ادم والطبخ

[حازم34]

تحيه طيبه للجميع هلا ومرحبا يا ادم نورك والله غطي علي الكهربه اخبارك ايه طمنا عما تحب من الطبخ وانواعه واصنافه والحلويات والمشهيات انت يا ادم لك معده بتقول ناشف اخضر هات مش كدا يا انسان خليت ايه للحيوان انت ليه داخل عليه كدا شطور وبتتشطر طيب سيبني اجاوب عن ال بحبه من الاكلات بحب المدور والمحمر والمشمر والمقلوب وبحب البيتزات والجمبري ابو حلقات وسمك التونه الجميل واه لو منه كم من كلوهات وبحب ارز بسمتي وارز عمتي وخالتي والارز البرياني ابو حبه طويله وكل ال بشوفه عند الشيفات وبحب السمبوسه والبسبوسه ووالكنافه والخشاف وبحب ام علي بطعمها الجذاب كل دا بتحبه ايوا بحبه وهاتلي منه اموت انا في ها الحاجات والهامبورجر والكنتاكي والتكه والموووووووكا اشربها مع هيك اكلات مش ممكن دا انت راجل محرات نازل طالع اكلات طيب والصحه يا ابو علي شفت بزمتك اثر ها الاكلات شوفت وعارف ومعايا كتير وصفات باطنيه وعظام مكسره بس دي شهيه واعمل ايه في التعود علي ها الاكلات شوف يا ابو علي ربنا منعنا من الاسراف في الاكل كل ما تشتهي بس بلا اسراف واعرف ان فيه ناس غلابه مش لاقيه وتاكل اي حاجه وربك كريم بتلاقي صحتها عال العال شوف كل ما حكيت عن الاكلات ان اسرفت فيها اصابك المضرات دهون وسكر زياده وكبد مش مرتاح خليك يا ابو علي ماشي علي السنه وكل بحساب وصدقني لو الكل عمل كدا هتنزل الاسعار بدل ماهيا نار عارف ليه ارتفعت الاسعار في ناس عندها تخمه وبتاكل ووتخزن من غير حساب ودا مش طبعنا كمسلمين ابدا القوت قناعه ورضي ممكن بلقمه ولقمتين وخلي بالك والله التعود علي قله الاكل زين وخليك مع الخضار والفاكهه الخضار مهم وله دور كبير والفاكهه برضك حلوه وجميله زي التفاح والتمر ويا سلام علي الموز لما تاكل منه صباع ولا اتنين خليك قنوع صدقني هتتنسي الجوع والمايه موجوده ومتوفره اشرب منها كتير لتر او لترين ولا تنسي الحليب واللبن والعسل دول احسن ماكول واطيب مشروب وللصحه عال العال وزين وسيبك من الفشخره والعنجهه امشي سكه التواضع واعرف ان ربك للكريم محب وعنه راضي زين خليك بوجبه واحده ولا وجبتين والله يا ابوعلي هتمتع بصحه عال وزين وانظر للغلابه ال بيوتهم خاليه وخاويه ولازم النظر لهم بالقلب والعين دا منهج في الحياه لادم العاقل ال يطيع ربه وعارف ان كل شئ فاني بس اهم شئ العاقبه الزين

[Eng Esraa]

فعلا مش طبعنا كمسلمين !
نسيت تقوله يقلل من الشاي و القهوة و المنبهات
تسلم ايدك
كلام جميل

[ندوشه 2011]

الله عليك يا عم الشيخ بص يا ادم انت تخلينا نصوم رمضان طول السنه وقشطه يا عم هتوفر انا بحب الأكل طالعه نازله خارجه داخله بوءى بيلعب ساعات اكون ماسكه موز مانجيه سندوتش الاقي حد قرب هوبا تحت الطرحه وخبيت الناس تعدي اطلع وازحلق في بوءي انتو بتوفروا ..

[دمعه حائره]

الوسطيه مافيش احسن منها فى كل حاجه
والمعدة بيت الداء
تسلم موضوع قيم ونصايح مفيدة

[راجعة لحبيبى]

حلوالكلام
دكتورناالراقى
الله يرضيك
لروحك السعاده

[مارد الغضب]

ايه يا دك؟
بعد ما جوعتني و فتحت شهيتي
سديت نفسي من الاسعار
و السكر و الوزن التقيل
و بعدين اطمن يا دك
الحالة بقت جيم و مقبلين علي الرجيم
و لكنه رجيم اجباري
بوح جميل من انسان جميل
تحياتي لسموك ايها الامير