مابلاااااش "مسابقة الحلمنتيشي"

[حـيـــــآة ❤]

بداية احب اشكر الفنان محمد حماقي علي موافقته لي بسرقه لحن واسم اغنيته

مابلاااش

تسأل عني تاااني

ماهو مبقااش

ف الحله محشي تاني

مابلااش

تبين انك اناني.. مابلااش
...

قولي ميين؟

مش راحم التلاجه؟

قولي ميييين؟

مخلص علي كل حاجه!

قولي مييين؟

همه وبس علي بطنه قولي ميين؟
...

الحقيقه ان الحياه ضحكت علينا!

لا البطاطس ولا لاقيه حتي البليله

.....
علي فييين؟

كرشك دا مودينا؟

علي فييين؟

دا جايب آخر مارينا؟

علي فيين؟

ماترحم اهالينا.. علي فييين

...
والتيليفووون

مشغول كل ثانيه

والتلااجه

علطول بس فاضيه

وشكلها من بره زي جوا

قولي ازاااي؟

وزنك زي ماهو؟

قولي ازااي؟

لسه هو هو ..قولي ازااي؟
...
بتطلب اكل من المطعم كل سااعه
انا حسيييت انك سبب المجاعه

طب بلااااش

تسال عني تاني من الاسااس


هههههههه
معلش ياحماقي
..
في امان الله

[ويبقى الأثر]

ههههههههه
بصى هو ازاى سبب المجاعه وهمه فى بطنه وووزنه زى ماهو
يمكن زى القطط بياكل وينكر
عسوله هاجر
ربنا يسعدك يارب
بالتوفيق ياقمرايه

[Eng Esraa]

هو ازاي كده !
ههههههه
جميلة يا هاجر
موفقة يا قمر

[همس الكناريا]

تلاجة وأكل ومحشي أول ما أدخل كده
هو انا غلط في العنوان.،الحمد لله لقينا فطار
لا ماشية معاك يا هجورة
كمان حلمنتيشي....سيدي يا سيدي
بالتوفيق أعم
مودتي

همس الكناريا

[.Lamar]

هههههه
واضح ان عزومة مروة ماثرة فيكى يا جوجو
حماقى لو شاف كلماتك
مش بعيد ينتحر ههههه
بس عسل يا بطتى

[فداااااااااااء]

مفجوع ههههه ايه دا يا بنتى دا يتحبس هههه
حلوة الكلمات هاجر تضحكى يا قمر
بالتوفيق لك عسولتى

[حازم34]

حلوووووووووووووووووووه كتير الحلامنتشايه


حلاوتها زايده حته ناكلوها الساعه سته ونخلص علي الباقي بالثلاجه



ههههههههههههههههههه


والله ضحكتيني كتير مش ممكن قلم جميل والله وفكر جميل



بس خلي بالك لازم نشوف الراجل دا ليه الاكل دا كله وما بيزيد في الوزن



مهم جدا نعرف ايه الحكايه



مش يمكن ما بياكلش بيبلع بلع


ممكن او ممكن خلل في الامتصاص ممكن


يبقي لازم نعمله صوره دم كامله مع تحليل الغدد


ونقفل التلاجه بمفتاحين


نخلي مفتاح معاه ومفتاح نرميه علشان نعرف ونتاكد ان هو بس ال هيفتح التلاجه


رد حلمنتيشي برضك


ربي يسعدك اختي الغاليه يارب ولايحرمنا وجودك الجميل


وتقبلي مروري وردي

[فارس الكلمة]

على فين يا قلم مودينا
عاوز أشوف كل الردود اللى جت هنا
عاوز أرد على حلمنتيشى حياة بس أعمل أيه
القلم جف حبره ,انا أكتب باية
هجيب ريشة ودواية من عند الجيران
بنتهم حبيبتى من زمان
أبوها كان خطاط ورسام
هجيب الريشة وأكتب ردى على حياة
هقول لها حلوة الفكرة وكلماتك المسروقة يا حياة
أنا هتصل على حماقى أبلغ عنك
يمكن يتقبض عليكى وتوسعى لنا المكان
على طول هنزل موضوعى وأكتسح الميدان
خالص ودى لكِ حياة
موضوعك جميل

[Doaa Hammam]

هههههههههههههههههههه كرشك ده مودينا على فين

والله انتي زي العسل .. ضحكت من قلبي

[مارد الغضب]

جميلة الكلمات
و خفة الدم واضحة فيها
رغم اني معرفشي الاغنية
لكن يبدو انك قلدتيها تمام
تحياتي لسموك