الظاهرة الاولى : تغفيل الاعضاء ^_^

[morshooo]

بسم الله الرحمن الرحيم

مزاج الخير

رجعتلكم تانى بـــ

( ظاهرة المنتدى )

طبعا الاغلبيه فاكر التوبيك دا والحمد لله كان بيلاقى

قبول كبير من الاعضاء وكل عضو بيدخل يقول الى عايزة .

ساعات فى اعضاء بتحب زى ما بيقولو ( تغقل الاعضاء ) بمعنى :

انى اجى انزل توبيك فاعمل ايه استخدم خاصيه ( الترقيع )

واحد هيقولى يعنى ايه ( ترقيع ) هقوله

يعنى اجيب سطرين من هنا على سطرين من الجيران على سطرين من توبيك قديم

واجمعهم واعمل بيهم توبيك عبارة عن

( خاطره او قصيدة او توبيك كوميدى ...... الخ )

دا بالنسبالى اسمه ( تغفيل الاعضاء ) .

بالنسبالى الى يعمل كدا .

مايستحقش يكون اى حاجا من الاساس ولازم يخجل من نفسه

لانه مسؤل عن الكلمة اللي بيقولها
فتخيل لو عضو جديد عرف ان حد هنا ( بيرقع )
سواء كان عضو او حتي اداري

هيقول علي المنتدى كله ايه
مع انك ممكن ترفض تعتمدله توبيك لانه بيعمل كدا .

سؤالى ؟

ايه رئيكم فى الاعضاء الى بتغفل الاعضاء وتستخدم خاصيه
( الترقيع ) فى المواضيع ؟
وهل تستحق انها تكون مسؤله فى المنتدى ؟

[شاعر الحب الحزين]

طبعا ما بفضلش ولا بحب حكاية الترقيع دي

مفيش اجمل من إن الواحد يكتب اللي جواه واللي حاسس بيه

تسلم يا مورشو للطرح ..نقطة مهمة جدا

ربي يعطيك العافية يا نجم

[طبيب الهوى]

لِكُل قَلم صَولاتٍ وجولاتْ

يمتازَ بِه الكُتاب والأُدباء

يَصِفَ الحُلمَ وأرَقْ الذِكرياتْ

يَلتَقي بِعُشاقْ التاسِعة مساء

المُناجونَ للقَمَرِ بالأسرارِ والهمَساتْ

وَكَذَلِكَ المُتألمينَ بِفُراقَ الشقاء

القَلَم يَكتُبَ ويَسرِدَ الحكاياتْ

ليُمَتِعَ القاريء بِحروفَ الهِجاء

الجُمَلْ الموسيقية تَعزِفَ النَغَماتْ

تَطرِبَ كُلَ قلوبِ الأحِباء

هذيان قلمي المجنون

تألمتَ كَثيراً حينَ عَلِمْتَ أنَ إبتكارَ الأفكارِ

يتساوىَ مع سِرقَتِها

هيهاتٍ هيهات

أن يُجاري مُقْتَبِسَ الكَلِماتِ قَلَمْ وَفِكرْ صاحِبُها

رسالة للصوص والجُهلاء

للأفكار أجنحة تُحَلِقَ بِها في السماء

تخترق العقول والقلوب بِلا أي نِداء

إن سَرَقَها اللصوصِ وأساءَ لها الجُهلاء

تظل شامِخة محفورة في ذاكرة النُبلاء

هذيان قلمي المجنون

فكرة قيمة يا أبو محمود تستحق المناقشة

تحياتي لشخصك وأسرتك الكريمة

أبو عصام

[ايمان طلعت]

طبعا لا يتساوى سارق الحرف مع كاتبه
لان الكاتب ثري بالافكار
والسارق مفرغ من داخله
و مهما سرق فسيأتي يوم ويقع في مأزق ويظهر كذبه
تحياتي

[حـيـــــآة ❤]

اصلا بيظهر ان العضو دا كاتب من وحي فكره
ولا سرقه..
واكيد هيتعرف ان الحد الفلاني كذا كذا
وهو فعلا معندهمش ضمير خصيصا سرقه مواضيع الاعضاء الاخري
وربنا موجود برده
ي حفظ الله احمد

[ويبقى الأثر]

المشكله دى انتشرت كتير ع فكره
والمشكله الاكبر ان الشخص اللى بيرقع وبيسرق ده
فاكر انه مش معروف للاعضاء وغروره بيقوله وبيهيأله انه كاتب كبير
لكن اجلا او عاجلا بيتعرف
وحتى لو اتعرف مش بيعترف بخطأه
وربنا يهدى


موضوع مهم جدا مورشو

[فداااااااااااء]

هذا أسلوب سيء ومهين للشخص الذى يقوم بالأمر هذا
الأفكار ان سرقت والكلمات وأن نسخت فسيأتى يوم يعجز عن الكتابة
ان وضع فى اختبار مفاجئ
لا أعلم ما الهدف وما هو المكسب من ذلك سوى انه يسرق جهد غيره
بالإضافة انه يهين نفسه التى لا تمتلك تلك الموهبة
أكرم للفرد ألا يكتب نهائيا من أن يسرق ابداع غيره لينسبه لنفسه
وصدقت اخى مورشو حينما قلت انه يقع على ضمير من يفعل ذلك
لكن الواضح انه ليس هناك ضمير
طرح قيم ونقطة هامة أجدت اخى

[مهيب الركن .]

ذكرتنى بمقال كنت قد كتبته فى نفس النقطه
أسمه بين الأبداع ولصوص الأبداع

لم أجد أفضل منه للرد على موضوعك الهام
وسأقتبس بعضه هنا

" الأحساس لا يمتلكه الكثيرون
وفن التعبير عما يجول بخاطر كل منا أمر ليس بالهين
ملكة لا يمتلكها الا القليل
الأمر مرتبط بالثقافه والأطلاع والقراءه الكثيره
وفوق هذا كله
الأحساس الذى ينسج كل تلك المشاعر ويخرج
لنا فى النهايه منتج ابداعى متميز يجذب الأنظار
ولكن للأسف لكل شئ أفه
وأفه الأبداع لصوص الأبداع
نعم هناك لصوص لأى ابداع
عقول مفرغه جوفاء
لا تمتلك اى قدر من الثقافه أو المعرفه
وأسهل شئ لديها هو السطو على اى ابداع
وتحريفه حتى يتم طمس معالمه
ثم نسبه لأنفسهم بكل بجاحه

لصوص الأبداع مهما سرقوا مجهود غيرهم
ونسبوه لأنفسهم للحصول على مدح زائف
سيظلوا أمام أنفسهم يشعروا بضآلة حجمهم
حتى وأن حاولوا جاهدين خداع الجميع
سيظل ضميرهم الذى بح صوته فى ايقاظهم
مما يفعلوه يؤرقهم ويلموهم
ويشعرهم بحجمهم الطبيعى
وصدق القائل
تستطيع خداع كل الناس بعض الوقت
ولكنك لن تستطيع خداع بعض الناس كل الوقت

تسلم اخى الكريم لموضوعك الراقى

[همس الكناريا]

لن أزيد عن الاخوة الافاضل فقد كفو ووفو
فصاحب الكلمة غير سارقها
ان سرق الكلام لن يسرق الاحساس
موضوع قيم
تسلم ايدك
احترامي

همس الكناريا

[دمعه حائره]

بالفعل ظاهره وموجودة من زمان تجميع موضوع مقال او خاطره
تجد جمل مقتبسه داخله وده الهدف منه الوصول لمكاسب
مع انعدام الموهبه لكن الامر ده لايستمر كثيرا وبيعرف بسرعه
ومفروض يتم البحث عن النص من اكتر من جزء فيه
لضمان انه بقلم العضو ولو ثبت انه مقتبس يتحذف
نصيحة للى بيعمل كده اكيد بالقراءة ومحاوله تقويه اللغه وقلمك
هاتقدر تثبت وجودك احسن وتتميز
تسلم مروشو