شغل ميكروباصات

[a7med -3del]

في كلام كتير بسمعه
مابصدقهوش
كلام تافه بصراحة
ومبفهموش
يعني ايه
خلصانة بشياكة
ده شغل الميكروباصات
هي الاخلاق ناقصة
ياجماعة كفاية احباط

واللي يقول علي وضعنا
لحد مانقابل ربنا
وضع ايه يامتخلف
ده العالم كله بيذلنا

كلام كتير
اسفاف وهابط
مفيش ثقافة
مفيش ترابط

ده جزء من مليون
وحاجات كتير تشيب
كلام غريب جدا
والمعيوب بقي بيعيب

اسوء حاجة
لما تكون مش فاهم انك
لسه زبون
عند العالم كله رخيص
مديون
مصطلحاتك دي وحياتك
مصطلحات واحد مجنون

خلص الكلام
Ahmed adel
15-8-2016

[ويبقى الأثر]

دى مش مصطلحات ناس مجانين
دى مصطلحات ناس متخلفين
المجانين فى عالم تانى غير عالمهم المشوه
والله يااحمد بقرف من اللى بيتكلم بالشكل ده وبالمصطلحات دى
ربنا يهديهم بدال مابنتقدم بثاقفتنا بيرجعونا بجهلهم
جميل قلمك فى تنوعه وكتاباته قضايا ومشاكل كتير تخص المجتمع
ابدعت واكثر

[a7med -3del]

والله يامنة انا بقابل الكلام ده بقرف متناهي
منتهي التخلف والفاظ غريبة
معرفش ايه وجه التحضر في الالفاظ دي
دول فاهمين بالمقلوب
ربنا يتوب علينا

[همس الكناريا]

قال هي ده لغة العصر والفهلوة زي ما بيقولو أستاذنا
المشكلة إنهم مش فاهمين الكلام ده ...وبيتناقل بين الكل بسرعة رهيبة
والكل بيقلد لمجرد التقليد بدون فهم ووعي
زي كتابة الفرانكو اللي انتشرت..وكل ده مخطط لانهاء لغتنا العربية
لغة القرآن..وغيرها وغيرها من الظواهر كتير
وأرجع وأقول ده كله بسبب البعد عن الدين..والتنشئة
ربنا يهدي

أبدعت شاعرنا كالعادة
يسلم قلمك وفكرك
احترامي
همس الكناريا

[راجعة لحبيبى]

جميله الحكايه
بالرغم من كذا مصطلحات بالعاميه المصىيه
راقى القلم
تسلم شاعرنااحمد
لروحك السعاده

[a7med -3del]

اقتباس المشاركة الأصلية كتبت بواسطة همس الكناريا قال هي ده لغة العصر والفهلوة زي ما بيقولو أستاذنا المشكلة إنهم مش فاهمين الكلام ده ...وبيتناقل بين الكل بسرعة رهيبة والكل بيقلد لمجرد التقليد بدون فهم ووعي زي كتابة الفرانكو اللي انتشرت..وكل ده مخطط لانهاء لغتنا العربية لغة القرآن..وغيرها وغيرها من الظواهر كتير وأرجع وأقول ده كله بسبب البعد عن الدين..والتنشئة ربنا يهدي أبدعت شاعرنا كالعادة يسلم قلمك وفكرك احترامي همس الكناريا

مرورك اسعدني
وبتشرف بيكي موهوبة جديدة في المتتدي