الطرحــة (حلمنتيشي)

[شاعر الحب الحزين]

قولوا لعين الشمس ما تحماشي

لأحسن حبيب القلب ما بيستحماشي

بيخاف من الميه..بخيل كتير شوية

ده بيفتح الحنفية شوية شوية يا خراشي

قولوا لعينها ..ده لانزيس ولا عينها

قولولها تعبنا منها..بس انتوا قولولها ماشي



شفت الحلوة قاعدة وسارحة

وعمالة تفكر ف الدنيا الجارحة

قلت بس دواها عندي

رحت رايحلها وجايبلها طرحة

ولقيتهــا طايـرة مـن الفرحـة

قالتلي تعرفني منين

قلت لا معرفش منين

منين يا حلوة وعلى فين رايحة

بقت تغني ميل وحدف منديلو

اللي من شوية كات بتغني مش مسامحة



وف عز ما انا واقف معاها وبتكلم

نافخ نفسي وبتفشخر

لقيت وحدة جاية ووشهـا مبلـم

وعمالة عليـا بتأشــر


فضحتني بنت اللذينه

سيحتلي في المدينة

حراامي سرق طرحتي

وشمتت الدنيا فينــا

وشي بقى قد كده

يادوب قد حبة التينــة

فيه إيه يا ولية مالك

إنتي جاية تتبلي علينا

لا انا شفتك ف عنيا

وانتا بتسرق يا افندينـا

بجد يعني انا شبهه

انتا هتهزر ده انتا شبه امينة



هاتي الطرحة بتاعتي يا بنت

ده انا كنت ناوية اتحجب

التانية تقوللي ما تقول كلمة

وانا واقف حيران متعجب

أيوة الطرحة دي بتاعتها هيا

وانا كنت عليكي بكدب



لقيت الاتنين بيشدوا ف شعري

ولا عارف اهرب منهم ولا أجري

وحدة تقول حرامي..وحدة تقول خداع

عضوني من إيدي ضربوني ف ضهري

بهدلوني بهدلة ما اتبهدلتهاش ف عمري



لو سرقت ما تسرقش طرحة

اسرق طرحتين

هتيجي تعمل خير مع قرعة

وهيضربوك الاتنين


هههههههههههههههههههههاي


شــــــــــــــــــــــــــــــــــــــ . حـــــــــــــــــــــــــــــــــــــ

[حكاية حب]

الله الله عليك يا شاعر
حلمنتيشي كوميدي بلمساتك الرائعه
طيب متزعلش منك حد وهات طرحتين واتجوز الاتنين
بجد روعه عجبني اسلوبك الساخر ده
متابع جديدك دائما ً يا رااائع
مودتي وتقديري

[فصيح]

هههههههه
يخربيت كدا ، شاعرنا الجميل ومتجدد
باسلوبك دايما ، وحلمنتيشي حلمنتيشي يعني
والله عسل تسلم حببنا الغالي
وأسعد الله صباحك كما أسعدتني
خالص ودي وتقديري
احترامي

[Eng Esraa]

هههههههههههههه
ايه ده !
حلو اوي
تسلم
بالتوفيق بقا

[فارس الكلمة]

شاعر الحب الحزين
حلوة الطرحة وجميلة الكلمات
فيها تنسيق فى العبارات
هنا انت سبت إشراف العامية والمنتديات
وكتبت الطرحة نمط جديد وحلمنتيشى جديد
يلا دعواتنا لك بالتوفيق والفوز أكيد
وبالطبع معاك متسابقين حلوين أكيد
أنا معاكوا فى المسابقة الحلمنتيشى
بس قلمى خايف شويتين
عاوز أكتب ومش عارف منين هبدأ
بس الطرحة ولدت لى فكرة جميلة
إنتظر هلمنتيش فارس هيكسر الدنبا
موفق اخى شاعر إن شاء الله
خالص ودى

[دمعه حائره]

هههههه
مالكش حل ياخالد مبدع فى كل حاجه
تسلم

[حـيـــــآة ❤]

هههههههههههههه ياخراشك؟
فظيع بجد
في منتهي الابداع والحلمنتيشيه
موفق خالد
في حفظ الله ورعايته

[ويبقى الأثر]

ههههههههه
انت مشكله ياخالد بتسرق طرحه لواحده قرعه
اهو اتدبست فى اتنين
جميله حروفك كتبر
بالتوفيق يارب

[همس الكناريا]

هههههههههههههه
تحفة شاعرنا والله
يوم ما تحب تهادي تسرق يا راجل هههههههه
وكمان لقرعه والله هلكت ضحك
يسلم قلمك وحرفك
بس هتعلمني الحلمنتيشي ده
بالتوفيق شاعرنا
احترامي

همس الكناريا

[فداااااااااااء]

ههههههه ايه دا والله تضحك اخى شاعر
بتخيل شكلك وهما بيشدو فى شعرك هههههه
كلمات حلوة اوى منك اخى
بالتوفيق لك ان شاء الله