حازم34 ف عين الاعضاء .. 1

[Eng Esraa]

احم احم
بسم الله
معادنا انهاردة مع اول حلقة من برنامج

(عضو ف عين الاعضاء)


و ده اللينك بتاع الفكرة ل اللي مش شافها
http://forums.banatmasr.net/msryat558159/



نبدا بقا .. معانا ف اول حلقة

حازم34
مشرف قسم النقاش
امير المنتدي

طبعا فكرة البرنامج انه يعرف اراء الاعضاء فيه
و سالنا اكتر من حد .. و دي كانت الاراء بقا



ده كان راي
همس الكناريا

1 رايك ف افكاره ؟

جميلة ومتجددة

2 رايك ف طريقة كتابته للموضوعات ؟

بتعجبني جدا خصوصا إن دايما فيها جانب ديني كبير ،ومرح جدا في الكتابه الفكاهية

3 ايه اكتر حاجة بتلفت نظرك ف موضوعاته ؟

الجانب الديني ، واستقباله لردود الأعضاء عليه ورده عليهم جميلة جدا

4 رايك ف شخصيته ؟

شخصية جميلة جدا بروح طيبة وأخلاق عالية علي علم كبير من الثقافة
ردودة كتير مثرية صراحة ،

5 تواجده هنا كتير ولا قليل ؟ / و هل يستحق الاشراف ؟

تقريبا من ساعة ما دخلت أنا بشوفه كتير
نعم يستحق أكيد

6 شايفه مشرف مميز او لا ؟

كل مشرف مجتهد في قسمه وبيبدع فيه بيكون مميز

7 كلمة اخيرة ليه ...

أنا سعيدة جدا بوجود شخصية جميلة جدا زي شخصية أستاذنا حازم
ربنا يسعده ويبارك فيه وفي أهل بيته




و ده كان راي
اشرف 2006

1 رايك ف افكاره ؟

انسان بسيط وافكاره موضوعيه الى حد ما

2 رايك ف طريقة كابته للموضوعات ؟

اسلوبه سلس وشيق جدا يتخلله بعض الفكاهه

3 ايه اكتر حاجة بتلفت نظرك ف موضوعاته ؟

البدايه الحلوه بتاعته ( اهلين اهلين هههههههههههههههه )

4 رايك ف شخصيته ؟

انسان محترم ومثقف لكنه مش حازم دايما يمسك العصايه من النص علشان مايزعلش حد

ههههههههههههههههههههههههههههههههههههههههههه

5 تواجده هنا كتير ولا قليل ؟ / و هل يستحق الاشراف ؟

تواجده معقول جدا ويستحق الاشراف بالطبع

6 شايفه مشرف مميز او لا ؟

هيقدر يظبط الامور ومش هيزعل حد منه

7 كلمة اخيرة ليه ...

نعتز بصداقتك ونسعد بوجودك معنا ويارب يوفقك دائما



و ده كان راي
ايمان طلعت

1 رايك ف افكاره ؟

افكارة غالبا بتكون مواقف حصلت معاه او شافها وبيعرضها لينا باسلوبه هو
فكون له فكر و بيحاول يوصله دي حاجه كويسه

2 رايك ف طريقة كابته للموضوعات ؟

طريقته بسيطه جدا وسهل اي حد يفهمها
ودة يحسب ليه

3 ايه اكتر حاجة بتلفت نظرك ف موضوعاته ؟

البساطة

4 رايك ف شخصيته ؟

معرفش شخصيته كويس بس الواضح انه خواف جداااا ههههه ودة هتعرفوة قريب
بالنسبه لتعاملي معاه فهو محترم وخلوق و زوق

5 تواجده هنا كتير ولا قليل ؟ / و هل يستحق الاشراف ؟

تواجدة الاول كان يعتبر دائم بس كل واحد وليه ظروفه اكيد
كان يستحق الاشراف دلوقتي نام في الخط خالص

6 شايفه مشرف مميز او لا ؟

الصراحه لا

7 كلمة اخيرة ليه ...

ربنا يوفقك ويسعدك في حياتك




و ده كان راي
راجعة لحبيبي

1 رايك ف افكاره ؟

د حازم يعجبنى فيه اخلاقه الحلوه
ومعاملته الطيبه مع الجميع
وافكاره وكل كتاباته تقول انسان راقى ومثقف
ونير الراى والافكار

2 رايك ف طريقة كابته للموضوعات ؟

كتاباته كلها جميله وخاصه المواضيع النقاشيه
كمان ماشالله عليه بيكتب بكل انواع الكتابه
مابين النثر والمقالات
بس اخاف احسده
ههههههههه

3 ايه اكتر حاجة بتلفت نظرك ف موضوعاته ؟

احس انه مهتم بكل المشاكل اللى تخص الناس
ويحاول يطرحها مع المحلول

4 رايك ف شخصيته ؟
انسان راقى بمعنى الكلمه

5 تواجده هنا كتير ولا قليل ؟ / و هل يستحق الاشراف ؟

صراحه من يوم تسجيله وهو متواجد باستمرار
واثبت تواجده بسرعه مذهله
من خلال كتاباته المتنوعه
ويستحق الاشراف بجداره

6 شايفه مشرف مميز او لا ؟

مميز بمعنى الكلمه

7 كلمة اخيرة ليه ...

اتمناله كل الخير
وانااحترمه لشخصه قبل قلمه الراقى
ربى يسعده ويوفقه




و ده كان راي
Aya 7ekaya

1 رايك ف افكاره ؟

قصدك افكاره ف المنتدى ، انا شايفه ان قسم النقاش من الاقسام
اللى متاح فيها اكتر من فكره و فرصه لاى مشرف بصراحه
و بتمنى الاستاذ حازم يركز ع النقطه دى

2 رايك ف طريقة كتابته للموضوعات ؟

بحسه تقلقائى فى كتابه المواضيع يعنى بيعتبر انه بيتكلم
مع الاعضاء فيس تو فيس كده ودى حاجة حلوة
ماشوفتهاش فى ناس كتير فى المنتدى

3 ايه اكتر حاجة بتلفت نظرك ف موضوعاته ؟

نفس الفكره التلقائيه

4 رايك ف شخصيته ؟

من خلال وجوده ف المنتدى حازم شخص طيب و لطيف
مابيحبش المشاكل و بيتعامل بسلاسه مع اللى حواليه

5 تواجده هنا كتير ولا قليل ؟ / و هل يستحق الاشراف ؟

تواجده معقول ومتابع لمعظم المواضيع تقريبا / ماقدرش اتكلم فى نقطه الاشراف
كتير كل مشرف عنده نقاط قوة ونقاط ضعف وهو قدم للقسم اكيد
وجوده فارق فى النقاش و رودوده تشجيعيه للاعضاء فى القسم
ودى اكتر حاجة بتعجبنى بحسه بيعتبر القسم بيته واى حد بيجى بيرحب بيه كده

6 شايفه مشرف مميز او لا ؟

اكيد

7 كلمة اخيرة ليه ...

منور البرنامج والله ي استاذ حازم



و ده كان راي
مارد الغضب


1 رايك ف افكاره ؟

يستمتع د حازم بفكر متوقد ينتقل في موضوعاته بسرعة كبيرة
كما و نوعا

2 رايك ف طريقة كابته للموضوعات ؟

طريقته جميلة رقيقة ..حتي لما بيكتب الشعر نص نص بيبقي راقي
كمان بيعجبني فيه خفة دمه ...خاصة لما بيكون رايق

3 ايه اكتر حاجة بتلفت نظرك ف موضوعاته ؟

الدفاع عن القضايا الاسلامية و الاخلاقية و حرصه علي ذكر الله و الصلاة
علي رسولنا الكريم ..كذلك دعاءه للاعضاء في كل ردوده

4 رايك ف شخصيته ؟

انا بتعجبني الشخصية المتدينة الخلوقة مثل شخصية الدكتور

5 تواجده هنا كتير ولا قليل ؟ / و هل يستحق الاشراف ؟

انا مش عارف هو بيروح شغله امته..كمية المقالات و الردود بتاعته
ما شاء الله/ طبعا يستحق و اكتر و لعل قسم النقاش مدين له
بالنشاط الكبير

6 شايفه مشرف مميز او لا ؟

اكيد هو مشرف مميز جدا و راقي جدا جدا

7 كلمة اخيرة ليه ...

احبك يا دكتور عندما تزود عن حياض النبي..بل اني احبك اكثر لحبك
لسيدنا رسول الله ...فأبشر يا سيدي بفرج قريب
...
انا بشكر حضرتك لاتاحة الفرصة للعبد الفقير ان يحضر مجلس الامير
و ربنا يجعل كلامي خفيف عليه
تحياتي لسموك المحترم



و ده كان راي
Fatma eissa

1 رايك ف افكاره ؟

أفكاره نيره ومميزه

2 رايك ف طريقة كابته للموضوعات ؟

جميله جدا وتجذب الاعضاء
واسلوبه جميل وسلس
والأجمل بقا انه بيكتب باللغة
العربيه الفصحي
واحلي بقي ردوده علي مواضيع
ويترك بصمته المميزه

3 ايه اكتر حاجة بتلفت نظرك ف موضوعاته ؟

اسلوبه جميل
وسلس
وأنه يكتب بلغه العربيه

4 رايك ف شخصيته ؟

طيب ومحترم
وخلوق ومحبوب
ومساعد الغير
وسباق للخير

5 تواجده هنا كتير ولا قليل ؟ / و هل يستحق الاشراف ؟

ايوا طبعا يستحق بكل جدارة
وأثبت نفسه بكدا
برغم من اشغاله
ف مقدرشي من دخوله
في المنتدي ويتابع كل جديد

6 شايفه مشرف مميز او لا ؟

ايوا اكيد مميز جدا

7 كلمة اخيرة ليه ...

ربنا يكرمك ياحازم في حياتك العمليه
ويسعدك يارب
ويبارك فيك
فأنت فعلا مكسب للمنتدي
وأخ وصديق
وشاعر وكاتب ماهر ومميز
و سعدنا جدا لانضمامك هنا
ومعانا




و ده كان راي
ندوشة2011

1 رايك ف افكاره ؟

أفكاره ما شاء الله تقوليش طه حسين في زمانه

2 رايك ف طريقة كابته للموضوعات ؟

بتلفت انتباه القارىء عد يا سيدي الجمايل

3 ايه اكتر حاجة بتلفت نظرك ف موضوعاته ؟

مواضيعة كلها تحفه قوليلي انتي بقى ايه اكتر حاجه بتلفت نظرك ههههههه

4 رايك ف شخصيته ؟

انسان محترم وخلوق وأي عضو طلب منه ما بيتاخر

5 تواجده هنا كتير ولا قليل ؟ / و هل يستحق الاشراف ؟

متواجد دائما اذاغاب عن المنتدي بسبب ظروفه....يستحق المدير المالي هههههه

6 شايفه مشرف مميز او لا ؟

اكيد مشرف مميز

7 كلمة اخيرة ليه ...

ربنا يوفقه ويسعده



و ده كان راي
دمعة حائرة

1 رايك ف افكاره ؟

دكتور حازم انسان مثقف وعقلانى بالاضافه
ان افكاره فى اى موضوع بيطرحة تميل للجانب الدينى
وده دليل انه القيم عنده بيستمدها من دينه
ودى حاجه جميله بتحفظ الانسان وتبعدة عن الغلط
كمان بلاحظ وسطيته فى النقاش وبيميل للمساواه
واحترام المرأه

2 رايك ف طريقة كابته للموضوعات ؟

عضو موهوب وبيمتلك قلم مميز فى نواحى كتير من الكتابة
بأسلوب بسيط سهل للقارىء

3 ايه اكتر حاجة بتلفت نظرك ف موضوعاته ؟

بيستخدم عناوين تجذب القارىء وكمان بيكتب بطريقه سلسه
ومش بيستخدم مفردات صعبه

4 رايك ف شخصيته ؟

انسان خلوق وبيعامل الكل باحترام

5 تواجده هنا كتير ولا قليل ؟ / و هل يستحق الاشراف ؟

انا لما بدخل دايما بشوفه ويكون ليه موضوع
وانا اللى دخولى قليل بس اكيد هو يستحق الاشراف
لانه متابع كويس وبيرد على الاعضاء

6 شايفه مشرف مميز او لا ؟

مش متابعه بصراحة اكيد المراقبين والاداره اللى واخدين بالهم
بس مقومات المشرف المميز انه يشارك فى قسمه
ويتواجد بشكل يومى واعتقد دكتور حازم بيعمل كده

7 كلمة اخيرة ليه ...

بتمنالك التوفيق فى حياتك
وياريت تستمر فى الكتابه
فى كل الاقسام اللى بتهتم بيها
لانك قلم مميز وليك متابعين
وياريت تكمل على نفس المنهج وماتتغيرش




و ده كان رايي انا بقي

د/حازم من الناس اللي تواجدها ف المنتدي بيشجع غيره
كتييير و من الناس اللي بحب مرورها ع المواضيع و ردودها
ربنا يوفقك دايما و تفضل معانا بقا



كده تكون الاراء اللي وصلت لي خلصت .. ف بعض ناس اعتذروا
لاسباب شخصية ليش دعوة بيها انااا
و ف ناس مش ردت ع الماسج اصلا .. ميرسي كتير ليكوا بردوا

كده تكون اول حلقة لينا خلصت .. اشوفكوا ف حلقة تانية بقا

[ملك جبال الاحزان]

وفى ناس محبتش تفتى 😹😹

الفكرة عجبانى من الاول
وانتى لاميتى الموضوع بطريقه ذكية
واختيارك موفق جدا
من اجتماع الاعضاء على طريقة الضيف وفكره ومعاملته
تثبت شخصيته الجميله

موفقة فى القادم ومتابع بقا 👍👍

[همس الكناريا]

والله فكرة البرنامج طلعت جميلة ومضمونها أجمل
دكتور حازم شخصيه طيبة بأخلاقه وبروحه الجميلة
وكل الناس بتحترمه وتقدره
وده كمان واضح من ردوةد الأعضاء
بالتوفيق أستاذنا

تسلمي حبيبتي ع البرنامج
والف مبرووك الاشراف
مودتي

همس الكناريا

[Eng Esraa]

اقتباس المشاركة الأصلية كتبت بواسطة ملك جبال الاحزان وفى ناس محبتش تفتى 😹😹 الفكرة عجبانى من الاول وانتى لاميتى الموضوع بطريقه ذكية واختيارك موفق جدا من اجتماع الاعضاء على طريقة الضيف وفكره ومعاملته تثبت شخصيته الجميله موفقة فى القادم ومتابع بقا 👍👍

مع احترامي طبعا للناس اللي مش لجات للفتي
بس ف تصرفات غير دي ضايقت
عادي بقا .. متور بمتابعتك بقا

[Eng Esraa]

اقتباس المشاركة الأصلية كتبت بواسطة همس الكناريا والله فكرة البرنامج طلعت جميلة ومضمونها أجمل دكتور حازم شخصيه طيبة بأخلاقه وبروحه الجميلة وكل الناس بتحترمه وتقدره وده كمان واضح من ردوةد الأعضاء بالتوفيق أستاذنا تسلمي حبيبتي ع البرنامج والف مبرووك الاشراف مودتي همس الكناريا

الله يبارك فيكي يا حبيبتي
تسلمي

[اشرف 2006]

يعنى احنا تعبنا وجاوبنا على الاسئله وانتم اترقتيوا وبقيتوا مشرفين

وطلعنا من المولد بلا حمص هههههههههههههههههههههههههههههه

عموما مبرووك عليكم وبالتوفيق


تحياتى

[Eng Esraa]

اقتباس المشاركة الأصلية كتبت بواسطة اشرف 2006 يعنى احنا تعبنا وجاوبنا على الاسئله وانتم اترقتيوا وبقيتوا مشرفين وطلعنا من المولد بلا حمص هههههههههههههههههههههههههههههه عموما مبرووك عليكم وبالتوفيق تحياتى

ههههههه لا خالص ع فكرة مش كده !
كل عضو ليه حلقة خاصة بيه
انتظر حلقتك بقا

[حازم34]

بسم الله الرحمن الرحيم


وبه استعين


واصلي واسلم علي خير الخلق محمدا صلي الله عليه وسلم


اللهم صلي علي محمد وعلي ال محمد وعلي اصحاب محمد وعلي اتباع محمد اللهم صل علي محمد وسلم تسليما كثيرا


ما طلعت علينا شمس او غابت


ما تحركت فينا الدماء او توقفت


ما هبت علي كوننا هذا رياح او سكنت


ما سرت في بحارنا قطره ماء او تجمدت


صلاه تنير لنا بها الطريق في الدنيا فنبصر علي اثرها الحلول الميسوره لمشاكلنا الكثيره


وصلاه تنير لنا بها الطريق في الاخره يوم الحاقه يوم القيامه يوم القارعه




اللهم اني اسئلك حبك وحب من يحبك وحب عمل يقربني الي حبك


اللهم اني اشهدك اني احب ها المكان وكل من فيه من اجلك واتمني من قلبي لهم


كل ما هو جميل وان ترضي عني وعنهم وان تجمعنا يارب في جناتك العلا


وادعوك يارب ان تجعل وجودنا في ها المكان لكل ما هو طيب وانت راض عنه


وادعوا لكل الاخوه والاخوات بجميل الحياه وانت تشهد يارب ان اسعد لسعادتهم


واتالم ان اصابهم الم لاقدر الله


وانت تشهد يارب اني احب ان اشارك الجميع هنا حبا وكاني اخ لهم لم تلدني امهاتهم




واتوجه بخالص شكري وتقدير الي قلم جميل وحس راقي اخرج لنا عددا من البرامج


الجميله الراقيه المبنيه علي الرقي والقيم الجميله كيف لا وهي مهندسه


واني احبها كا اخت واتمني لها اجمل واسعد حياه


مهندسه اسراء لي العزه والشرف اني تعاملت معك

ربي يحفظك ويسعدك ويبارك في عمرك


واشكرك من اعماق قلبي علي كلماتك الذكيه الراقيه ان دلت فانما تدل


علي خلق عال وثقافه عاليه


لا حرمنا الله وجودك الراقي المميز بخف الدم الجميله والقلب النقي


اسعدني كتير ان اكون اول ضيف فيه تكون الاراء


واسمح لي مهندسه اسراء ان ارد علي


كل جميل رايته هنا واثلج صدري


سوف ارد واقتططع من شهادتهما علي كل علي حده



نورتم البرنامج حقيقي واسعدتني ردودكم حقيقي



ربي يحفظكم ويبارك فيكم ولا حرمني الله وجدودكم الطيب النقي

وان يجعل بيننا كل ما يحب الله ويرضي

وانا يشهد الله احب ان اقرا للجميع واستفيد

وكلكم نجوم استدل بها


حفظكم الله ورعاكم وبارك فيكم

[حازم34]

اقتباس المشاركة الأصلية كتبت بواسطة ملك جبال الاحزان وفى ناس محبتش تفتى 😹😹 الفكرة عجبانى من الاول وانتى لاميتى الموضوع بطريقه ذكية واختيارك موفق جدا من اجتماع الاعضاء على طريقة الضيف وفكره ومعاملته تثبت شخصيته الجميله موفقة فى القادم ومتابع بقا 👍👍

اهلين اهلين اهلين اهلين

اخي الكريم ملك جبل الاحزان

اسال الله ان يسعد قلبك بكل ما هو جميل


وانت ما شاء الله لك ركن من الاركان في ها المنتدي


وقد سمعت عنه وانت اهل له

وعودا طيبا اخي ولا حرمنا الله

تواجدك

اسعدني مرورك وكلماتك الطيبه

التي تدل علي لين عريكه ودماه خلق وحب للاخرين


مشكور والله

[ايمان طلعت]

منور دوك الحلقه
والكل اجمع على حسن خلقك
و جمال تعاملك
ربنا يديم عليك محبه الاعضاء

مشكور للبرنامج الحلو اسراء

تحياتي