بتخيل ليله عرســك..؛:

[حـيـــــآة ❤]

بتخيل ليله عرسك جايه

وشايفه عروستك بين ايديك

تشوفني عروستك تضحك ليا.

وتقولي ان انا اولي منها بيك

واستغرب !

مايمكن كاشفه الحب ف عنيا؟

افتكر ايام كان الشوق ماليني وماليك

افوق والاقي الدبله ف اديها مش ايديا

وهي مش انا اللي هتكون بين ايديك

امشي من المكان ماسكه قلبي بايديا

ودموعي نازله من عنيا!

علي اي كلمه منك هتكون ليها مش ليا

وبتخيل ليله عرسك
جايه

19/8/2016

[شاعر الحب الحزين]

انتي عروسته لو بس ما تتخيليش

انتي دنيته من غيرك ميقدرش يعيش

في الخيال وارد كل احتمال

والحقيقة إنك طيبة منه قريبة زيك مفيش

لو بس ما تتخيليش..لو بس ما تتخيليش


هاجر اخترتي عنوان صعب وكنتي قده واكتر ف التعبير

وقدرتي تعبري بطريقة مختلفة..وكلها صبت ف مصلحة الكلمات والفكرة

لأن الموضوع من الأساس تخيل ..تنحسبلك إنك أديتي الدور بكل براعة

من جمال وروعة احساسك لقيتني بتفاعل تلقائيا مع كلماتك التي لا تجارى

ربي يوفقك ويسعدك هاجر

[SaMa.]

مع انها ممكن تكون روحو وحبيبتو
مع ان انا الل طلب نبعد لما سيبتو
معرفش ليه غيرت عليه كانو خاني
ودموعي نزلت من عنيا غصب عني
ايه ي هاجر. احساسك قتلني

[العاشق الذى لم يتب]

يسلام على الشاعرة المخضرمة هاجر
ايه الجمال ده كله
بقيت شاعرة كبيرة
ماشاءالله عليك
حلوة الكلمات والمعانى
وتسلم الايادى

[حازم34]

مرت عليا والذكري مره وما كنت انا العريس كان هو


بس قدر ومكتوب والقلب بيبقي متاثر


ويعيش حياته في وهم الذكري


صورتي والله الموقف باحساس كبير


ما شاء الله شاعره وكاتبه

والله قلم راقي جميل ربي يسعدك يارب


ولا حرمنا الله تواجدك الراقي

[a7med -3del]

حالة سلاسة خفة وحرف جميلة
عجبتني الحالة دي
وازاي يكون الكلام غير تقليدي
شابوووووووووور بجد

[YOo YA]

جميبه اوي
ومؤلمه اكتر
مين فينا مش بيتخيل الموضوع دا
وينسي نفسه ويبكي
ويخاف اكتر واكتر
كنتي معبره الي ابعد الحدود
تسلمي ي رب
مبدعه بجد

[همس الكناريا]

جميل المعني والإحساس
وتصوير الحالة رغم صعوبتها
إلا إنك أجدتي وصفها

يسلم نبض قلمك حبيبتي
مودتي

همس الكناريا

[ويبقى الأثر]

الله عليكى وعلى احساسك وحرفك حبيبتى
جميله واكتر رغم احساسها الصعب
يدوم وجودك وقلمك غاليتى

[فصيح]

الإحساس صعب أوي
اتخيلت المشهد من احساسك
اسئل الله رب العرش العظيم أن يسعدك
وتفرحي ، كل التقدير
احترامي