أيـــوة بدافــع عنهـــا

[شاعر الحب الحزين]

لو حد اهداكي هدية غالية هتعملي إيه

أكيد هتحافظي عليها طول عمرك

طب لو كانت الهدية تمنها مش بالدهب والجنيه

مش كتير التمن لو كان قصادها عمرك

عارفة الهدية تبقى إيه ؟ عارفة بقولك كده ليه

صعب تفهمي.هتفضلي محتارة ف أمرك



عارفـة اللي انتي بتشتميها

ومش سالمة من لسانك

عارفة إنك بكلامك بتظلميها

تعرفي عملت إيه عشانك

رفضت حبي وشوقي ليهـا

وقالت إن ده هيكون مكانك



أيـــوة بدافــع عنهــــا..واديني بقولها من تانـي

عشان مفيش منهــا..ضحت عشانك وعشاني

هي بالخير دايما بتجيب ف سيرتك

وانتي خلاص هتتجني من كتر غيرتك

يعني لسه بتحبها..ومكانها ف قلبك قبل مكاني

أيوة بحبها ارتحتي.. كنتي عاوزاني اقولها بلساني

بحبها بس مش الحب اللي ف بالك

لإيمتا هتفضلي عايشة ف وهم خيالك

هي اللي اهدتني حبك..لما شافتني حزين وبعاني

حلفتني لأخلي بالي منك..ليه عايزة تكسري حلفاني



حبيتها بيني وبينها يوم

ولما اعترفت بحبي تاني يوم

عرفتني عليكي

وقالتلي مفيش زيها ف كل الكون

قالت كلام عنك

خلتني أحبك خلتني اشتاقلك بجنون

مش عايزك تظلميها

عايزك تفهميها..وساعتها هكون ممنون



شــــــــــــــــــــــــــــــــــ . حــــــــــــــــــــــــــــــــــ

[فداااااااااااء]

القلوب اللى بتضحى بسعادتها لأجل غيرها
هى قلوب عرفت بجد معنى الحب
مشاعر محبة خالية من الأنانية
جميلة كلماتك كما هو متوقع من
قلمك الراقى اخى شاعر
دام نبضك الجميل
لروحك السعادة

[ندوشه 2011]

برافو مش فاهمه حاجه يا بعيد يعني بتكلم عن ورده بعيد عنك فهمي ضعيف. ..فهمي رسمي نظمي

[حـيـــــآة ❤]

جميل الحب الصافي
اللي كله نقاء
جميله كلماتك ياخالد
تسلم
دمت في حفظ الله

[ويبقى الأثر]

واكتر ناس مظلومه هى اللى بتضحى عشان غيرها
وغيرها بيفهمها غلط لان الغيره غطت قلبه وعينه

جميله كتير خالد
جميل قلمك بيناقش مواقف بتحصل بجد فى حياتنا
يدوم تواجدك ويدوم قلمك الجميل

[همس الكناريا]

جميلة الحالة دي جداااا
معرفش ليه حستها وحستني
لدرجة حصلي نغزة في قلبي

شاعرنا الراقي
لقلمك حس جميل وسحر خاص
يجعلنا نقرأ لك في كل مرة بتمعن
لنشعر بالنشوة والسعادة
دمت ودام قلمك يطربنا
احترامي

همس الكناريا

[دمعه حائره]

التضحية فى الحب مش اى حد يقدر عليها
والغريب ان اللى بيضحى بيشوف سعادته فى سعادة حبيبه
تسلم ياخالد ابدعت بفكره جديدة وكلمات جميله

[شاعر الحب الحزين]

اقتباس المشاركة الأصلية كتبت بواسطة فداااااااااااء القلوب اللى بتضحى بسعادتها لأجل غيرها هى قلوب عرفت بجد معنى الحب مشاعر محبة خالية من الأنانية جميلة كلماتك كما هو متوقع من قلمك الراقى اخى شاعر دام نبضك الجميل لروحك السعادة

بيقدموا كل غالي وبيضحوا بالغالي

وف الآخر بيدفعوا التمن غالي

معاكي حق فداااء..بشكرك لصدق ردك

وروعة تفاعلك ..ربي يسلم نبض هالقلب

أسعدتيني بتواجدك الخلوق فداااء

ربنا يوفقك ويسعدك

[شاعر الحب الحزين]

اقتباس المشاركة الأصلية كتبت بواسطة ندوشه 2011 برافو مش فاهمه حاجه يا بعيد يعني بتكلم عن ورده بعيد عنك فهمي ضعيف. ..فهمي رسمي نظمي

ههههههاي..ورده ؟؟ اش دخل ورده ف موضوعنا ههههاي

منورة الدنيا يا ندووشه

[شاعر الحب الحزين]

اقتباس المشاركة الأصلية كتبت بواسطة حيــــــاة ❤ جميل الحب الصافي اللي كله نقاء جميله كلماتك ياخالد تسلم دمت في حفظ الله

الجمال والصفاء والنقاء

كلهم بيتمثلوا بشخصيتك النقية

تسلمي ويسلم نبض قلبك

أسعدتيني برقة حضورك البريء هاجر

ربي يوفقك ويسعدك