الحلقه الثامنه .. ليه ماكنتش عايز اكمل

[طارق الجميل]

وباعت. لا" مش هى اللى باعت
هى بتقول كد. لكن هل هى دى الحقيقه

صحيح مين كان يصدق ان ممكن عيون بريئه تخفى الحقيقه
الناس. الناس ليها الظاهر. وحبيبى الظاهر فيه كان الحقيقه
والحقيقه انه باع. لكن بيقول ؟ انه مابعش ودى مش الحقي
الحقيقه انى عمرى ماتوقعت منه خيانته هى دى كانت عندى الحقيقه
علشان كدا خانى وطلعت الخيانه فى الآخر هى الحقيقه
الناس كانت بتحسدنى عليه وقالتلى اسمع كلامه ده لايمكن يكون غير الحقيقه
لكن مهما انا قولت اكيد من النهارده مش راح اقولكم غير الحقيقه
وهى انى حبيب مخدوع ماعرفتش غير دى حقيقه
كل اللى بقوله اعزار لكن نهايتها ايه غير الحقيقه
حبيبى اللى صدقته خان حبيبى ده ماكنش ابدا حقيقه
حبيبى كان كارهنى ولا بيحبنى من كتر ماتوهت ماعرفتش الحقيقه
هو دايما كان يقول انه بيحبنى ياترى دى منه كانت الحقيقه
أصله ياما قالى انه لايمكن يكون لغيرى ولا طلعتش ان دى حقيقه
نفسى كنت اصدق انه ماكنش وهم وانه بس كان كل الحقيقه
الحقيقه ان حبيبى مابعش لكن أرغموه بالحق دى كانت الحقيقه

الحقيقه كانت اغلى حبيبه كان لها نغمه تانيه ف الحانى
فاتت الايام واندمجت قلوبنا وكانت أحلى ماف أيامى
كانت؟ كنت حبيبها الوحيد وكانت حبانى حقيقه كانت حبانى
حصلت حكايه بسيطه خلتنى ماشكش فيها ولو لثوانى
انها ممكن تبعنى أو تخنى انها ممكن فى يوم كدا من السهل تنسانى
زودت حبها فى قلبى وضمها أكتر وجدانى
وقال قلبى لا يمكن فيها أفرط مهما كانت شقاوتها مجننانى
كانت علاقتنا فى البدايه ولا اتعرفنا قوى كل منا ع التانى
ياعنى كان ممكن فينا اى واحد من السهل كدا ينسى او يبيع التانى
ماهى اصل القلوب قوى ماندمجتش ومن السهل كنت انساها أو تنسانى

بعتلها واحد كان بيعرفها قبل حتى انا ماعرفها فى زمانى
لجل مايرتبط بيها ومنتظر الرد يوم بعد التانى
وفاتت مده وكنا ارتبطنا وهو كان نسى الرد كان مشغول فى شىء تانى
ودا كان صاحبى لكن مايعرفش اللى بينا وانى بقيت حبيها الاولانى
ف بعت يسأل مرساله ردك ليه للنهارده ماجانى
لو رفضت قولى قاله دى وافقت انت اللى من يومها زى ماتكون تهت عن عنوانى
الكلام ده فات عليه شهر انت كنت فين وجاى تسال النهارده تانى
قاله ياعنى وافقت ؟ قاله وافقت مالك روح كلمها يامعجبانى

عرف صاحبى اللى كان معرفنى عليها وقالى مش انت طلعت التانى
فلان كان بعتلها يطلب ودها ووافقت ياريت تنسحب وف ثوانى
ولا تحب انى ابلغه انك بيها مرتبط وانها كد مش تمام قولتله لا ؟ استنانى
اذاى عايز تبلغه وهى عايزاه مش عايزانى
لا دا برده صاحبنا ولا يعرفش انا اللى هانسحب دا أكيد مش مكانى
وهى كدا ماتستاهلش انها تكون ساكنه فى وجدانى
ولصاحبنا التالت ابدا ماتبلغش انها حتى كانت عرفانى
ربنا يسعدها وهو كمان ماتمنالوش غير الخير الربانى
لكنها رفضت والتالت ده عرف علاقتى بيها وجانى
قالى انت ليه انسحبت هى والله بس كانت مجرد عجبانى
ولا كنتش اعرف علاقتك بيها علشان كدا من تانى سألت مرسالى
وامبارح انا قابلتها وكلمتها وسألتها حقيقى هى موافقانى
واتاكد منها ع الكلام اللى من المرسال جانى
لكنها سحبت موافقتها وقالت انا خلاص لقيت فى الدنيا دى انسانى
حبيبى طارق الجميل وهو دا نصى التانى

ونكمل معكم ان شاء الله فى المره الجايه

طارق الجميل

[حازم34]

ابداع والله


كلمات شاعر جميل وقلم راقي


حقيقي شئ جميل يا طارق وقلم راقي


اسعدني المرور حقيقه للابداع الجميل في التعبيرات والوصف


لك مني خالص التحيه والتقدير

[دمعه حائره]

تطور كبير فى الاحداث
وبتعرضه بشكل شيق وجميل
تسلم على الطرح المميز

[راجعة لحبيبى]

مسلسل شيق
مسرحيه رومنسيه روعه
تابعت الاجزاءالماضيه
رائع فى سردك
وجميل الحرف
تسلم
لروحك السعاده

[همس الكناريا]

أنا ما تابعت الاجزاء الماضية

بس عجبتني الأحداث وطريقة سردها
يسلم قلمك
احترامي

همس الكناريا

[طارق الجميل]

اقتباس المشاركة الأصلية كتبت بواسطة حازم34 ابداع والله كلمات شاعر جميل وقلم راقي حقيقي شئ جميل يا طارق وقلم راقي اسعدني المرور حقيقه للابداع الجميل في التعبيرات والوصف لك مني خالص التحيه والتقدير

حازم34 اخبارك ايه نورتنى والله بمرورك التحيه والتقدير
منى لحضرتك وشخصك الكريم

[طارق الجميل]

اقتباس المشاركة الأصلية كتبت بواسطة دمعه حائره تطور كبير فى الاحداث وبتعرضه بشكل شيق وجميل تسلم على الطرح المميز

ممكن تكون نهاية مرحلة التطور والجاى هيحكى حدث واحد
دمعه حائره ... يشرفنى طبعا متابعتك ونلتقى فى القادم

[طارق الجميل]

اقتباس المشاركة الأصلية كتبت بواسطة راجعة لحبيبى مسلسل شيق مسرحيه رومنسيه روعه تابعت الاجزاءالماضيه رائع فى سردك وجميل الحرف تسلم لروحك السعاده

انا متفق معاكى جدا فى انه مسلسل لكن مش مسرحيه
هو فى مسرحيه تنكد علينا وتغُمنا ماشوفتهاش انا لسه دى
راجعه لحبيبى والله بتنورينى بمرورك المرح وشكرا لمتابعتك

[طارق الجميل]

اقتباس المشاركة الأصلية كتبت بواسطة همس الكناريا أنا ما تابعت الاجزاء الماضية بس عجبتني الأحداث وطريقة سردها يسلم قلمك احترامي همس الكناريا

ماقدرشى انى افرض عليكى متابعة البدايه لكنها دائما
وابدا افضل من النهايا خصوصا فى القصص اللى نهايته
مش سعيده ... همس الكناريا شكرا لحضورك الراقى

[همس الكناريا]

اقتباس المشاركة الأصلية كتبت بواسطة طارق الجميل ماقدرشى انى افرض عليكى متابعة البدايه لكنها دائما وابدا افضل من النهايا خصوصا فى القصص اللى نهايته مش سعيده ... همس الكناريا شكرا لحضورك الراقى

ما أنا أكيد للازم أقرأ البداية إن شاء الله عشان أفهم الحلقة دي
خصوصا إني بحب القصص
احترامي

همس الكناريا