لابسة النقاب علشان محدش يعرفني !

[Eng Esraa]

صباح الخير بقا

حصل حاجة امبارح و انا بره و كنت عاوزة اشوف ارائكم فيها

ده كان مع بنت من اللي بيطلبوا فلوس من الناس ف الشارع !

انا كنت قاعدة ف مكان مع واحدة صحبتي و هي جات طلبت فلوس

بعيدا عن احنا ادينا لها او لا .. ده الحوار اللي حصل

هي .. انتي اسمك ايه ؟

انا .. اسمي اسراء و انتي ؟

هي .. سلمي .. انتي عسولة اوي ع فكرة ربنا يحفظك

انا .. ربنا يحفظك انتي يا حبيبتي .. انتي لابسة النقاب من زمان !

هي .. لا لبسته و قلعته قبل كده و لبسته تاني

انا .. اشمعنا !!

هي .. علشان محدش يعرفني

انا .. هو انتي ف حد جابرك ع شغلك ده ولا انتي حباه ؟

هي .. لا حد جابرني ولا حباه

انا .. امال ايه ؟!!

هي .. علشان ظروفنا بقا

انا .. بس فيه شغلانات تانية اريح لكي و احسن من دي

هي .. لا مفيش

انا .. لا فيه و لو عاوزة انا ممكن اساعدك و ملكيش دعوة بحاجة

هي .. لا احنا معندناش الكلام ده

و قامت ماشية بعد كده !
لبست النقاب علشان محدش يعرفها و هي ف الشارع
اكبر حرام استخدامها ليه بالطريقة دي كده !
انا عرضت عليها ان اساعدها ف شغا غير ده .. رفضت !!
و محدش جابرها ع حاجة و لا حابه اللي بتعمله !؟
بس الشماعة اللي بيتعلق عليها اكتر الغلطات من اي
حد فينا .. الظروف .. الظروف اللي اجبرتنا نعمل كده !
اي ان كان التصرف ايه او الغلط ايه !؟

منتظرة ارائكم بقا ف كل ده

[حازم34]

اهلين اهلين اهلين

مهندسه اسراء

نورتي قسم النقاش بموضوع مهم ودارج ها الايام بكثره جدا في كل البلاد


واجاباتها لاتجعل لنا اي تعاطف معها علي الاطلاق


لو قالت انا لابساه عن قناعه وعن حب وعن رغبه في رضي الرب كنا قلنا انها في ظرف من الظروف


ويجب مساعدتها ولكن ان تقول علي عدم المعرفه وتلك هي المصيبه


واعتقد ان هناك اناس سوف يحن قلبهم اليها بلباسها هذا وهم لايدرون



وكم من متستره خلف النقاب تفعل ةهي فعلا تاخذه كستار لافعال لايعلمها الا الله


ولكن في نفس الوقت فتيات مسلمات ونساء يلبسن النقاب عن حب وقناعه وطاعه لله وهو فضل وليس واجب


لان الواجب هو الحجاب



وبعدين معني رفضها للمساعده علي العمل فطريقه الربح هنا سهله ويسيره هنقول ايه



غير اسال الله ان يصلح الحال


هؤلاء من الناس تعودن علي ذلك


وكم من مرات يمسك البوليس اناس يسالن الناس في الشوراع ويجدون بالتحري انهم يملكون اموالا طائله


وتلك هي المصيبه


ربي يحفظك ويسعدك يارب انتي وسلمي


ويهدي ها الاخت الي فعل الثواب


موضوع مهم والله

[همس الكناريا]

للأسف بات النقاب ستارا وسلعة لأفعال كثيرة
ومنهم من يستخدمه إستخداما سيئا ولا يكون تم إراتداءه
علي قناعه أو يكون في سبيل رضي الله سبحانه وتعالي
وهذا ما جعل النقاب عُرضة للهجوم ..وإساءة الكل له
لمجرد فئة معينة تُسيء استخدامه..وأخذ فكرة ونظرة سيئة
ممن يرتدين النقاب
فالسيئة تعم كما نعلم

ورفضها لمساعدتك بيعني إنها عايزة كده
وبرضاها رغم عن اللي قالته ليكي
نسأل الله الهداية
تسلمي حبيبتي
لموضوعك
مودتي

همس الكناريا

[Eng Esraa]

اقتباس المشاركة الأصلية كتبت بواسطة حازم34 اهلين اهلين اهلين مهندسه اسراء نورتي قسم النقاش بموضوع مهم ودارج ها الايام بكثره جدا في كل البلاد واجاباتها لاتجعل لنا اي تعاطف معها علي الاطلاق لو قالت انا لابساه عن قناعه وعن حب وعن رغبه في رضي الرب كنا قلنا انها في ظرف من الظروف ويجب مساعدتها ولكن ان تقول علي عدم المعرفه وتلك هي المصيبه واعتقد ان هناك اناس سوف يحن قلبهم اليها بلباسها هذا وهم لايدرون وكم من متستره خلف النقاب تفعل ةهي فعلا تاخذه كستار لافعال لايعلمها الا الله ولكن في نفس الوقت فتيات مسلمات ونساء يلبسن النقاب عن حب وقناعه وطاعه لله وهو فضل وليس واجب لان الواجب هو الحجاب وبعدين معني رفضها للمساعده علي العمل فطريقه الربح هنا سهله ويسيره هنقول ايه غير اسال الله ان يصلح الحال هؤلاء من الناس تعودن علي ذلك وكم من مرات يمسك البوليس اناس يسالن الناس في الشوراع ويجدون بالتحري انهم يملكون اموالا طائله وتلك هي المصيبه ربي يحفظك ويسعدك يارب انتي وسلمي ويهدي ها الاخت الي فعل الثواب موضوع مهم والله

هي فعلا طريقة مربحة سهلة بالنسبة لهم !
ربنا يصلح الحال بقا
تسلم لتواجدك بقا
نورتني

[Eng Esraa]

اقتباس المشاركة الأصلية كتبت بواسطة همس الكناريا للأسف بات النقاب ستارا وسلعة لأفعال كثيرة ومنهم من يستخدمه إستخداما سيئا ولا يكون تم إراتداءه علي قناعه أو يكون في سبيل رضي الله سبحانه وتعالي وهذا ما جعل النقاب عُرضة للهجوم ..وإساءة الكل له لمجرد فئة معينة تُسيء استخدامه..وأخذ فكرة ونظرة سيئة ممن يرتدين النقاب فالسيئة تعم كما نعلم ورفضها لمساعدتك بيعني إنها عايزة كده وبرضاها رغم عن اللي قالته ليكي نسأل الله الهداية تسلمي حبيبتي لموضوعك مودتي همس الكناريا

ربنا يهدي الجميع يا رب
تسلمي لمرورك حبيبتي
نورتيني

[مهيب الركن .]

عندما تتحول السنه المطهره من دستور كامل للأخلاق
يتم أختزاله فى عود سواك او شرب الماء على ثلاث جرعات

عندما يتم انتقاء المظاهر الشكليه وحصر السنه الشريفه
فى أكسسوار خارجى الغرض منه المتاجره بالدين والحصول
على منافع دنيويه وخداع البعض بتلك المظاهر الخادعه
فلا عجب من أن نرى كل شئ

عن أبي هريرة -رضي الله عنه قال رسول الله صلى الله عليه وسلم
"إن الله لا ينظر إلى أجسامكم، ولا إلى صوركم، ولكن ينظر إلى قلوبكم"

من يبحث عن رضا الله فالله ينظر الى القلوب
ومن يبتغى وجه الله فاليصلح ما بينه وبين ربه
ليس بالملبس ولا بالمأكل ولا بالمشرب
ولكن التقوى فى القلوب
ولا يجب تعميم من أساءوا استخدام النقاب على الجميع
فكل نفس بما كسبت رهينه
وأيضا لا يجب ان تظن من ترتديه انها من المبشرين بالجنه
الميزان سيوضع فيه أعمالنا
وليس ملبس أو مظهر أو مأكل
وكل شئ سيكون حجة لك أو عليك

تحياتى أختى الكريمه لموضوعك الراقى

[رعد السـماء]

شوفي يا باشمهندسة
موضوع النقاب ده فاقع مرارتي من زماااااااان
يعني لما اتكلم استحملوني
إنتو اللي فتحتوني
هههههههههههه

أي واحدة تقولك لابسة النقاب عن اقتناع قوليلها انتي كدابة
لأن مفيش حاجة اسمها اقتناع أصلاً
لو قلتيلها في حديث شريف بيقول الوجه والكفين
حتقولك حديث ضعيف
يعني باختصار هي مجرد رخامة وخلاص

هناك العشرات من الأسباب لارتداء النقاب آخرها الدين والاحتشام
أنا ساكن في العجمي - اسكندرية
في يوم عربيتي كانت بايتة في التوكيل ورجعت من شغلي في المواصلات العامة
أقسم بالله شفت بعيني بنتين محجبات واقفين على أول شارع البيطاش
شكلهم المريب لفت نظري .. وقفت اتفرج من بعيد لأن الواحد يخاف يقرب من الأشكال دي
شبهة
بعد شوية ركبوا عربية ملاكي بتاعت واحد من راغبي المتعة الحرام
شكلهم مريب رغم النقاب
حركاتهم وضحكتهم الخليعة وصوتهم العالي ومكياح عينيهم بيقول انهم فتيات ليل
واخدين النقاب مجرد دروة يستخبوا وراها عشان محدش يشوف وشهم
واللي بتشحت لابسة نقاب عشان محدش يعرفها من أهلها أو جيرانها
واللي قاعدة تبيع جبنة قريش في الشارع لابسة نقاب وهكذا النماذج كتيرررررررر
دي عينة بسيطة من الاستخدامات البشعة للنقاب
ده غير إن النقاب ممكن يلبسه راجل ويرتكب جريمة أو يندس وسط النسوان وحصلت كتيررر
زي ما حصل وعملها بديعة الكلب مرشد الإخوان لما هرب من اعتصام رابعة لابس نقاب

أذكر مرة قرأت في أحد المنتديات موضوع حول النقاب
وخلال النقاش عضوة من دولة عربية اعترفت انها مرتاحة في النقاب
لأنها على حد تعبيرها قالت بالحرف الواحد (في النقاب أناظر براحتي)
يعني تتفرج ع الناس براحتها وفاكرة إن محدش شايفها
متتصوريش احتقرتها أد إيه وكرهتها وكرهت النقاب أكتررر
لأن النماذج دي بشوفها كتير في عيادة دكتور أو في صالة الانتظار في البنك
أو أي مكان فيه تجمعات .. بشوف الواحدة منهم قاعدة تلف ع الناس بعيونها واحد واحد
من فوق لتحت بمنتهى القذارة والوقاحة .. في الحالة دي أتعمد أحط عيني في عينها
وابحلق فيها عشان احرجها واحرق دمها

غير كده أعرف ستات جيران في الشارع أو العمارة اتحجبوا فجأة
هي أصلاً ناقصها شنب وتبقى راجل
تعالي شوفيها لما اتحجبت عاملة إيه في عيونها ..
شوية ميك اب اللي يشوفهم يفكر تحت النقاب قمر
هههههههههههههههههههههههه

ده غير ريحتهم الوحشة وريحة عرقهم القاتلة
بس تعدي من قدامك تحسي حيغمى عليكي

ماله الحجاب الشرعي ؟؟؟
الزي الإسلامي له مواصفات ليس من بينها النقاب
البنت أو الست طالما محتشمة ولابسة زي ساتر عموم جسمها لا يصف ولا يشف
الواحد يحترمها ويضربلها تعظيم سلام
ختاماً الحجاب فرض والنقاب مش فرض بإجماع العلماء
وعندنا نماذج من علماء المسلمين السيدات
الدكتورة عبلة الكحلاوي والدكتورة سعاد صالح
وغيرهن الكثيرات
هؤلاء العلماء أكيد يعرفوا أكتر مننا
ويخافوا ربنا أكتر مننا
(إنما يخشى الله من عباده العلماء)
ليه مش لابسين النقاب ؟؟؟

أنا واحد من الناس لما اتجوز إن شاء الله لو مراتي قالتلي عايزة ألبس نقاب حقولها لأ
ولو أصرت حطلقها .. أنا ناقص قرف
ههههههههههههه

معلش يا إسراء طولت عليكي
والله لسة عندي كلام كتير بس كفاية كده
سلام ..

كلمة أخيرة عشان الواحد مش ناقص ذنوب
في هذا المجال لا يجوز التعميم
ربما هناك عدد قليل يلبسن النقاب على حق ولأسباب دينية حقيقية
لكن تأكدي أن كل واحدة منهن قصادها مليون واحدة لابسة النقاب لأغراض أخرى

[Aya 7ekaya]

الناس دى بيبقى فى حد مشغلهم بس هى مش هتقول اكيد انتى ماتقفيش مع حد افضل حاجة فى حالات كتير لخطف و بلاوى كتير المحتاج مش بيطلب بيكون عنده عزه نفس فى ناس تلبس النقاب ف الوقت ده وبليل لمل تخلص تقلعه وتلاقيها لابسه احسن منك
ربنا يهدى

[Eng Esraa]

اقتباس المشاركة الأصلية كتبت بواسطة مهيب الركن . عندما تتحول السنه المطهره من دستور كامل للأخلاق يتم أختزاله فى عود سواك او شرب الماء على ثلاث جرعات عندما يتم انتقاء المظاهر الشكليه وحصر السنه الشريفه فى أكسسوار خارجى الغرض منه المتاجره بالدين والحصول على منافع دنيويه وخداع البعض بتلك المظاهر الخادعه فلا عجب من أن نرى كل شئ عن أبي هريرة -رضي الله عنه قال رسول الله صلى الله عليه وسلم "إن الله لا ينظر إلى أجسامكم، ولا إلى صوركم، ولكن ينظر إلى قلوبكم" من يبحث عن رضا الله فالله ينظر الى القلوب ومن يبتغى وجه الله فاليصلح ما بينه وبين ربه ليس بالملبس ولا بالمأكل ولا بالمشرب ولكن التقوى فى القلوب ولا يجب تعميم من أساءوا استخدام النقاب على الجميع فكل نفس بما كسبت رهينه وأيضا لا يجب ان تظن من ترتديه انها من المبشرين بالجنه الميزان سيوضع فيه أعمالنا وليس ملبس أو مظهر أو مأكل وكل شئ سيكون حجة لك أو عليك تحياتى أختى الكريمه لموضوعك الراقى

عليه افضل الصلاة و السلام
ربنا يصلح الحال و يهدي الجميع
تسلم لمرورك

[Eng Esraa]

اقتباس المشاركة الأصلية كتبت بواسطة رعد السـماء شوفي يا باشمهندسة موضوع النقاب ده فاقع مرارتي من زماااااااان يعني لما اتكلم استحملوني إنتو اللي فتحتوني هههههههههههه أي واحدة تقولك لابسة النقاب عن اقتناع قوليلها انتي كدابة لأن مفيش حاجة اسمها اقتناع أصلاً لو قلتيلها في حديث شريف بيقول الوجه والكفين حتقولك حديث ضعيف يعني باختصار هي مجرد رخامة وخلاص هناك العشرات من الأسباب لارتداء النقاب آخرها الدين والاحتشام أنا ساكن في العجمي - اسكندرية في يوم عربيتي كانت بايتة في التوكيل ورجعت من شغلي في المواصلات العامة أقسم بالله شفت بعيني بنتين محجبات واقفين على أول شارع البيطاش شكلهم المريب لفت نظري .. وقفت اتفرج من بعيد لأن الواحد يخاف يقرب من الأشكال دي شبهة بعد شوية ركبوا عربية ملاكي بتاعت واحد من راغبي المتعة الحرام شكلهم مريب رغم النقاب حركاتهم وضحكتهم الخليعة وصوتهم العالي ومكياح عينيهم بيقول انهم فتيات ليل واخدين النقاب مجرد دروة يستخبوا وراها عشان محدش يشوف وشهم واللي بتشحت لابسة نقاب عشان محدش يعرفها من أهلها أو جيرانها واللي قاعدة تبيع جبنة قريش في الشارع لابسة نقاب وهكذا النماذج كتيرررررررر دي عينة بسيطة من الاستخدامات البشعة للنقاب ده غير إن النقاب ممكن يلبسه راجل ويرتكب جريمة أو يندس وسط النسوان وحصلت كتيررر زي ما حصل وعملها بديعة الكلب مرشد الإخوان لما هرب من اعتصام رابعة لابس نقاب أذكر مرة قرأت في أحد المنتديات موضوع حول النقاب وخلال النقاش عضوة من دولة عربية اعترفت انها مرتاحة في النقاب لأنها على حد تعبيرها قالت بالحرف الواحد (في النقاب أناظر براحتي) يعني تتفرج ع الناس براحتها وفاكرة إن محدش شايفها متتصوريش احتقرتها أد إيه وكرهتها وكرهت النقاب أكتررر لأن النماذج دي بشوفها كتير في عيادة دكتور أو في صالة الانتظار في البنك أو أي مكان فيه تجمعات .. بشوف الواحدة منهم قاعدة تلف ع الناس بعيونها واحد واحد من فوق لتحت بمنتهى القذارة والوقاحة .. في الحالة دي أتعمد أحط عيني في عينها وابحلق فيها عشان احرجها واحرق دمها غير كده أعرف ستات جيران في الشارع أو العمارة اتحجبوا فجأة هي أصلاً ناقصها شنب وتبقى راجل تعالي شوفيها لما اتحجبت عاملة إيه في عيونها .. شوية ميك اب اللي يشوفهم يفكر تحت النقاب قمر هههههههههههههههههههههههه ده غير ريحتهم الوحشة وريحة عرقهم القاتلة بس تعدي من قدامك تحسي حيغمى عليكي ماله الحجاب الشرعي ؟؟؟ الزي الإسلامي له مواصفات ليس من بينها النقاب البنت أو الست طالما محتشمة ولابسة زي ساتر عموم جسمها لا يصف ولا يشف الواحد يحترمها ويضربلها تعظيم سلام ختاماً الحجاب فرض والنقاب مش فرض بإجماع العلماء وعندنا نماذج من علماء المسلمين السيدات الدكتورة عبلة الكحلاوي والدكتورة سعاد صالح وغيرهن الكثيرات هؤلاء العلماء أكيد يعرفوا أكتر مننا ويخافوا ربنا أكتر مننا (إنما يخشى الله من عباده العلماء) ليه مش لابسين النقاب ؟؟؟ أنا واحد من الناس لما اتجوز إن شاء الله لو مراتي قالتلي عايزة ألبس نقاب حقولها لأ ولو أصرت حطلقها .. أنا ناقص قرف ههههههههههههه معلش يا إسراء طولت عليكي والله لسة عندي كلام كتير بس كفاية كده سلام .. كلمة أخيرة عشان الواحد مش ناقص ذنوب في هذا المجال لا يجوز التعميم ربما هناك عدد قليل يلبسن النقاب على حق ولأسباب دينية حقيقية لكن تأكدي أن كل واحدة منهن قصادها مليون واحدة لابسة النقاب لأغراض أخرى

مع احترامي لرايك طبعا و كلامك ده كله
هي الكلمة الاخيرة دي اللي صححت كل الكلام اللي فوق !
انك مش اتكلمت بصفة عامة .. تمام ف ناس كتير استخدامها للنقاب
اسوا ما يكون .. بس ف نفس الوقت ف ناس لبساه ع اقناع فعلا
مفيش حاجة اسمها مفيش اقناع ! .. لا خالص
ده موجود و ده موجود .. الاعمال بالنيات بقا
تسلم لرايك و مرورك
نورتني