عودة مدرسة بنات مصر الابتدائية

[ملك جبال الاحزان]

ورجعنا اخيرا مع حصة اتاخرت كتير من ايام الحصة بتاعت ريحة رجل نور رابط الحلقة الاخيره http://forums.banatmasr.net/msryat367002-55/ الاستاذ / كله يقعد مكانه وبراحة مش عايز دوشة ايمان طلعت / يا استاذ يا استاذ أيه اخدت مكانى YOo YA / مكان مين احجه أعمو محصلش الكلام ده الاستاذ / عمو عمو مين يا زفته قومى وتعالى هنا YOo YA / نحم حايز ايه الاستاذ / مش عايز حاجه يا ست النحنوحة تعالى ارفعى ايدك على الصبورة كدة جمبى Eng Esraa / فى حاجه أأية اى خناقة الاستاذ / اقعدى يا جزمة مكانك ولا اوقفك جمبها Eng Esraa / لا انا هنا زى الفل تسلم شاعر الحب الحزين / يا جدعان براحة شوية مش عارف اركز ورايا مسابقة شعر الاستاذ / معلش يا عم الابنودى احنا اسفين والله .. يخربيتكم انا لو دادة مش هتعب كدة الحصة ديه حابب اخليكم تتعرفو على بعض كل واحد يسال زميلة سؤال BaAnoOta / اشطة انا اموت فى كدة اسال انا اسال انا الاستاذ / اسالى وكل واحد يختار اللى هيسأله BaAnoOta / عايزة اسأل د حازم هنفرح بيك امتى يا قمر انت حازم34 / والله يا أخت انا لسه مفركش من يومين وقولت انتبه لدراستى بقا ومستقبلى ايام الحضانة الواحد كان لسه طايش واهو شوفنا ناس جديدة ومزز وهتبقا عنب هنا الاستاذ / أييييييييييييييييييييييييه يخربيتك يخربيتك مزز مين وطايش مين ده انا معرفتش غير واحده فى حياتى وكانت مراتى ومشوفتهاش غير ليلة الدخلة حازم 34/ انت خرونج انا مالى الاستاذ / بتقول اييه حازم34 / اقصد حضرتك من ايام الزمن الجميل ايام الرقى ايام الحب الجميل الاستاذ / حد تانى يقوم انا مراراتى راحت تاخد العلاج ملك جبال الاحزان / انا يا كبير اسأل اميرة الحب الضائع هو هيفضل ضايع منك كتير كدة يا قمر اميرة الحب الضائع / هو مين ده ملك جبال الاحزان / الحب يا جميل انا دنيته وهو حياتى / اعتراض يا مستر فى تفرقة عنصرية فى السؤال احنا حلوين بردو ولا يعنى علشان قاعدين واره حيــــــاة ❤ / اسكتى يا هبلة يقولو علينا ايه دلوقتى واقعين خالص كدة اتقلى تاخدى حاجه نضيفة ملك جبال الاحزان / تقصدى ايه انتى بحاجة نضيفة ديه ده انا لسه غاسل وشى من يومين اقسم بالله الاستاذ / بصو بصو مينفعش كدة معايا سكاكين لو تحبو مانا ماليش لازمة العاشق الذى لم يتب / يا استاذ ميقصدوش طيش شباب وانت عارف بقا الاستاذ / انت شكلك عاقل اسال انت يا شاطر العاشق الذى لم يتب / فاكر يا ماجيك لما كان معاك صور للكبار فقط ليه وقتها مردتش تبعتلنا ده انا ببعتلك دايما الفيديوهات ؟ الاستاذ / elMagic / يا بنى مكانش تليفونى وبعدين محصلش كدة انت كداب محصلش كدة شاعر الحب الحزين / لا حصل يا احمد حتى ساعتها قولتلنا الموبيل هيفصل مش هبعت حاجه ليه بتعمل كدة يا احمد ده احنا اسرة الاستاذ / اسرة زباله بسيرتكم الزباله يا زباله انت وهو خديجة / يع يع يع الولاد دول حاجه قرف خالص ازاى يعملو كدة ‏اشرف 2006 / اسكتى اخديجة لحسن اقولهم لما كنتى بتقفى عند مدرسة الشباب تعاكسيهم وهما مروحيين انتى Aya 7ekaya Aya 7ekaya / ولاد مين يا عم انت انا كنت بروح ارسم منظر طبيعى هناك خديجة / حصل وعلى تليفونى ... اقصد ايدى يا اختى حتى اخر منظر كان حلو اوى Aya 7ekaya / شوفتى عنيه يا بت كانت يالهووووووى الاستاذ / هو مين ده Aya 7ekaya / المنظر يا استاذ المنظر الاستاذ / انا غلطان انى خليتكم تسالو بعض انا هسالكم احسنلى قوليلى يا ندوشة 2011 . نفسك لما تكبرى تطلعى ايه ؟ ندوشة 2011 / حلمى اطلع مشرفه على قسم الالعاب يا مستر الاستاذ / العاب ايه ندوشة 2011 / بلاش العاب خليها نكت وفرفشة طيب اصلى فرفوشة فرفوشة خالص فرفوشة اوى الاستاذ / انا تعبت الصبر يا رب منة الله / ولا تحسبن الذين قتلوا في سبيل الله أمواتا بل أحياء عند ربهم يرزقون الاستاذ / ربنا يخليكى يا رب وكمان عيزانى اموت منة الله / انت بتجاهد دلوقتى يا استاذ يعنى لو مت او اتشليت ليك اجر كبير عند ربنا الاستاذ / مت او اتشليت . اسكتى خالص انا فعلا اتشليت منكم انا ماشى يولع الفصل على المدرسة على اللى وظفنى هنا سلاااااااااااااااااااااااااااااااااااااااااااااااا اااااااااااااااااااااااااااااااااااام

[همس الكناريا]

هههههههههه حلقة جميلة بجد
بس الأستاذ طيب أووي ومتساهل
كل ده وصابر...لك الله والله
ده فصل المشاغبين...الله يكون بعونك

بالتوفيق دايما
احترامي
همس الكناريا

[YOo YA]

ههههههه .. حرام عليك ا ميدو
بقا انا نحنوحه
ماشي ا عمو
زحلان والله بقا زحلان
هفضل عند السبورة كتير يعني
انا اعترض
ومعدتش هضحك تاني
اها وع فكرة الصبوره بتاعتك دي بتتكتب بالسين

[شاعر الحب الحزين]

ههههههههههههاي ..والله ضحكتني بجد

والله زمان ع الحاجات الحلوة دي ..بجد الله ينور يا محمود

بس ليه مش باينة ف الصندوق ..لو خليتها ف اليوميات عشان الكل يشوفها

تستحق المتابعة والله يا محمود

منور الدنيا

[ويبقى الأثر]

ههههههههههههههه
وطلعت الشيخه بتاعت الفصل
طب عندى حق ولا لا ماهو ياهيموت ياهيتشل م اللى شايفه
له الله يابنى ههههه
شردتنا
والله جميله محمود تسلم افكارك

[بنت خديجة]

ههههههههه ايه دا
دي مدرسة المشاغبين المتطورة

بجد ضحكتني ربنا يسعدك

وشكراااا لاني في المدرسة هههههههه

[حـيـــــآة ❤]

ههههههههههههه
حلوه الحلقه يا ـ اخي
بس خليها خزعبلات او يوميات عشان تظهر وتاخد حقها
جميله وفكرتها تحفه
دمت في حفظ الله محمود

[ايمان طلعت]

احسن ايه عشان تحرمي تاخدي مكاني
انبي اعمو براحه على نفسك عشان انت هتشوف ايام سوذا مننا

عودة جميله ميدو لمدرسه المشاغبين
تم التثبيت بقي

[BaAnoOta]

يعني آنا اوثق حد منهم

يعني آنت مطلع منة شيخة وبتدي دروس ف التقوى والايمان
طب مآ كنت نسبت الحتة دي ليا ع الاقل كان هيبقا فيه مصداقيه اكتر

ف أنتظار الحلقة الحلقة التانيه بقي ^^
وعآيزة اشوف دم بقي واسلحه و يولود كذا ويا ولود كذا
آنا مش هعرفك يعني دي شغلتك ي كينج

[فارس الكلمة]

ملك جبال الاحزان
حلوة المدرسة بس فين فارس الكلمة
تعرف أن فارس من زمان فى المدرسة
بس يمكن مخدتش بالك
عموما لو عاوز استشارات مدرسية اتصل على فارس فى الحال
كان عندى زمان فصول تقوية وتعليم فن الكتابة والردود
خالص ودى لك ملك جبال الاحزان
ودمت بخير وسلام