الحلقه التاسعه .. ليه ماكنتش عايز اكمل

[طارق الجميل]

لكنها سحبت موافقتها وقالت أنا خلاص لقيت انسانى
حبيبى طارق الجميل وهو نصى التانى

يومها احلوت الدنيا ف عينى ورجعتلى الضحكه من تانى
وعرفت انها مش ممكن ابدا مش ممكن تكون بايعانى
عشان كدا مش هى اللى باعت أو فى الآصل اللى ساعد ع الغدر دا انسان تانى
انسان فى نظرى ونظر الناس ما يتقألش عليه غير انانى
يتم قلبى . بكانى وحيرنى وحكم على بنت جميله كانت عارفانى
ماتكونش ليا وتكون لآنسان تانى ف زمانى
المشكله كمان اكبر من كدا كمان انانى هو التانى
قد ايه كان مصمم عليها رغم علمه انها حابانى

كان إيه السبب

السبب كان قلب ولا السبب كان حب
ولا السبب كان تدخل ؟ المهم انه كان تأثيره عليا شىء صعب
اللى أعرفه انه ماكنش قلب القلوب ماخانتش
ولا السبب كان نسيان حب؟ أصل الحب كان فى القلوب ماطلعش
لكن السبب كان تدخل من أم تعرف تجرح ولا تندمش
كنت شارى وكانت كمان شريانى
كنت حابب وكانت كمان حبانى
كنت عارفها مصيرى وعارف انها لا يمكن تكون بايعانى
لكن مش عارف ليه الايام بعد ما تجمع بتفرق من تانى
ليه بعد ما بنلاقى نصنا الايام بتبعدنا فى ثوانى
طب ليه كانت جمعتنا علشان عذابنا ولا ايه يازمانى
كنا خلاص اتفاهمنا ورغم شقاوتها كانت سحرانى
لما كنت فى اى مكان اشوفها اكلمها لا تخاف ولا تهرب من قدامى
علشان كدا كل الناس عرفت اهلى واهلها وحتى جيرانى
وقابلنا الصراحه بشجاعه ولا خوفناش من الناس ولاعمر تلميحاتهم كانت همانى
وكان حبنا حب صادق ولا حسبتوش ولا بالموت فانى
ما كنتش عارف ايه المستخبى ولا فيها ايه اللحظه اللى بعد ثوانى

السب ما كنلهاش راى وكلمتها كانت تضيع فى ثوانى
كانت بتحبنى ايوه.. عارف كانت عايزانى
لكن ماقدرتش تشترينى وغرقت من ايدها وهى اللى كانت مسكان
اصلها ماقدرتش تتكلم ما قدرتش تقول يا امى دا نصى التانى
رغم انها قالتلى قالت لكن أه من الأم إللى كيدانى
إللى بكت لورده صغيره ماتعرفش ياعنى إيه كيد يازمانى
هو د كان السبب اللى خلت البنت توافق فى ثوانى
السبب دموع أم بكت لبنتها واصبحت انا منها حرمانى

قوللى يازمن اعتب على مين البنت ولا امها
ولا اعتب على الاثنين الام لكبرها والبنت لصغر لسنها
واقول ان ام.. اكتب كدا ضحكت على بنتها
ولا اقول إن في شىء مش عارفه أنا من يمها
طب جرحى مين يتحمله
إللى ما صممتش وسقطت منى فى الطريق من أوله
ولا على الأم السبب فى دا كله واللى لازم تتحمله
هو أنا ليه ماكنتش عايز أكمل
ولا أقول ايه كان السبب

لسه هنعيش مع السبب لكن فى المرات الجايه
طارق الجميل

[راجعة لحبيبى]

ليش ماكنت عاوز تكمل
لازم تكمل
وحنا نستمتع
جميل القلم
وجميل النثر
ومبدع هو الجميل
تسلم
ولروحك السعاده

[همس الكناريا]

طريقة سردك سلسة جميلة تجعلنا نعيش معك الحرف
لحظه بلحظة ولا نمل منه أبداً
حتي يأخذنا التطفل ونريد المزيد من الأسباب

مش عارفة أحكم أنا وياك ع الأم أو البنت
ولكنها أقدار ...لو قدرها الله لك ستكون
وإن لم يقدرها ..فتأكد إنه يحمل لك الأجمل
في انتظار البقية
ولقلمك تقديري

همس الكناريا

[العاشق الذى لم يتب]

اهلا مبدعناوشاعرنا الراقى الجميل
وصديقى الغالى والحبيب
سيد الجمال كله
وروعة سلسلة عشق رومنسية طويلة كبيرة بديعة
سلمت والنتبض
دعواتى وتحياتى

[شاعر الحب الحزين]

هتكمل اكيد يا جميل

والحب الصادق دايما بيواجه عقبات وصدمات

بس في الاخر القلوب الصادقة ف حبها بتقدر تتحمل وتكمل

جميلة يا جميل يا طارق وف انتظار القادم

ربي يوفقك ويسعدك

[طارق الجميل]

اقتباس المشاركة الأصلية كتبت بواسطة راجعة لحبيبى ليش ماكنت عاوز تكمل لازم تكمل وحنا نستمتع جميل القلم وجميل النثر ومبدع هو الجميل تسلم ولروحك السعاده

مقدرشى اقولك انا ليه مش عايز اكمل
لان الاجابه على السؤال ده موجوده فى
مجمل الحلقات اللى جايه راجعه لحبيبى
شكرا لتشريفك الدائم وطيب كلماتك

[طارق الجميل]

اقتباس المشاركة الأصلية كتبت بواسطة همس الكناريا طريقة سردك سلسة جميلة تجعلنا نعيش معك الحرف لحظه بلحظة ولا نمل منه أبداً حتي يأخذنا التطفل ونريد المزيد من الأسباب مش عارفة أحكم أنا وياك ع الأم أو البنت ولكنها أقدار ...لو قدرها الله لك ستكون وإن لم يقدرها ..فتأكد إنه يحمل لك الأجمل في انتظار البقية ولقلمك تقديري همس الكناريا

اسعدنى هذا المرور وهذا التفاعل واعتذر عن الحيره ولكن فى القريب سينكشف
من منا كان السبب وارجو الا يكن هناك ملل بسبب الاطاله... همس الكناريا

[طارق الجميل]

اقتباس المشاركة الأصلية كتبت بواسطة العاشق الذى لم يتب اهلا مبدعناوشاعرنا الراقى الجميل وصديقى الغالى والحبيب سيد الجمال كله وروعة سلسلة عشق رومنسية طويلة كبيرة بديعة سلمت والنتبض دعواتى وتحياتى

انا والله ماعارف ارد على كلامك الجميل ده بإيه
شرفتنى بصداقتك وجاملتنى بكلامك وهنلتقى
فى القادم ايها العاشق الجميل تحياتى

[طارق الجميل]

اقتباس المشاركة الأصلية كتبت بواسطة شاعر الحب الحزين هتكمل اكيد يا جميل والحب الصادق دايما بيواجه عقبات وصدمات بس في الاخر القلوب الصادقة ف حبها بتقدر تتحمل وتكمل جميلة يا جميل يا طارق وف انتظار القادم ربي يوفقك ويسعدك

ان شاء الله هكمل القصيده لكن القصه طبعا انتهت
وفشلت وبنحكى اهو فى الاسباب شاعرنا نورتنى والله
وهتنورنى فى الجاى تحياتى لشخصك الكريم

[دمعه حائره]

كثيره قصص الحب لكن قليل من يمتلك الشجاعه والقوة
للدفاع عنها
رائعه الكلمات وطريقه السرد
تسلم