الحلقة(61)من برنامج اجدد عضو ومعانا اسلام طارق

[دمعه حائره]

أهلا وسهلا باعضاء منتدى بنات مصر الطيبين يتجدد اللقاء مع الاعضاء الجدد ومعانا النهاردة عضو جديد اسلام طارق عضو نشيط واضح من اول يوم سجل فيه رحبوا معايا باسلام اسلام طارق عضو مشارك اسمك؟ إسلام طارق سنك؟ 16 سنة بتدرس ايه؟ داخل تانية ثانوى بلدك ومحل الاقامه؟ الاسماعيلية عندك اخوات قد ايه؟ 2 اصغر منى مثلك الاعلى ؟ سيدنا محمد الحكمة المفضله عندك؟ الأفعال أعلى صوتا من الأقوال عرفت المنتدى ازاى؟ من جوجل سجلت على طول ولافضلت زائر؟ سجلت فى نفس اليوم على طول ايه شجعك تسجل معانا؟ لقيت فى نشاط من المنتدى ومتابعة من الادارين واعضاء كتير ومفيش منتديات كتيرة دلوقتى فيها نشاط + الحقيقة برضو انا مكنتش هسجل دلوقتى وكنت بقرأ القوانين لكن الرسالة بتاعة التسجيل مكنتش عارف اقرا منها فسجلت لقيت ترحيب من الاعضاء؟ معرفش اوى بس فضلت يومين على ما العضوية تتفعل اول مشاركه او موضوع ليك كان فى اى قسم؟ اول مشاركة مش عارف لكن كنت عاملها علشان اعرف اعمل مواضيع اول موضوع كان فى قسم المصارعة ماشاء الله مسجل جديد وعدد مواضيعك كتير ايه السبب فى انك بتنزل مواضيع كتير؟ انا متعود اني اعمل مواضيع كتير ممكن توصل ل50 او اكتر في اليوم بتلاقي تفاعل من الاعضاء فى مواضيعك وبتابعها؟ معرفش مش كل المواضيع بشوفها تانى لكن الى المواضيع الى بشوفها بلاقى فيها تفاعل اتعرفت على كل الاقسام؟ لا لسة مش كل الاقسام بتحب تشارك فى مسابقات؟ على حسب نوع المسابقة ايه اكتر اعضاء بتابعهم؟ معرفش والله اعضاء كتير لكن فى قصص حلوة هنا من تأليف الاعضاء كونت صداقات ولالسه؟ لسة ايه رايك فى تعامل الاداره والمشرفين مع الاعضاء؟ كويس جدا ومن مميزات المنتدى هنا مسجل فى منتديات تانيه؟ أة ناوى تستمر معانا ان شاء الله ؟ معرفش لسة ايه اكتر حاجه تشجع العضو الجديد انه يستمر؟ يحاول يجرب فى كل الاقسام يعمل مواضيع ومنها هيتعلم يجيب مصادر وهيستفاد كتير وهيفيد غيرة عندك اقتراح او خاصيه تحب تضيفها للمنتدى؟ اقتراحات لا لكن فى المنتدى هنا فى مواضيع سبام كتير ودة هيضر المنتدى واى عضو يحمل منهم بشكرك على قبول الدعوة شكرا على الاستضافة واسف على التأخير فى الرد على الاسئلة وهنا تنتهى الاستضافه مع اسلام بشكركم على المتابعه واتركم للترحيب بيه فى امان الله

[Eng Esraa]

اسلام اجاباته واضحة و جميلة
تقريبا اصغر عضو سنا معانا !؟
منور المنتدي اسلام و من الناس اللي تفاعلها ملحوظ
تسلمي يا جميل ع مجهودك

[همس الكناريا]

اهلا إسلام نورت المنتدي
فعلا هو عضو نشيط جدا وخصوصا طرح المواضبع
اتمني ليك حسن الاقامة

تسلمي منه ع البرنامج
مودتي

همس الكناريا

[راجعة لحبيبى]

هلا فيك اسلام
نورت
ونورالبرنامج
ماشاالله عليك
وهلاالغاليه منه
والب نامج الحلو
تسلمين

[Aya 7ekaya]

اهلا اسلام نورت المنتدى
تفاعله ملحوظ ونشيط ماشاء الله
تسلمى منون ع الاستضافه الجميله

[فصيح]

منور يا اسلام المنتدى
اهلا بيك وان شاء الله تستفيد وتفيد
وكل الشكر لصاحبة الاستضافة والبرنامج المميز
دمعه حائره اللي بتعرفنا على شخصيات جميله
تحياتي أكيد

[ايمان طلعت]

اهلا اهلا ابن بلدي
نورت اسلام المكان
ونشاطك طبعا ملحوظ
رغم صغر سنك بس واضح انك ناضج
اتمني تستمر وتفيد وتستفيد
مشكورة منه للحلقه الحلوة
تحياتي

[Fatma eissa]

حوار جميل وممتع
مع اسلام
واهلا بيك
نورت المنتدي
اتمني لك اقامه ممتعه
برفقتنا

[مارد الغضب]

اعجبتني الاجابات مختصرة و مفيدة و صادقة
سعدت جدا بالمرور هنا
تحياتي

[بنت خديجة]

اهلا بيك وسط اخواتك اسلام