حكاية حبك

دمعه حائره · منذ /08-24-2016, 09:57 PM

عايش جمبى او مش معايا

حبك فى قلبى ده مالوش نهاية

يالى معنى الحب هو كلمة منك

وبتمنى اعيش بقيت عمرى جمبك

ده انا عمرى ابتدى ساعة ماشوفتك

والفرحة اللى كنت بتمناها لقيتها فى قربك

كل الحكايات فى الحب دى تسوى ايه

جمب حكاية حبك

ده القلب اللى بيهواك انا منك وانت منه

والعمر اللى جاى معاك خد نصه وانا نصه

أنا لوحاولت انساك طب مين من بعدك احسه

ده انت اللى فات واللى الجاى

ده أنت معنى الحب نفسه

وياك كل الاحلام الجميلة هاتتحقق

طمن قلبك واحساسك خليه يصدق

بعد حبك مين هايملى مكانك فى قلبى تانى

ده انت اللى ساكن روحى وشاغلى بالى

ولوكنوز الدنيا معايا عيونك هى اللى بقيالى

انت الفرحة اللى كنت بتمناها

وايامى معاك مستحيل انساها

حكاية حبك احلى حب انا عايشه فيه

وانت معايا انا عاوزة من الدنيا تانى ايه

mena_hassan
24-8-2016

همس الكناريا · منذ /08-24-2016, 10:31 PM

الله الله ع الجمال

جميلة اووي حبيبني
وكلمات سلسة بانسيابية جميلة
يسلم قلمك وإحساسك
مودتي

همس الكناريا

حكاية حب · منذ /08-24-2016, 10:34 PM

حكاية حبك اجمل حكايه

لكل حرف تحيه

تحلي معاكي الروايه

قولي كمان واحكي

معاكي من البدايه للنهايه

رائعه دوما يا دمعه

لروحك السعاده

Aya 7ekaya · منذ /08-24-2016, 11:01 PM

تحسى الكلام بيتقرأ لوحده من الجمال

روعه ي منه ف كل حاجة بتكتبيها
تسلم ايدك حبيبتى

شاعر الحب الحزين · منذ /08-25-2016, 12:54 AM

احلى حكاية فعلا

اجمل حاجة في الحب الإكتفاء بالشخص اللي بنحبه

وكلامك اجمل واجمل منة..إحساسك عالي ف الكتابة عن الحب

ابدعتي واطربتينا بكلامك ومعانيه الجميلة

ربنا يوفقك ويسعدك منة

.Lamar · منذ /08-25-2016, 01:15 AM

وانت معايا انا عاوزة من الدنيا تانى ايه

اه و الله يا منون
الجملة دى حسيتها اوى
جميلة الخاطرة اوى
تسلمى يا جميلة

*فجر الاسلام* · منذ /08-25-2016, 07:57 AM

جميله حبيبتى ربى يسعدك
تسلم ايدك
تحياتى

فصيح · منذ /08-25-2016, 08:37 AM

حكاية حب لكن جميله
بعشها معاك في كل ليله
ولو بعدت بينا الخطاوي
لسه الحكاية بينا طويله

ورائع الكلام والاحساس والمشاعر ، برافو
ابداع بتبعه اخر وهكذا أنتي دايما
يصاحبك الابداع اينما حللتي
خالص ودي وتقديري

راجعة لحبيبى · منذ /08-25-2016, 02:46 PM

الله على كذا
والله ع احلى حكايه حب
احب اشوفلك خواطر رومنسيه
حبيبتى منه
انت تكتبين وترجمين عن المشاعروالعواطف
كلام واحاسيس طالعه من القلب موبس
تعرفين تكتبين جميل من قلمك
ربى يسعدك بهالمحبوب
لروحك السعاده

ويبقى الأثر · منذ /08-25-2016, 05:45 PM

الله يامنه ع الحرف والاحساس والمعنى واللحن
جميله جدا حبيبتى
ربنا يسعد قلبك
ويديم تواجدك الجميل وقلمك الاجمل

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
حكاية التفاحة .. حكاية تستحق القراءة	تناهيد الهوي	مواضيع عامة - ثقافة عامة	10	11-02-2022 11:45 PM
حكاية حب	شاعر الإحساس	منتدي ابداعات الاعضاء الادبية	29	03-18-2014 02:17 PM
حكاية حب	زيزى المسلمة	قصص - روايات - حكايات ...منقولة	4	05-07-2012 08:36 PM
حكاية قلب	جـــــراح المشــاعر	قسم الخواطر - وهمس القوافى حصرى بقلم الأعضاء	11	06-11-2011 07:53 PM

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

حكاية حبك

ابداعات الاعضاء العامية