ضعف الرجل " نقاش " ..~

[Lamees]

السلام عليكم ورحمة الله وبركاته الموضوع اللي هطرحه النهاردة موضوع شائك شوي فأتمنى يكون النقاش فيه بهدوء دون تحيزات واعذروني اني هتكلم باللغة العامية ربنا لما خلق الست والراجل ميز الرجل بالقوة عن الست ورغم ان في ستات كتيرة قوية وقوية اوي بس ده بيكون من بره بس بس لو دورت جواهم هتلاقيهم هاشين اوي وقابلين للكسر فدايماً بيحتاجوا للأحتواء ومع ان الاحتواء كلمة الراجل مش قادر يستوعبها بس اكيد مهمة اوي للست عكس الراجل هو كمان بيحتاج للاحتواء بس يا ترى عشان هو ضعيف متهيقلي لأ عشان هو بيحب يحس انه شهريار وفي شهرزاد لازم تعمل كل حاجة عشان مش يدبحها والدبح في عصرنا ده مش مع مسرور والسيف بتاعه زي ما عرفنا السيف حالياً انه يعرف ست تانية عليها وتلخبط كيانه وتحوله من شخص عاقل جداً الى شخص اضعف من العيال يعني ممكن يبكي الغريبة بئااا انه بيكون عارف انه بيضحك عليه ورغم كده مكمل ولما تسأله ليه يا ترى مدامتك يعني مقصرة معاك في حاجة يرد بقوة لأ .. والله حاجة غريبة امال ايه ياعم هي فراغة عين وبس يقولك اصل انا مش قادر ابعد انا عايز التانية دي مهما كلفني الامر حتى لو هخسر بيتي طيب انت كده هتظلم بيتك ومراتك واولادك يقولك هما ليهم عندي ايه غير مصاريف لأ بصراحة ونعم الرجولة في ناس هترد عليا وتقولي من حق الراجل يتجوز مرة واتنين وتلاتة اوكى مع احترامي للراجل وحقه الشرعي سمعاً وطاعة اوامر ربنا حط احمر بس من غير ظلم يعني انت مش عندك سبب عشان تتجوز التانية وانت كمان معترف بكده لكن بئااا في اعتراف صغير كده مش بيخرج غير للحبايب انه عايز يطول الست التانية دي مهما كلفه الأمر يعني الموضوع في الأول والآخر رغبة ياااه الراجل ضعيف جداً عشان يهد المعبد بالسهولة دي وعشان ايه سبب تافه جداً من وجهة نظري وكمان هو مش محروم منه ونقاشي هنا هيتضمن الأتي هو الرجل بالضعف ده عشان يجري ورا رغبة بس او انه يجري ورا حاجة اقل بكتير من اللي يملكه يعني بالعربي كده يجري ورا واحدة اقل من مراته في كل حاجة لمجرد انها عرفت تلف دماغه اوي يا ترى ده اسميه ايه ضعف ولا ايه ولا هو الغلط بئااا مرغوب فيه اوي كده ومحدش يقول مراته مقصرة لانه اعترف بأنها مفيش زيها طيب العلة فين فيك انت يا راجل يعني ده ضعف منك مثلاً او فيكي انتي يا ست بتسيبك ومحاولتك اللف على الرجال و لا فيكي انتي يا زوجة بطيبتك الزايدة العيب فين بالظبط بجد مش عارفة شاركوني ..~ تحيتي لكم جميعاً

[Doaa Hammam]

مفيش قاعدة ثابتة وتطبق ع الكل

كل بيت وله ظروفه

أحيانا بيكون الراجل ضعيف بالفعل أمام رغباته ونزواته

وأحيانا بتكون الزوجه هي المسئولة باهمالها لزوجها

وأحيانا بيكونوا الاتنين مسئولين

بس أكيد الخيانة شئ صعب

أنا أفضل المصارحة من كلا الجانبين لحل المشكلة اللي بينهم

[Fatma eissa]

فيه ناس هتقلك
اصلي معشتش
حياتي
اه صحيح كانت معايا تدفعني
وتجاهد معايا
لغتية وصلت
بس عوز اعيش زي منا عاوز
واحس اني لسه بشبابي
وانها تكون مهتمه بيا
اه صحيح هيا ام اولادي
بس مبقتشي تاخد بلها مني
وخصوصا بقي لما يكون معاهم فلوس
شوفي بقا
يروح فيه اي حته
لان الراجل
سعات
يكون ضعيف بكلمه الحلوه
وتاثره
فميصدق
ومراتي موجوده هرجعلها هرجالها
لما يكتشف انه مش هيلاقي زيها
واحيكي علي موضوعك
القيم
تسلم ايدك

[حازم34]

اهلين اهلين اهلين


الاديبه والشاعره والكاتبه الراقيه جدا لميس


نورتي وانرتي فسم النقاش والله


اني اقول علي حسب ما شاهدت ورايت


تعرفي رجاله كتير لو يجوزوا احسن لهم بدل الطريقه ال هما ماشيين بيها بصراحه شئ محزن


اولا ال اقصده رجاله ومعها مال


يقطعون الاميال بحثا عن النساء اللواتي يحققن لهم الرغبات


وهؤلاء رجاله بدهم في نظري الذبح ليس الا


بعضهم نسائه طيبات جدا ومن كل شئ اوتين ولكن هيا الرغبه الفاسده علي كل حال



واجزم ان زوجته تق فيه وهو يتلاعب بها ودا ان لم يتب الي الله نهايته لاتبشر بخير للفساد والافساد


وهناك رجال طيبون ويحبون زوجاتهم وربما امراه تدخل عليهم الاسره وتتعرف الي زوجته


وتعرف ها الرجل وتلف وتدور حوله لتوقعه في مصيده الحب والزواج بشتي الطرق

وهناك مشايخ علم اهم شئ عنده يحقق الشرع مثني وثلاث ورباع

ولهم طلاب علم يقتدون بهم


وهناك رجال يحبون زوجاتهم حتي لو قصرت في شئ ولكنه محب لها ولا يقدم علي شئ


يعكر صفو حياتها


وهناك رجال يتزوجون من انواع الزيجات الحديثه مثل زواج المسيار من اجل التكتم



وحتي لاتعرف زوجته


واني من ناحيه المشكله المعروضه


ما اري الا دناءه نفس لان زوجته باعترافه هو لم تقصر معه في شئ



والضعف الذي يعتريه بمعرفته لغير زوجته والسير وراء رغبته


ولعلنا نلاحظ ان كل ها الاشياء لم تنتشر الا بعد انتشار وتطور وسائل الاتصال


حقيقي امور تحدث كثيرا اني عن نفسي لا اجد لها مبرر


واعرف رجال عندهم نساء جميلات وكل شئ ويبحثون ويمرون


وما هو الا دناءه وخسه وعدم طاعه لله عز وجل


تسلمي يارب ربي يسعدك ويحفظك

[.Lamar]

الموضوع فعلا شائك يا رونى
الرجل عموما بيميل للتعدد
و دى طبيعته
يعنى ممكن يحب اتنين و تلاتة
عنده المقدرة على كدة
و كل الرجال مقتنعين تماما بحقوقهم فى الجواز
مرة تانية وتالتة
حتى لو مفيش سبب يدفعه لكدة
فيه منهم اللى ميقدرش يكررها
و اللى معندوش امكانيات
واللى بيقلق من النكد و المسئولية
لكن بالاخير هى موجودة جواهم
و عشان ما نظلم برضو
هنقول ان فيه بعضهم اوفياء جدا لزوجاتهم
بحيث استحالة يعمل كدة
فكل انسان و طبيعته
لكن الصعب هنا هو
استعداده لهدم بيت و اسرة عشان مجرد نزوة
هيفوق بعدها يلاقى اللى اتكسر
استحالة يتصلح من تانى

تسلمى رونى على الموضوع الهام

[همس الكناريا]

هنا مش هنعمم ...وإن كانت الأغلبية مثلما ذكرتي
والتعدد عند الرجل شيء غريزي
هناك من يبيحه لنفسه بشرع الله..وهناك من يبيحه لنفسه
بأي حجة إن كانت أو أتبرير لأفعاله
وليس الضعف مقتصر علي جميع الرجال..فمنهم من
يستطيع جبح نزواته لعدم هدم بيته وضياع أسرته
ومنهم الضعيف الذي يجري وراءها تاركا وراءه مخلفات
عواقبها ولا يهمه شيء
هنا نقدر نقول لو كل رجل أحتوي زوجته وبيته مش هيفكر
ينظر برة..
وكمان نخلينا مُنصفين إن المرأة عليها عامل كبير
إنها تجعل زوجها أسيرها ولا ينظر لغيرها
ومع كل ده كلمة رجولة لا تنطبق إلا علي الرجل الحق
الذي يحمل كل مقومات الرجولة
ويعي جيدا واجبه وحقوقه نحو أسرته..
وفي الأول والأخير ..من يعرف الله ويقف عند حدوده
وأوامره ونوهييه
نسأل الله أن يصلح جميع بيوت المسلمين

تسلمي حبيبتي
موضوع مفيد وقيم جدا
مودتي

همس الكناريا

[طبيب الهوى]

مقال قيم يا أم أحمد

من وجهة نظري الشخصية

الصدق مع النفس ومصارحة الزوجة أفضل وأقصر طريق

لأن الزوج يُعطيها حق الاختيار بالبقاء معه أو الإنفصال عنه

وللأسف يوجد رِجال لا تملأ أعيُنَهِم سِوىَ التُراب

أما بالنسبة لحق الرجل في الزواج مثنى وثلاث وَرُباع

فهذا الحق مشروط بحالات خاصة وليس حق للجميع

تحياتي لفكرك الراقي

أبو عصام

[SaMa.]

هو صح ضعيف وموش بتملا عينو واحدة بس
محدش يقول موش كلهم لان مشوفناش حد اكتفا
حتا ببنت واحدة انما تلاقيهم فاتحين قلبهم اوتيل
ثانكس لميس

[۩۩ elMagic ۩۩]

دا بقاا يتسمى هبل مش ضعف وشغل مراهقين
لو ربنا كارمك بست صايناك ومربيه اولادك كويس
يبقى عيب انك تقلل منها وتفكر تفتح بيت تانى
وبعدين دا شئ هيسبب ليك تشتت اسري
هو انت عشان تتدلعلك كام شهر تخرب كل البيوت اللى فاتحها !
لازم نفكر كويس ف كل خطوه بنخطيها
الراجل بيتميز عن الست انه بيقدر يوزن الامور بحكم طبيعته ورب الاسره
ولكن دا لو هو فعلا عايز يوزنها
اما بقاا انه يجري ورا اى ست ويبوس رجليها
عشان ترضى بيه وتسمعله كلمتين حلوين
والهري داا كله شغل مراهقين وبيسقط لفظ رجل من جنسه
عشان دي مش رجوله ،، تسلمي روني لطرحك الطيب
ربنا يسعدك

[فصيح]

أولا تحيه لشخصك الكريم
ثانيا في صلب الموضوع هختصر وأقول القاسم مشترك
والمسئوليه على جميع الأطراف الرجل أن قل دينه فهو ريشة في مهب
الشهوات وليس مجرد ضعف بل كما قولت أقل من ريشة تحركها الشهوات
وأما العوب الاخري فهي تتحين الفرص لتعويض نقص وحرمان وربما الظروف وحدها
من جعلتها تتقمص هذا الدور وأحيانا كثيرة ما تكون مسكينه ترضي بفتات رجل من أجل
أحتياج ، أما الزوجه فلربما كان هناك تقصير في جانب ما جعل ما بينها وبين زوجها يسود
من خلاله فتور اتعس العاطفة فكانت الأخرى ازكي ودخل من هذا الباب
لكن زبدة القول الدين ثم الدين منهج حياة وأساس التعاملات
ومن يتقى الله هو بلا شك الفائز الأوحد
شكرا لميس لطرح القيم المميز
خالص تحياتي