ال ايه سلو بلدهم كدا --- بالذمه دي معقول

[حازم34]

تحيه طيبه للجميع


في يوم في شهر في سنه

لا مش هغني لا

كان يوم من الايام دعيت في فرح


لبنت طيبه خالص وبصراحه كنت زعلان انها هتخرج

بره الي محافظه تانيه

بس دا نصيب ومكتوب

كان زمان واحده تحكي معي وتقولي

شوف يا واد كل واحده ومكتوب علي جبينها

عريسها ال هيجوزها


قلت لها اه قدر ومكتوب يا حجه


المهم رحنا الفرح وركبت معاهم السيارات

واغاني بقي حلوه كدا تفرح القلب

والعروسه منوره خالص

الظاهر انا حسدتها ههههههه

ولو اني دايما كنت اقول ما شاء الله

يا علا انتي عسل تضحك


المهم وصلنا الي حيث بيت الزوجيه

يا حلووووووووووه

ومين ال واقفه بقي كدا زي قرد قطع


حاجه غربيه ام العريس

وانا شفتها قلت يا ساتر

استر يارب

ال ايه لازم تقف علي باب غرفه العروسه

وترفع رجلها وتحط رجل علي الارض

ورجل علي الباب والعروسه تعدي

من تحت رجلها يا حلوووووووووه

ال يعني ايه

هتكون تحت رجلها بجد

سلو بلدهم كدا سلو زفت بعيد عنكم


سلو بمعني طبع وبالانجليزي يوجوليتي


خلاص فهمنا كدا مش هعيد تاني اكتبوا كويس

المهم يا حضرات

العروسه اتعبلت في الفستان وهي بتوطي

علشان تمر من تحت رجل حماتها البلوي

دي نزلت علي وشها

الدم نزل من مناخيرها والحق يا عم حازم


رحت المهم قلت للعروسه

كنتي شلتي رجلها ورميتها بالارض

احسن من المنظر دا تضحك

وتقولي ليله باينها من اولها

ههههههههههههههههه


والعريس واقف زي العجل مش يقول

لامه ما يصحش

ال ايه سلونا بلدنا كدا


يخربيت دا سلوا

بالذمه دا كلام

ناس لسه عايشه في القرون الوسطي


ال حما ال


ههههههههههه

فتكم بالعافيه

[مهيب الركن .]

المشكله فعلا ان فيه بعض المجتمعات المتخلفه التى تنظر لزوجه
الأبن على انها جاريه تم شرائها
وفى مثل تلك الأماكن التى تتحدث عنها أخى الكريم دا بيبقى
بيت العائله بيبقى ساكن فيه أم العريس و أبوه واللى خلف أبو أبوه
طبعا مطلوب من المسكينه اللى جايه دى انها ترضى الكل

لو الموضوع فيه تراضى ويتم تقديره مفيش مشكله
انما مجرد الظن ان هذا واجب وفرض على العروسه هذا أكبر خطأ
العروسه مسؤل منها زوجها فقط واى مساعدات تقدمها لأهله هى لأرضائه
وليس جبرا وقهرا عليها
والبغل اللى انت بتقول انه واقف يتفرج على مراته وهى بتبهدل البهدله دى
دا مش راجل وواضح انه أمه هى اللى جوزته واشتريتله حتى البدله اللى اتجوز بيها

والله الواحد بيحزن لما يعرف ان لسه فيه ناس متخلفه تحيا بمثل تلك العقول
تسلم لموضوعك الراقى أخى حازم
تقبل تحياتى

[Eng Esraa]

ههههههههه
هو لسه ف حد كده !

[دمعه حائره]

ههههه
اول مره اسمع حكايه كده
ايه فين البلد دى يادكتور
وطبعا البنت متقدرش ترفض هاتبقى ليله طلاقها مش جوازها

[همس الكناريا]

هههههههه الله يعافيك أستاذنا

عادات وتقاليد غريبة
والمشكلة انهم بيتمسكو بيها وهي لا تغني ولا تسمن
من جوع
حموات غريبة صحيح

تسلم استاذنا
احترامي لشخصك الكريم

همس الكناريا

[فصيح]

معقول والله لسه كدا
دى غرائب بجد
تسسلم حببنا
خالص تحياتي

[راجعة لحبيبى]

اظن الدوله هادى
موجوده فى بلاد الوقواق
ههههه
الله يضحك سنك د حازم

[۩۩ elMagic ۩۩]

ماهما الحموات كداا
اما بيتدخلوا ف حاجه بيخربوها
هنقفل عليها باب الحمام في اليوم داا
ومتشوفش بنتها الا بعد شهرين كدا ولا حاجه
ربنا يسعدك استاذنا الفاضل
تسلم للخزعبله بقاا
كل الود ،،

[مارد الغضب]

يخرب عقلك يا دك
و الله اضحكتني بجد
هي دي بقي الكوميديا السوداء
حتي انا متخيل الحما كانت تخينة
زي البرميل ..و يدوب عارفة ترفع رجلها
و و ركها من تحت محصل الارض
يبقي من حق العروسة تقع علي وشها
..
بس بجد بقا
سرو البلد زي العرف بالضبط
لا يمحي الا بالعلم و الاناة و الصبر
فيجب ان يحترم حتي يزول
تحياتي دكتورنا المحترم
بموت في خفة دمك

[حازم34]

اقتباس المشاركة الأصلية كتبت بواسطة مهيب الركن . المشكله فعلا ان فيه بعض المجتمعات المتخلفه التى تنظر لزوجه الأبن على انها جاريه تم شرائها وفى مثل تلك الأماكن التى تتحدث عنها أخى الكريم دا بيبقى بيت العائله بيبقى ساكن فيه أم العريس و أبوه واللى خلف أبو أبوه طبعا مطلوب من المسكينه اللى جايه دى انها ترضى الكل لو الموضوع فيه تراضى ويتم تقديره مفيش مشكله انما مجرد الظن ان هذا واجب وفرض على العروسه هذا أكبر خطأ العروسه مسؤل منها زوجها فقط واى مساعدات تقدمها لأهله هى لأرضائه وليس جبرا وقهرا عليها والبغل اللى انت بتقول انه واقف يتفرج على مراته وهى بتبهدل البهدله دى دا مش راجل وواضح انه أمه هى اللى جوزته واشتريتله حتى البدله اللى اتجوز بيها والله الواحد بيحزن لما يعرف ان لسه فيه ناس متخلفه تحيا بمثل تلك العقول تسلم لموضوعك الراقى أخى حازم تقبل تحياتى

اهلين اهلين اهلين اهلين

كاتبنا وشاعرنا الكبير استاذي اخي مهيب الركن


نورت وانرت اخي الحبيب


نعم اخي ردك مهم وقيم

وهذا ما اردت ان اقوله في كوميديا سوداء لازالت

الي الان في فكر البعض

احسنت الرد اخي

اسعدني مرورك وردك


تسلم والله

لك مني خالص التحيه والتقدير

مرور جميل اعتز به