انا انسان

[a7med -3del]

مبكرهش حد لكن
انا برضه محبهوش
اللي في وقت شدة
جمبي وملاقهوش
اللي رسمته بصورة جميلة
وفجاءة لاقيتها سراب
اللي حلفت سنين بحياته
وفي لحظة طلع كداب

الفكرة في المعاملة
في الراحة والاحساس
بصراحة ومش مجاملة
طلعو ارخص ناس

علشان فهمونا
انهم ضهر وسند
ومعانا في اي شئ
ويحاربو 100 بلد

كانو اول حد يسبنا
ويغيب علينا سنين
مع اول موقف بنا
طلعنا مش غاليين

وعشان كده مش ناسيهم
وبرضه انا مش فاكرهم
ولا قصدي اعيب فيهم
انا ندمان علي اختياراهم

حصل خير
ودايما بحمد ربنا
قابلت كتير
وانا برضه انا

لا بتغير ولا هاقدر
الا اني اكون انسان
واللي بجرحه علمني
اهو في النهاية جبان

انا انسان
Ahmed adel
18-8-2016

[همس الكناريا]

المواقف تجبرنا أحياناً على الغناء :
"بانوا بانوا بانوا ...على ... أصلكوا بانوا "

أجمل ما يميز حرفك الانسبابية
سلمت وسلم الإحساس
احترامي

همس الكناريا

[a7med -3del]

اقتباس المشاركة الأصلية كتبت بواسطة همس الكناريا المواقف تجبرنا أحياناً على الغناء : "بانوا بانوا بانوا ...على ... أصلكوا بانوا " أجمل ما يميز حرفك الانسبابية سلمت وسلم الإحساس احترامي همس الكناريا

شاعرتنا الجميلة
صاحبة الحضور الراقي
اتمني اشوفك دايما
نورتيني

[YOo YA]

جميله اوي بجد
واحساس جميل
افكار متناقضه
بس ف النهايه بتعطيك معني جميل
بتعجبني طريقتك ف الكتاببه
تحس فيها نغمه
وكل سطر ينقلك ع اللي بعده
سلس اسلوبك اخي
ويحب القارئ يتابعه
دوام الابداع ي رب

[فصيح]

جميل يا نجم

[Fatma eissa]

كلمات جميل جدا
وتوصف العالم الي احنا فيه
وفيه الكويس وفيه
ولانسان دايما يتعلم ويشوف
ويعرف
وهي دي الحياة

[a7med -3del]

مرورك اسعدني جدا
الف تحية

[αЛαstoOorα]

آوعي تئامن للي يقرب
ولا تديلو آسرار من قلبك
زي ماقالو اسآل ف مجرب
وآنا جرحوني زمان من قبلك
!
كلك علي بعضك حلو ^^

[ويبقى الأثر]

نغمتها حلوه
اجمل مفيك قلمك حاضر دايما بافكاره الجديده
ربنا يديمها عليك نعمه

[شاعر الحب الحزين]

هو ده قلمك اللي اتعودت عليه

وهي دي كتاباتك اللي بيبان فيها إحساسك وفكرك

اول مرة اقرأ كلمات واتمنى انها ما تنتهيش ..بجد روعة واكتر

تسلم ويسلم نبض قلبك وقلمك

ربنا يوفقك ويسعدك