مودتي وتقديري

كل الشكر والتقدير شاعرنا
لمرورك الراقي
سرني حضورك وتشريفك بين سطروي
دمت بخير
احترامي

همس الكناريا

[همس الكناريا]

اقتباس المشاركة الأصلية كتبت بواسطة راجعة لحبيبى اللهم صلى ع النبى روعه همس ماشالله عليك تسلمين ي غاليه

عليه أفضل الصلاة والسلام
تسلمي حبيبتي
نورتيني وأسعدتيني بمرورك
مودتي

همس الكناريا

[همس الكناريا]

اقتباس المشاركة الأصلية كتبت بواسطة فصيح ما أصعب الواقع الذي نعيش فيه ووطن كتب عليه المعاناه والبؤس شعب مظلوم مغلوب على أمره من عصر فرعون ، رائعه همس واكثر قلم حر متنوع في كتاباته اشكرك همس ولكي التحيه احترامي

أشكرك شاعرنا الراقي سيف لطيب المرور
سرني أن طابت لك حروفي
دام حضورك النقي
احترامي

همس الكناريا