مشكلة اللاعب اسلام الشهابى

[دمعه حائره]

السلام عليكم ورحمة الله وبركاته
مشكله اسلام لاعب الجودو المصرى
هى المشكله التى تشغل
الرياضيين وصفحات الفيس بوك الايام الاخيره
لان اسلام رفض يسلم على اللاعب الاسرائيلى
بعد انتهاء المباراه وخسارته فيها
اغلب اللى شافوا التصرف افتكروا اسلام رفض المصافحه
لانه اسرائليى
وكان رأى الخاص انه كان رفض المنافسه من الاول
طالما رافض وجود اسرائيلى او الاعتراف بيه
لكن للاسف اسلام بيدافع عن نفسه امام لجنة التحقيق
على انه لم يرفض مصافحة اللاعب لانه اسرائيلى
ولكن لان قوانين اللعبه ليس فيها مصافحة
شوفنا كتير لاعبين بيرفضوا لقاء اى لاعب اسرائيلى
فى اى بطولة او دورات رياضيه
وده تضامنا مع القضية الفلسطينية
دلوقت لو كان اسلام فاز بالبطوله هل كان موقفه
هايتغير يعنى هايسلم على اللاعب ولا كان هايرفض؟
مع او ضد منافسه الاسرائيلين فى اى بطولة؟
هل الانسحاب يعتبر فوز او حفظ للكرامة
او يستمر ويحاول يكسب؟
الخساره اكيدمؤلمة لو من اى دوله تانيه
لكن من اسرائيل كانت مضاعفة
موضوع شائك والاراء فيه مختلفه
اترك ليكم النقاش

[واد حبيب]

الاعب كان في حيره من الاول قبل المباره
هيلعب ميلعبش وحدد انه هيلعب قبل المباره بنص ساعه علي كلامهم
لو هنتكلم بقانون قانون العاب القوه مش فيه مصافحه في التحيه بس
لكن انا من رائي كان رفض اللعب من الاول احسن له بس هوه بص علي المدليه علشان كده لعب

[دمعه حائره]

اقتباس المشاركة الأصلية كتبت بواسطة واد حبيب الاعب كان في حيره من الاول قبل المباره هيلعب ميلعبش وحدد انه هيلعب قبل المباره بنص ساعه علي كلامهم لو هنتكلم بقانون قانون العاب القوه مش فيه مصافحه في التحيه بس لكن انا من رائي كان رفض اللعب من الاول احسن له بس هوه بص علي المدليه علشان كده لعب

انا كمان من رايك
والضجة اللى حصلت فى الاول كانوا فاكرين عشان اسرائيلى
نورت محمد

[راجعة لحبيبى]

ماهمنى الضجه
لكن اشجع اللاعب
وتصرفه مهماكان السبب
وليه الخق مايصافح هاليهودى
تسلمين منه

[السفيره عزيزه]

اسلام الشهابي كان عليه ان يرفض مبدئا
اللعب مع الاسرائيلي المحتل والقاتل لاخوتنا الفلسطنيين
اما رفضه السلام لا وزن له اطلاقا بعد هزيمتة النكراء.
تلاحق اسلام الشهابي معرة اللعب مع الاسرائيلي
وتظل وصمة عار فى تاريخه ما دام حي.
ولم ولن يجبرعدم سلامه شيئا البتة.

اختلف الشعب المصري وتفرق الى احزاب
وكل حزب له مناصرية ومعارضية
ولكن ما كنا نعلمة كلنا كلنا ونتحد علية جميعنا
ان العدو الاسرائيلي هو العدو الذى لابد ان
لا نطبع معه ولا نقبله البتة .وان كان الحكام
على غير ذالك .اما نحن فنرفض الاعتراف باسرائيل
قلب وقالب .وما فعله الشهابي وصمة عار
ستلاحقه انما حل واينما وجد .

الحمد لله انك بخير غاليتى
ودمتي ودام قلبك وقلمك النابض.

(اسلام الشهابي وعار لن يفارقه)

[مهيب الركن .]

هو ده الفرق بينا وبينهم
هما مركزين فى شغلهم
واحنا شغلين نفسنا بأمور تافهه

اللاعب الأسرائيلى داخل المباره وتفكيره وتركيزه كله فى الفوز
احنا اللاعب واقف بيفكر يسلم ولا ميسلمش
كلام فارغ
طالما وافقت تلعب يبقى ادخل أفرمه
وخليه هو اللى كان يندم انه منسحبش من قدامك
انما تلعب وتتغلب وترفض تسلم جتك خيبه فوق خيبتك
اللاعب ده المفروض يتاخد يتعمل عبره لمن يعتبر

[فداااااااااااء]

شوفى عزيزتى الخسارة والفوز كله قدر من الله ويجب علينا الرضا به
خسارة على يد من مش مهم لأن دا وارد يحصل
لكن لو كل واحد منا انسحب من بطولة علشان فيها اسرائيلى
يبقا هما حققوا اللى هما عايزينه أنهم يبعدونا عن كل حدث هام
عدم المصافحة هذا أمر طبيعى ان يحدث وهذا الكائن الإسرائيلى يعلم جيدا انه لن يتم مصافحته كما يعلم الجميع لما في من خلافات عميقة بينا وبينهم
لكن ان تنسحب أمامهم بحجة أننا لا نريد مبارزتهم.. سيتطور الأمر إلى قول أننا نخشاهم لذا فنحن نتجنبهم
ويكفى أن هذا البطل المصرى حاول بكل طاقته
سلمتى منون

[Doaa Hammam]

رأي مهيب الركن يمثلني

انا ضد الانسحاب من أي بطولات لانها بترفع علم مصر

بصراحة موقف الاسرائيلي أفضل كتير أمام العالم

اولا تفوق رياضيا على المصري

ثانيا تفوق أخلاقيا لما مد ايده للمصافحة

احنا خسرنا كل حاجة للأسف

هذا رأيي وقد لا يروق للبعض ولكنه رأيي

[مارد الغضب]

انا اؤيد راي فداء بقوة
و اضيف من وجهة نظري
ان امتناع اللاعب عن السلام بعد المباراة
كان له رد فعل واسع اكثر بكثير من كونه رفض
اللعب من الاساس ..و هذا اللغط و الجدل الدائر
له سلبياته الواضحة كما قالت الاخت دعاء همام
و لكن له نواحي ايجابية تفيد القضية الفلسطينية
و هي ايضا رسالة الي العالم ان الشعوب لا تعبر
عن راي السلطة فالسلطة تطبع و الشعوب ترفض
التطبيع
اما الفوز و الخسارة فليست في الحسبان فلابد
من فائز
..
اشكر لك طرحك للموضوع القيم
تحياتي

[د/ عبد الله]

التصرف الصحيح إنه كان رفض اللعب معاه من البداية
أما كونه قبل اللعب معاه يبقى معناها إنه اعترف بالكيان الصهيوني وبإسرائيل كدولة
فمش فارقة بقى يسلم ولا ميسلمش

وكمان لما رفض انه يردله التحية ويسلم عليه زاد البلة طينا.
لأنه أعطى فكرة للعالم ان اليهود أهل سلام ومحبة والمسلمين إرهابيين رافضين للسلام.