الظاهرة الثانيه : حظرتونى طيب هدخل باسم بنت ( تغفيل الاعضاء )

[morshooo]

بسم الله الرحمن الرحيم

مزاج الخير

كتير بنشوف اعضاء بتاخد حظر ودا طبيعى

سبب الحظر ايه مايهمنيش فى الحلقه دى بس اكيد هنكلم عنه

فى حلقه تانيه عشان نشوف ياترى الى بياخد حظر بيستحقه والا لا

فى المنتدى هنا بنشوف اعضاء بتاخد حظر وبيكون رد فعلهم بسيط جدا

بيدخل يعمل عضويه جديده باسم ( بنت ) او ( ولد )

ويحاول يغير من اسلوبه فى وسط الاعضاء

لكن مع الوقت بيتعرف لانه لو حاول يغير من اسلوبه يومين تلاته

شهر شهرين لازم يرجع لاسلوبه وكتابته القديمه وانا عن نفسى

بستغرب لما بلاقى عضويه جديده وتعملها فى اليوم ( 200 والا 300 ) مشاركه

ماهو بالعقل مفيش عضوة جديده فجأة كدا هتعشقك المنتدى وهتهتم انها تعمل فى اليوم

عدد المشاركات دى كلها الا لو كان العضو دا او العضوة دى عارفه كويس المنتدى

وفاهمه ايه يترد عليه وايه لا

سؤالى :

ايه رئيكم فى الاعضاء دى وياترى لما تتعرف لازم الادارة تقف ضدها وتعرفها ؟
والا شايفينه تصرف طبيعى انه يدخل بعضويه تانيه والادارة تسيبها ؟

[مهيب الركن .]

بس انت نسيت نقطه يا نجم

اللى بيعمل عضويه بنت مبيكونش السبب الرئيسى لكده انه اتعرض للحظر
هناك أسباب أخرى

على سبيل المثال
ممكن عضو يلجأ لهذا الأمر انه يعمل عضوية بنت الى جانب عضويته الأصليه
ويفضل يحب ويتغزل فى روحه بالعضويه دى قال يعنى الواد فتنته مقطعه بعضها
وعشان يجذب الأنتباه ليه
وده برضه كشفه سهل جدا
لأن العضو اللى بيعمل كده بتلاقيه لازق فى كل ملفات العضوات ويجى على العضويه
الوهميه دى والتقل يشتغل لأنه لو اتجاوب معاها كده هيطفش الكل منه
ومش هيستفيد حاجه هو عامل العضويه الوهميه دى لجذب الأنتباه ليه ان هناك بالفعل من
يحبه زى فيلم أشاعة حب كده وتلاقى العضويه الوهميه دى اللى هو عملها لنفسه
يا كبدى هتموت نفسها عشانه وهو ولا همه

وهناك أيضا سبب أخر وهو التودد للعضوات وكسب ثقتهم بعضوية البنت دى ويعرف حسابات
الفيس بتاعتهم بيها ويعرف أسرارهم وكل ده على أساس انه بنت

وأنا رأيي الشخصى ان أى حد يلجأ لمثل تلك الأساليب دا مش راجل
وهو بيبقى عارف كده وعشان كده بيلجأ انه يعمل نفسه ست
لأنه بيبقى شايف نفسه لايق فى دور الست عن دور الراجل أكتر
وبيبقى انسان مريض فاكر اما يعمل عضويه بنت قال يعنى كده الواد ذكى
ودا مش زكاء دا احساس طبيعى عنده بنوعه الحقيقى اللى المفروض كان يبقى عليه
والمشكله للعمليه تكبر فى دماغه ويكمل حياته فى الحقيقه على كده
دى تبقى كارثه وخصوصا فى الأيام السودا دى اللى الشباب فيها مش عارف يتجوز هههههه

موضوعك قيم وهادف يا نجم
تقبل تحياتى

[حـيـــــآة ❤]

بصراحه جديد عليا الموضوع دا
متوقعش في كدا

[Eng Esraa]

مش كل العضويات الجديدة اللي بتشارك بعدد مشاركات كبير
ف اليوم بيبقوا كده ! .. لا خالص مش كده
و اكيد لو حد عمل كده مع ان اعتقد انه مش عادي شويية
بس اكيد هيتعرف و لازم هياخد بلوك تاني لما الادارة تعرفه :d
تسلم لموضوعك احمد

[Doaa Hammam]

الادارة تعمله بلوك فوراااا اذا تأكدت انه كذاب

لان ببساطة المبادئ لا تتجزأ

لو الانسان بيكدب يبقى لا ثقة ولا أمان له

[همس الكناريا]

التعميم هنا أكيد مش وارد
ومش للازم عضوية جديدة عشان بتشارك بعدد كبير من المواضيع
تكون كده
لان ممكن يكون مشاركات العضوية لفتح إمتياازات ليها
وأظن أي حد من اللي بتكلم عنه وعمل كده فأكيد ده مش راجل ونقص في عقله
وأنا بأيد راي أخي مهيب

تسلم لموضوعك الهادف
احترامي

همس الكناريا

[حازم34]

ما شاء الله علي فكرك اخي احمد


حقيقي كتير قيم


بس سبحان الله هل يصل الحد ببعض الناس ان يقوموا بهذا


ممكن اه علي برامج التواصل او الشات يعملوا كدا


ودا طبعا مرفوض قولا واحدا واظنه وعلميا ممكن يكون عنده نقص بالرجوله


وممكن يميل للانوثه


او انه يعمله كصياد محترف وهو من اسوا واردي الانواع


ولكن ليس شرطا ان تكون كثره المشاركات دليل علي عضو قديم جاء باسم جديد


لانه هيتعرف من اول ما يكتب


والاداره لو علمت بالامر قولان


لو كان عضوا وتم حظره ودخل بعضويه جديده فالاداره تري في امره ما تراه


لو كان فعلا صادق النيه ولم يحدث اي بلبله او مشكله فالامر عادي





اما في حاله مخالفه النوع في العضويه


حظر وحظر وحظر


تسلم والله اخي الكريم علي الفكر

[SaMa.]

يخربيتو ويعمل كدة ليه ده معندوش ضمير
الل يعرف حد كدة يبلغ الادارة ولازم يتحظر
موضوعك خطير لازم نخلي بالنا ثانكس

[راجعة لحبيبى]

كلام حلو ي احمد
انامن
اشوف الموضوع مو مقصورعلى الشاب
وكمان فيه بنات مسجله بنيم شباب
ونفس اللى يسوونه الشباب تسوييه البنت
واسمخولى اوجه اللوم المباشر على الاداره
لازم تقوم بحظر اى عضويه سواء بنت اوشاب
وهم يعرفون ان العضويه مغشوشه
وهنا وفى هدا التوبيك
عضو مسجل بعضويه بنت
وهو عارف نفسه كويس
وكم من ناصح وهو زعيم المفسدين
مشكور احمد

[دمعه حائره]

لو فعلا فيه تصرف كده يبقا حاجه مؤسفه
ولازم التحرى كويس فى الموضوع ده
ولو ثبت فعلا يبقى الحظر واجب
لتقويم مثل هؤلاء اشخاص
مش عارفه ليه افتكرت فيلم الانسه حنفى دلوقت