لحظات

[a7med -3del]

اوقات
ببقي نفسي امسك في اللحظة ومسبهاش
وساعات
بتعدي عليا فترة اقول ياريتني معيشتهاش
اسرح واتخيل حاجات
خلاص بقو زكريات
مرة اضحك مرة ابكي
راضي في كل الحالات

وافتكرت سنين حياتي
اللي انا ضيعتها
اول واحدة سابتني
واللي حتي انا سبتها
ومشاعري اللي خدتني
ومكنش وقتها
علمت وعلمتني
علمت قلبي السكات

ايام وانا بفتكرها
لازم ابكي بعدها
عيشت وعيشت غيرها
لكن فاكرها كلها
مقدرش اقول كارهة
ولا حتي بحبها
في النهاية خلاص عرفت
واكتشفت
ان الحياة لحظات

لحظات
Ahmed adel
22-8-2016

[Lamees]

معاك حق ان الحياة لحظات
عشان كده بتعدي عادي
من غير ما نحسها

كلمات بسيطة احمد
راقتني
تسلم ايديك

[فصيح]

الله عليك يا أحمد
فلسفة واقعية بل هي عين الحقيقة
الحياة مجرد لحظات تمر لتصبح زكريا
نجم أصلي بجد
احترامي وتقديري اكيد

[ويبقى الأثر]

رووووعه يااحمد
حرف ومعنى ولحن
ماشاء الله
يسلم قلمك وفكرك الجميل

[.Lamar]

رحلتنا فى الحياة
ما هى الا لحظات
بيها اللى هنفتكره و نفرح
و بيها اللى هنفتكره و نبكى
علينا نتقبل الاتنين و نعرف
ان لا دى و لا دى بتدوم
الدنيا ما بتفضل على حال

جميل ما جاد به قلمك اخى
تحياتى

[SaMa.]

قولت الل نفسي اقولو
ده فيه ناس بيعتبرو بعض لحظات
ثانكس

[همس الكناريا]

حياتنا كلها لحظات ومواقف
ومبتقفش علي لحظه واحدة

كالعادة شاعرنا
كلمات وحس ومعني
ومضمون وفكرة
يسلم قلمك وفكرك
احترامي

همس الكناريا

[Eng Esraa]

الحياة لحظات .. معاك حق
تسلم احمد لكلماتك

[a7med -3del]

اقتباس المشاركة الأصلية كتبت بواسطة lamees معاك حق ان الحياة لحظات عشان كده بتعدي عادي من غير ما نحسها كلمات بسيطة احمد راقتني تسلم ايديك

يسلم وجودك ردك ومرورك
ويارب عندي دايما اشوفك
تحياتي

[Aya 7ekaya]

الحياه لحظات وتجارب ومواقف
الانسان الايجابى هيتعلم منها ومش هيقف

وفى النهايه مش بيبقى منها غير الذكريات
ابدعت حقيقى
دام نبض قلمك