تربيه الولد .. مشكلتے۔۔ 1

[YOo YA]

السلام عليكم و رحمة الله و بركاته
دي عضوة بعتتلي مشكلتها
ويارب نقر نفيد
مش هطول ..
..

مشكلتي و باختصار كيفية تربيه الولد
بمعني
عندي ولد وليه اخوات بنات
متربي فالبيت معاهم ومكنتش انزله ابدا يلعب في الشارع زي الولاد
فطلع الي حد كبير منطوي ومبيعرفش يعمل علاقات صداقه

فهل غلط اني قفلت عليه واتربي في البيت مع بنات
ولا كنت اسيبه ينزل الشارع ويختلط مع الولاد ويلعب معاهم ويتعلم الفاظ وافعال مش كويسة
و معنديش الوقت اللي اوديه نادي مثلا عشان يختلط بالولاد اللي في سنه وفي نفس الوقت اكون معاه اراقبه

ايه الحل افيدوني

[حـيـــــآة ❤]

التعليم ف الصغر كالنقش ع الحجر
فهيكون الموضوع صعب حاليا
لانه المفروض من البدايه الطفل يتعود، ع شئ
هيمشي عليها طول حياته..
..
فا المفروض تربيه الذكر تختلف عن الانثي
هي ممكن صعبه شويه والله
بس الذكر بطبيعته مهما كان انطوائي ومهما وصل سنه
لو خطيتيه ف وسط شباب عهيقدر يتعامل
عكس الانثي
فامش عارفه والله
حاولي تنصحيه وتقربيه من.. مثلا قرايبه
عشان ياخد علي الجو ويصير اجتماعي
فابالتالي هيطبق دا علي الغريب
...
مجهود جميل ياقلبي
ربنا يصلح الحال يارب
دمتما بحفظ الله

[.Lamar]

بصى لو سنه صغير
سهل ان طباعه تتغير شوى شوى
غلط انها تحصر حياته مع اخواته البنات
لانه محتاج ولاد زيه
تحاول تزور حدا من قرايبها عنده ولاد
تشترك له فى رياضة يمارسها
ومو شرط نادى
الحين بتتعمل فى الفترة الصيفية
تبع المدارس
المهم تخرجه من الجو دة
و تحاول

مشكورة يوشا
و متابعة معاكى

[الاسواني محمد]

هذه بعض النصائح ممكن تفيد
دعائنا له ان يهديه ويشرح الله له صدره
وللسيده والدته ان يلهمها الله الصبر
ويقويها ويحُسن الله آجرها

اجعلي ابنك يشعر بأنه أصبح رجلاً وأنكم تحتاجون لمساعدته وأنه فرد مهم في المنزل.

صادقي ابنك منذ الصغر يصادقك ويحكي لك أسراره عند الكبر.

إذا غلط ابنك فوجهيه في الطريق الصحيح ولا تسبيه.

إذا رأيت ابنك في حالة غير طبيعية فاعرفي السبب
ولكن بالحيلة والذكاء وإذا صعب الأمر فاسأليه بكل لطف.

لا تكوني عصبية مع ابنك، بل وضحي له خطأه من تعبيرات وجهك،
وتذكري أن الطفل يقرأ حركاتك وسكناتك.

اتركي له الحرية في اختيار ما يشاء من الثياب.

تذكري أن الطفل ذكي جداً، وحساس.

لا تكذبي على طفلك حتى ترضيه؛
فإنك بذلك تجعلينه يكذب عليك حتى يرضيك، وبالتالي تصبح من صفاته الكذب.

وضحي حالتكم المالية لأبنائك بكل لطف.

اجعلي ابنك ينتقي أصدقائه، ولكن راقبيه دون أن يشعر،
ولو استدعى الأمر تعرّفي بأهل أصدقائه وزوريهم في المناسبات.

إذا تحدث ابنك معك فاصغي لحديثه وتحدثي معه بمنطق.

لا تقومي بعمل كل شيء لابنك بل اجعليه يقوم ببعض الأعمال.

إذا رسب ابنك في الامتحان لا توبخيه،
بل كوني معه وابحثي عن نقاط ضعفه في بعض المواد وعالجي هذه الأسباب.


إذا كره ابنك المدرسة فاعرفي السبب،
وإذا لم تعرفي منه فاذهبي للمدرسة واسألي عن أحواله.


علمي أبنك أن يحدد وقتا للمذاكرة
وهيئي له المكان المناسب وساعديه في بعض
المواد إذا استدعى الأمر.

[حازم34]

المشكله ان طول وقته يتعامل مع البنات ودا شئ مش كويس عليه نهائي لابد ان تنتبه الي ها النقطه


ثانيا -- لما يروح الكجي ون او تو هيختلف التعالمل ان شاء الله


ثالثا لابد ان تجعل والده ياخذه معه الي المسجد والي ان يلتقي مع اطفال في سنه


رابعا -- الدعاء له وتعوده علي القران وسماعه مهم جدا له


اسال الله ان يحفظه ويرعاه واخواته البنات اااااااااااااااامين


ومشكوره كتير الاخت يويوا علي عرض المشكله المهمه

[BaAnoOta]

فعلآآ دي مشكلة وحلهـآ بيبقا صعب شووية ..

نصيحتي ليهآ بقي انها تحآول قدر الامكان تفصلو عن آخواتة البنات شوية
وتحآول كمان تخليه يختلط باولاد ف سـ‘نه اكتر وخصوصا ف سن صغير
لأن لو كبر ف حالة الانطوائية دي للأسف هيبقا صعب جدا حلها
ولو المشكله آتعقدت اكتر من كده انا أعرف ناس لجآت لطب نفسي اطفال جربي معاه الاول
ولو متجآوبش مقدامكيش غير الحل ده ..
أن شاء الله مشكلتك تتحل حبيبتي

وجميل التوبيك يا يويو وفكرتة روعةة
تسلم ايدك ^^

[مهيب الركن .]

اولا أختى الكريمه كان لازم تحددى فى الموضوع سن الولد حاليا
وهل هناك مشكلات حاليا يمر بها الولد نتيجة هذه التربيه الأنطوائيه أم لا

عموما كل مرحله وليها ظروفها

فى كل الأحوال أختى الكريمه مستحيل مهما زاد حذر الوالدين على أبنائهم
ان يستمر طويلا
لابد أن تأتى مرحلة التمرد
ولذلك لابد من تدريب الولد على اعتماده على نفسه وتكوين شخصيه
مستقله له وكذلك عمل كيان مستقل له بعيدا عن اخواته البنات
فيجب عدم نهره أو عقابه أمامهم بل يجب تكوين شخصيته وغرس الثقه داخله
وانتى اختى الكريمه فى وقت فراغك لازم تخديه فى أى أماكن عامه وممارسه
اى العاب جماعيه انتى او خاله او اى قريب بتثقوا فيه
الموضوع سيتم حله تدريجيا
ولكن حذارى من ترك الحبل له على الغارب بعد مرحلة الأنطواء
لأنه لا يعلم بعد الخطأ من الصواب
مهما تم تلقينه
فخارج البيت وما يحدث فيه يختلف تماما عما قيل داخل البيت
لابد من مراقبته بمنتهى الحرص وانتقاء اصحابه بعنايه

أسأل الله لكى أختى الكريمه ان يوفقك فى هذه المسؤليه

[SaMa.]

غلط الشارع
اشتركي. ف لعبه ف النادي ولازم تفضي نفسك ليه
لحسن هيفصل يبقا زي البنات