ماتظلمش حد

[a7med -3del]

متظلمش حد متعرفوش
متقولش ده مبحبهوش
عشان يدوب غلطة
ارجوك متتهمش

واي حاجة تقول خيانة
هو ايه معني الامانة
لو تاخد كلامي لسكة تانية
ومتفهمش

التمسلي اي عذر
لو مرة اتسببت في ضيقتك
لو مني حصلت اي حاجة
وبدون قصد ضايقتك
قول ده يمكن غصب عنه
وفعلا مايقصدش

خلي قلبك كبير
سامح وانسي وعيش
وافتكرلي اي خير
ده الخير مابيتنسيش

ابتسم للدنيا عادي
واحسن ظنك بالناس
ولا تقفل اي باب
للحب والاحساس
عيشها ببساطة هتلاقي راحة
هتنام عينيك في الليل مرتاحة
ده الظلم حاجة متتغفرش




احنا احسن ناس نألف ونعمل افلام
مجرد اغنية مش اكتر
Ahmed adel
23-8-2016

[Aya 7ekaya]

الظلم ظلمات يوم القيامه
ناس كتير اول مرة نشوفها ظنينا فيها ظن سىء وطلعوا حاجة تانيه

العبرة جميله من كلامك
يدوم الابداع

[دمعه حائره]

يسلام عليك وعلى كلامك كله حكم وفيه نغمه
الا الظلم وسوء الظن ده بيخرب علاقات كتير
تسلم يااحمد

[همس الكناريا]

مفيش أجمل من حسن الظن
وعدم الظلم والحكم ع الناس من الظاهر

يسلم قلمك شاعرنا
لكل قصيدة هدف ومضمون
وتوصيل فكرة
تحياتي لفكرك الراقي
احترامي

همس الكناريا

[فصيح]

هنا يا احمد بيت القصيد اقصد اقول
جبت الخلاصه زبدة الكلام يعني
مفيش احسن من حسن الظن وعدم الظلم
برافو يا احمد مضمون ورساله وكلمان جميله
تسلم يا نجم والله

[راجعة لحبيبى]

لازم تلتمسلك العذر
ولازم تسامخك
وكذا يكونون اللحباب
والمسامح كريم
روعه كلماتك
احمد
تسلم
لروحك السعاده

[*فجر الاسلام*]

والمسامح كريم وكبير وقلبه طيب وجميل
واجمل حاجه انك تسامح
تسلم ايدك اخى حلوه اوى

[ويبقى الأثر]

عارف الكلمتين اللى كتبتهم بالاخر دول احلى سطرين
بنعمل زى الاب والام اللى مبيصلوش
ويطلبوا من ولادهم يصلوا
ياريت نبدا بقلبنا ونغفر ونسامح ومنظلمش
انت روعه فى كل كتاباتك احمد
ربنا يديمها عليك نعمه