ملك جبال الاحزان ف عين الاعضاء .. 3

[Eng Esraa]

صباااح الخير بقا

معادنا انهاردة الحلقة ال 3 من

عضو ف عين الاعضاء ...

مبدايا كده قبل ما ننزل الاراء .. ف يا ميدو انا اكتشفت
ان تقريبا الناس اللي تعرفك هنا اكترهم بنات مش شباب !
و دي حاجة ف حد ذاتها خلت اكتر الاراء من البنات
زالفل اميدو
نبدا بقا .. الاراء اللي وصلت لي



ده كان راي
ايمان طلعت

1 رايك ف تفكيره ؟

ميدو سنه صغير بس دماغه كبيرة وتفكيرة مش متهور

2 رايك ف طريقة كتابته للموضوعات ؟

ميدو مش بيكتب موضوعات كتابيه
لو كتب بيبقي في الخزعبلات وبتكون روعه منه

3 رايك ف شخصيته ؟

شخصيته جميله جدا مرح ودمه خفيف ومحترم
تعامله كويس مع الجميع
اخويا الصغنن بجد

4 حاجة سلبية شوفتها منه ؟

انه خاطب بنتي من سنتين و لسه متجوزهاش لحد دلوقتي ^_^
لا مشوفتش سلبيات فيه ومحدش يقدر يعرفها غير اللي عايشين معاه

5 رايك فيه وقت فترة الاشراف بتاعته ؟

كان مشرف مميز بجد
مجتهد جدا وكان بينزل افكار ويشجع الناس
انا اتعلمت منه السويتش وتعبته كتير وعمره ما مل من حد
وكان اي حاجه يعرفها يديها للناس
قسم السويتش كان حاجه تانيه خالص بيه غير دلوقتي

6 رايك ف تصميماته ؟

استاذ و رئيس قسم ^_^

7 كلمة اخيرة ليه

ميدو..افتقدناك الفترة الكبيرة اللي غبت فيها
و فرصه اقولك سامحني عشان قصرت معاك
و ربنا يوفقك في حياتك و ينورلك طريق مستقبلك اللي لسه مالوش ملامح




و ده كان راي
حيــــــاة ❤

1 رايك ف تفكيره ؟

مختلف

2 رايك ف طريقة كتابته للموضوعات ؟

مختلفه

3 رايك ف شخصيته ؟

كويس ومحترم

4 حاجة سلبية شوفتها منه ؟

لأ مشوفتش

5 رايك فيه وقت فترة الاشراف بتاعته ؟

محضرتهاش

6 رايك ف تصميماته ؟

محضرتلوش

7 كلمة اخيرة ليه ...

ربنا يسعده يارب ويوفقه ف حياته



و ده كان راي
اشرف 2006

1 رايك ف تفكيره ؟

تفكيره معتدل يشوبه بعض المجاملات

2 رايك ف طريقة كتابته للموضوعات ؟

بصراحه مش متابع مواضيعه لانه بيفكرنى بحاجات محزنه كتير عايز أنساها

3 رايك ف شخصيته ؟

على الرغم من انى لم اتعامل معاه شخصيا الا انه من الواضح انه صاحب صاحبه

4 حاجة سلبية شوفتها منه ؟

الحمد لله حتى الان ماشفناش منه حاجه لا حلوه ولا وحشه هههههه

5 رايك فيه وقت فترة الاشراف بتاعته ؟

ماحضرتهاش بصراحه علشان احكم عليها

6 رايك ف تصميماته ؟

مبتكر عنجد

7 كلمة اخيرة ليه ...

ياريت تعود لنشاطك وتبذل مجهود شويه علشان تعود للاشراف
وتظبط الدنيا شويه وربنا يوفقك دائما





و ده كان راي
Lamees

1 رايك ف تفكيره ؟

انسان عاقل ربنا يوفقه

2 رايك ف طريقة كتابته للموضوعات ؟

تقريبا انا فاكرة تصميماته كانت تحفه
بس هو منقطع ليه فترة
بس بشوفه الايام دي
ياريت نشوف ابداعاته

3 رايك ف شخصيته ؟

محترم ربنا معاه

4 حاجة سلبية شوفتها منه ؟

مفيش

5 رايك فيه وقت فترة الاشراف بتاعته ؟

كان مجتهد جدا

6 رايك ف تصميماته ؟

روعة بجد ومميزة وفيها احتراف

7 كلمة اخيرة ليه ...

ياريت نشوف ابداعاتك زي الاول
وتتفاعل في المنتدى




و ده كان راي
حازم34

1 رايك ف تفكيره ؟


والله الاخ ملك جبل الاحزان ما شاء الله له صدي واسع هنا وجميل


وان دل فانما يدل علي جمال فكره وارتباط الاعضاء بيه


بصراحه لي فتره بالمنتدي مش كتيره

ولكن من حب الناس وارتباطهم بيه اقدر اقول انه موهوب فكريا

2 رايك ف طريقة كتابته للموضوعات ؟

طبعا من صفحات مكشوفه نقدر نعرف ان ها القلم فنان فعلا وقادر علي اختيار وكتابه الجميل

وله موضوع مهم في الخزعبلات بيدل علي انه كمان كاتب سيانريو جيد جدا

ما شاء فكر راقي

3 رايك ف شخصيته ؟

من اهتمام الاعضاء بيه اكيد شخصيه حبابه ومحبوبه

وخلوقه طبعا

وانا بالحقيقه اسعدني وجوده وعودته

4 حاجة سلبية شوفتها منه ؟

الحمد لله ما شفت وان شاء الله ما اشوف


5 رايك فيه وقت فترة الاشراف بتاعته ؟

ما كنت موجود للاسف بس اكيد مبدع وفنان هيكون له وجود وثقل جيد


6 رايك ف تصميماته ؟

صفحات مكشوفه بتدل علي انه فنان مبدع


7 كلمة اخيرة ليه .

عن نفسي نورت والله المنتدي وعوده جميله اخي الكريم


حقيقي اسعدني وجود ها الفكر الراقي الجميل


ولا حرمنا الله تواجدك الراقي اخي

شخصيه جميله



و ده كان راي
Aya 7ekaya

1 رايك ف تفكيره ؟

ميدو ده دماغ لوحده والله تحسيه كده ههههه

2 رايك ف طريقة كتابته للموضوعات ؟

بيعجبنى المواضيع الكوميديه بيبدع فيها بصراحه

3 رايك ف شخصيته ؟

شخصيه مرحه
4 حاجة سلبية شوفتها منه ؟

لا ماشوفتش حاجة اتكلم عنها حتى الان
5 رايك فيه وقت فترة الاشراف بتاعته ؟

كان من افضل المشرفين و من بعده القسم اتيتم ي عينى

6 رايك ف تصميماته ؟

مبدع مفيش كلام

7 كلمة اخيرة ليه ...

ربنا يوفقه



و ده كان راي
YOo YA

1 رايك ف تفكيره ؟

ميدو ليه تفكير غريب .. بس مش غلط .. سايب كل الامور ببساطه
ماشيه زي ما هي ودي حاجه مش كلنا بنقدر نعملها

2 رايك ف طريقة كتابته للموضوعات ؟

تفريبا معظم مواظيعه هزار وضحك . بيعرف يدخل البسمه ع القلب
بسرعه حتي لو اللي قدامه ف اسوا حالاته

3 رايك ف شخصيته ؟

طيب وحنين اوووي بس بيحب يتراخم بزياده
من اروع الشخصيات اللي شفتها ف حياتي

4 حاجة سلبية شوفتها منه ؟

العصبيه احيانا .. والهزار ف الوقت الغلط ولو انها بررده حلوة منه

5 رايك فيه وقت فترة الاشراف بتاعته ؟

مش عارفه بصراحه مكنتش باخد بالي
6 رايك ف تصميماته ؟

شفت لبه كذا تصميم حلوين اووي . بس مش كنت متابعه وقتها

7 كلمة اخيرة ليه ...

حبيبي ا عمو وربنا



و ده كان راي
۩۩ elMagic ۩۩

1 رايك ف تفكيره ؟

احبيبي احودا

تفكيره مزيج كدا من الشقاوه وخفة الظل

2 رايك ف طريقة كتابته للموضوعات ؟

شغله منظم ومبيحبش يكروت

3 رايك ف شخصيته ؟

اجتماعيه

4 حاجة سلبية شوفتها منه ؟

كسلان اليومين دول
ومش عايز يصلح جهازه بعد 20 شهر جيش

5 رايك فيه وقت فترة الاشراف بتاعته ؟

محمود المشرف التاني بعدي في الفلاشات
انا كنت بتابع كل شغله لان كانت له طريقة منظمة في العرض
وماقدرش انكر اني استفدت منه كتيير وقتها
ليت ايام الشقاوة تعود يوماً ^^

6 رايك ف تصميماته ؟

ديزاينر محترف

7 كلمة اخيرة ليه ...

ربنا يكرمك ياغالي ف حياتك اللى جايه
وباذن الله تحقق كل اللى بتتمناه



و ده كان راي
دمعة حائرة

1 رايك ف تفكيره ؟

ميدو انسان عاقل وواضح انه متفهم بيبان فى اى نقاش

2 رايك ف طريقة كتابته للموضوعات ؟

مواضيعه جميله ودمه خفيف وخياله واسع

3 رايك ف شخصيته ؟

انسان طيب ومؤدب

4 حاجة سلبية شوفتها منه ؟

لامخدتش بالى بصراحة

5 رايك فيه وقت فترة الاشراف بتاعته ؟

قدم كتير لقسم السويتش دورات وتصاميم

فادتنى وفادت اعضاء كتير وكان القسم نشيط

6 رايك ف تصميماته ؟

تصاميمه كلها تحفه وفيها فن وابداع وبيعمل تصاميم صعبه

وبيختار الصور والميوزك بشكل جميل

7 كلمة اخيرة ليه ...

ربنا يوفقك وحمد لله على السلامة
وان شاء الله الجاى احسن وتكون انسان ناجح فى شغلك وحياتك




و ده كان راي
شاعر الحب الحزين

1 رايك ف تفكيره ؟

تفكيره مايل للكوميديان دايما..هو خفيف ع القلب

2 رايك ف طريقة كتابته للموضوعات ؟

ملوش مواضيع كتير..بس قادر يضحك أي حد

3 رايك ف شخصيته ؟

شخصيته حلوة ..شيخ الشباب

4 حاجة سلبية شوفتها منه ؟

قلة تفاعله وغيابه فترات طويلة

5 رايك فيه وقت فترة الاشراف بتاعته ؟

لما سجلت مكنش ف الاشراف ..او انا مكنتش واخد بالي

6 رايك ف تصميماته ؟

اللي اعرفه إنه استاذ ف التصميمات

7 كلمة اخيرة ليه ...

بتمنى ترجع زي زمان..كنت عامل جو بسمة ف المكان

طبعا بتمنالك كل خير..ربنا يوفقك ويسعدك يا محمود




ده كان راي
Fatma eissa

1 رايك ف تفكيره ؟

كويس ومميز
ويدل علي ثقافته العاليه

2 رايك ف طريقة كتابته للموضوعات ؟

سرد الكلمات ولاحداث سلس وجميل

ويجذب ومميز باشعاره
ومبدع

3 رايك ف شخصيته ؟

شخصيه طيبه ومحبوب لدي
الجميع
وجدع

4 حاجة سلبية شوفتها منه ؟

لا مفيش

5 رايك فيه وقت فترة الاشراف بتاعته ؟

بصراحه ملحقتوش وقت ماكان مشرف
لاني وقت مدخلت مشفتوش
ولم يحالفني الحظ

6 رايك ف تصميماته ؟

بصراحه ماشفتش
او ماخدش بالي من تصميماته
عشان لسه راجع

وغذوبة تحساسه

7 كلمة اخيرة ليه ...

ربنا يوفقك يارب في حيلتك
وتنورنا علي طول
وربنا يسعدك



و دلوقتي بقا جينا لراي انا
هاااححممم
يا رب سامحني ع اللي هقوله ده
الاستاذ ميدو من الناس الطيبة جدااا و من الناس
اللي قلبتها وحشة جدااا
و اعرفه من اول ما جيت هنا للاسف
و شفت ليه تصميمات كتير و للاسف بردوا كانت حلوة
و بم انه مصمم شاطر فانا هخليه يعلمني كل حاجة
بس خلاص كفاية عليك كده هدخل النار بسبب الكدب ده
اها نسيت اقولك .. ربنا يوفقك و نفرح بيك قريب بقا



كده بقا نكون خلصنا الشعر اللي كتبناه ف ميدو
اشوفكوا ع خير

[ملك جبال الاحزان]

اخرابى اجدع على الكلام 🙈🙈

بجد اراء فرحتنى بجد والواحد فعلا نفسه يرجع هنا تانى
ناس كتير اشتقنلهم مش بيدخلوة وناس جديدة
اتمنى يقدرو يعملو الاولفه اللى كانت موجودة هنا
كل واحد كان عابز المكان اللى مسؤال عليه اهم حاجه والاخسن
اتمنى الروح ديه ترجع هنا لان بصراحة مش حاسسها من ساعت ما رجعت المنتدى
كل حد اتكلم عنى حابب اشكره بجد
مع ان كان فى شوية مجاملات شوية بس ميضرش 😹
وخصوصا كتابه الشعر ديه / انا عمرى ما كتبت شعر هنا
انا انسان تافه اساسا 😹😹😹😹
شكرا ليكم بجد وشكرا ايسو على كلامك وادى دقنى لو اتعلمتى حاجه 🎅

[YOo YA]

ع فكره انا نسيت اقول انك ع طول مضلم
ومفيش حد افتقدك كمان
بس لازم اكذب بقا ههههه
وكويس انك عارف انك تافه
واي خودعه بقا
اجري انا قبل م اتضرب ...

[همس الكناريا]

حلقة جميلة كالعادة إسراء
وضيف خفيف الروح والظل
والكل أجمع علي خلقه الطيب
وأثني علي شغلة الجميل
ربنا يوفقك ميدو في حياتك
احترامي

همس الكناريا

[حـيـــــآة ❤]

حلوه انا انسان تافه دي ههههه
محمود من الناس الخلوقه هنا
الله يحفظه
مشكوره سيرو
دمتوا في حفظ الله

[ايمان طلعت]

منور الحلقه احاج ميدو
مشكورة اسراء على الحلقه الجميله دي

[ملك جبال الاحزان]

اقتباس المشاركة الأصلية كتبت بواسطة yoo ya ع فكره انا نسيت اقول انك ع طول مضلم ومفيش حد افتقدك كمان بس لازم اكذب بقا ههههه وكويس انك عارف انك تافه واي خودعه بقا اجري انا قبل م اتضرب ...

اه مضلم خالص 💡💡

يلاه من هنا هنرش ميه 💦💦

[ملك جبال الاحزان]

اقتباس المشاركة الأصلية كتبت بواسطة همس الكناريا حلقة جميلة كالعادة إسراء وضيف خفيف الروح والظل والكل أجمع علي خلقه الطيب وأثني علي شغلة الجميل ربنا يوفقك ميدو في حياتك احترامي همس الكناريا

تسلميلى يا رب وجودك الاجمل
ومتاخديش على كلامهم ولا خلق ولا خفه دم
دول بيجاملو بس 😹😹😹
نورتينى

[ملك جبال الاحزان]

اقتباس المشاركة الأصلية كتبت بواسطة حيــــــاة ❤ حلوه انا انسان تافه دي ههههه محمود من الناس الخلوقه هنا الله يحفظه مشكوره سيرو دمتوا في حفظ الله

وحياتك انتى اتكلمتى هنا اكتروما اتكلمتى فى الاسئله
محضرتوش مشفتوش مدقتهوش ايه هى كانت بتعزمك على اكل 😹😹
على العموم نورتينى بقا 💡

[ملك جبال الاحزان]

اقتباس المشاركة الأصلية كتبت بواسطة ايمان طلعت منور الحلقه احاج ميدو مشكورة اسراء على الحلقه الجميله دي

بنورك وبرأيك الجميل
تسلمبلى احجوجة 😊