" سلام ياسلام "!

[αЛαstoOorα]

( سلام ياسلام )
/
آشوفك بين واحد
غيري
وغيرك حاضنة
ف آديا
وآغير من شوقي
لعيونك
وآخبي شعوري
ف عنيا
وآسلم ع اللي
خد مني
مكان ف الآصل
كان ليا
ويهرب مني
آحساسي
لذكري مابنا
منسيه
بنظرة شوق مابين
رمشك
يخبيها ويلحقها
من البطل اللي
كان هايم
وكان من بعض
عُشقها
آنا وآنتي ف سكه تملي
مفقودة
بدون عوده
مصيرنا نكون
مابين غيرنا
وتفاصيلنا بتعشق
فينا آوصفنا
وداع بفراق وشيئ
جبري
مفيش ولا سكة
تنصفنا
تنادي علينا
نبضاتنا
ف قلب القلب
ملهوفه
ابص انا ليكي
بخباثة
وتعملي آنتي
مكسوفه
سلام ياسلام
مابين آتنين
مكانهم
ف الآساس
واحد
مكانك ؟
وحدة غيرك آنتي
ومكاني؟
فاز عليه واحد
/
مجرد حاله مش آكتر
المنشاوي!

[a7med -3del]

انت موهوب وعندك حروف جامدة جدا
بس مفهمتش
تحياتي

[العاشق الذى لم يتب]

منور منش
وجميل وعشقك جميل

[αЛαstoOorα]

اقتباس المشاركة الأصلية كتبت بواسطة a7med -3del انت موهوب وعندك حروف جامدة جدا بس مفهمتش تحياتي

عشان مش مذاكر
هههه
منور يابرنس

[همس الكناريا]

أصعب حالة انكم تكونو الاتنين واحد
بس كل واحد في طريق ومن نصيب حد تاني


رغم بساطة الحروف
والسهل الممتنع ..إلا إنك أبدعت
شاعر امتلكت أحقية الشعر لا تعرف
الذبول في كل المواسم....
دمت ودام نبض قلمك
احترامي

همس الكناريا

[ويبقى الأثر]

هو موقف صعب
رغم ان قلوبهم لها نفس النبضه بتجمعهم
لكن كل واحد فيهم مشبك ايده بايد تانيه وسكه تانيه بيمشيها
وكأن القدر بيلعب معاهم لعبة النصيب

[شاعر الحب الحزين]

وسلام يا سلام للصبح يا سلام

بسم الله ما شاء الله عليك

صدقني كلامك بجد حالة خاصة ..او حالة نادرة

طريقتك ف ادخال الكلمات محدش بيجيدها غيرك

هو ده اسلوبك ..قادر تعبر عن اصعب المواقف بكلمات

كلها جمال لدرجة اننا بننسى فكرة المضمون وبنركز ف طريقة تعبيرك

انا بجد مبسوط اني بقرأ كلامك..يا سلطان الشعر

منور الدنيا يا مانش

[αЛαstoOorα]

اقتباس المشاركة الأصلية كتبت بواسطة العاشق الذى لم يتب منور منش وجميل وعشقك جميل

منور يارفعت
ربنا يخليك...

[بنت خديجة]

مبدع منشاوي

[فصيح]

يا سلام يا سلام
منشاوي فارس همام
وبجد معاك يحلي
زوق الكلام
عبرت بسلاسه عن حاله صعبه معقده
نجم نجم
تحياتي