الجرح بيعلم

[دمعه حائره]

الجرح عشان بيعلم..انا منك اهو اتعلمت

ده سنين وياك بتألم..وانا ياما عليك صبرت

هاتعيد وتزيد وتأفلم ..ماكفاية انا اتعذبت

بتقول حورات ومسلم ..ان انت اللي استحملت !

ماتسيبني خلاص وتسلم ..علي حبك انا اترحمت

علي ايه هابكي وهاتندم؟ ..ده انا حتي في حقي سامحت

وكمان هامضيلك وابصم ..وهاقول انت اللى بدأت

تعاندني يوماتي وتظلم ..ومش عاجبك اني تعبت

مش كنت لروحك تؤام ..ليه ناسي ازاي كنت؟

تتمني معاك اتكلم .. وكان حلم لو انا قربت

وتعيش فى هوايا متيم.. دلوقت انت اللي زهقت !

انا ببني وانت بتهدم ..وخلاص علي قلبك هونت

ده انا كنت لجرحك بلسم ..وانت اللي فى جرحي شمت

ماتكبر راسك وارحم.. ده انا منك والله يئست

وبخبي فى قلبي وبكتم ..ودموعى كمان نشفت

ارجع من تانى اتعشم ..والاقيك انت اتغيرت

مع نفسك بقي روح نغم.. ولحنها لو اتعلمت

صدقت ان انا مش هاندم ..مش راجعه خلاص انا فوقت

ده الجرح فى قلبي معلم ..صدقنى انت اللى خسرت
mena_hassan

10-8-2016

[حـيـــــآة ❤]

اكيد هو اللي خسر
سلم تناغمك الجميل غاليتي
روعه انتي
دمتي في حفظ الله

[فصيح]

روووووووعه ، عندما تقبل الحقائق ويصبح الجاني
هو المجني عليه فخسران المدعى شئ محتم
وما اصعب من ضيع قلب محب
بكل سلاسه وبكل واقعيه جسدت مشهد واعلان قلب
رفضه اتهامات واهيه ، جميله واكثر

خالص تقديري

[طارق الجميل]

اقول ايه بس دا والله عايز ضرب النار بس مش بمسدس بمدفع
بس طبعا اهم من الالم والجرح اننا نخرج بالمضمون وهو علامنا
من جرحنا لان الحاجه اللى تجرحنا فعلا ولا ليها علاج هى
اننا نخسر نفسنا كرامتنا وكبريائنا........................
دمعه حائره كلمات رائعه

[فداااااااااااء]

كتير بيخسروا بس البعض بيخسر لانه يستحق
وصدقت هى فى قولها
تجسيد قيم منك منون
كلمات رائعة قمرى
دام نبضك الجميل

[راجعة لحبيبى]

يسلام على قصيده بالعاميه
وقافيتين مع الوزن والحس الموسيقى
انت الشاعره البديعه
مع مضمون قصه الم
اجدت فيهاتوظيف المفردات ووضع النقاط على الحروف
سلامتك من الجرح
تسلمين
لروحك السعاده

[مارد الغضب]

ما شاء الله
للابداع اهله و للفن ناسه
راقت لي كلماتك جدا
دمتي و دام ابداعك
تحياتي لسموك المبدع

[اشرف 2006]

جميله ومبدعه يامنه كالعاده

دام لنا نبض قلمك


تحياتى

[شاعرة الرومانسيه]

تسلم ايديكى منون حبيبتى رائعه

[همس الكناريا]

وعندما يُعلم الجرح في القلب..فلا رجعة له
ويبقى جرح الأحبة دمعة على شفاه العمر !

.....................

راقية الحرف والإحساس منه
وميض كلماتك يتنزه بين حنايا الروح
مساء إيقاعه وارف بالأمل
مودتي

همس الكناريا