متزعليش .....

[فصيح]

متزعليش

لما أداري حنيني

وأمنع الشوق

يقرب عن طريقي

رغم صوته

وحرقته في أنيني

وإنك تنادي

فتلاقي السكوت دليلي

متزعليش

لنا تقلان ولا متغير

ولا ضارب بوز ومحِير

أصل الحكاية إني بغير

من نظرة عين تُبصلِّك

تلاقي شراري يِكهرّب

يتنفض ويقيد

متزعليش

وادي حُضني مفتوح يُضمك

يبقي كفاية دموع

متعيطيش

وإن كان على حبي

..... بحبك

وإن كان على تقل دمي

عارف .. عارف متكمليش

متزعليش



فصيح

[.Lamar]

الغيرة مرة اخى فصيح

يمكن تخلينا بغاية القسوة مع من نحب

كلماتك جميلة وعفوية

سلمت يمينك

تحياتى

[a7med -3del]

قفلتها قفلة عالمية يافصيح بجد
برافو عليك
بداية جامدة
قفلة روعة
والمحتوي جميل بس مش بقوة القفلة
لكنه جامد اخر اربعين حاجو
تحياتي

[ويبقى الأثر]

ايه الجمال ده والاحساس ده
حروفك بتنطق بالابداع سيف
ماشاءالله عليك
ربنا يحميك

[جبل عالي]

عاميه بروح خفيفة ومنتهى السلاسة ماشاءالله
صورت موقف كامل حتى الحوار الداير فيه
تسلم ايدك فعلا ع هذا الابداع
من بدايتها لنهايتها
تحيتي وتقديري

[بنت خديجة]

جميلة وخفيفة وفيها رسالة جميلة
تسلم عليها

[حكاية حب]

جميله يا فصيح

خفيفه سلسه تلامس القلب

والنهايه كانت بشكل فوق الممتاز

لروحك السعاده

[ندوشه 2011]

متعيطيش ومتزعليش ناقص عبله كامل ونقفل الفيلم

[*فجر الاسلام*]

حلوه اوى والاحلى اخرها عجبتنى جدا
تسلم ايدك ويدوم ابداع يا مبدع
تحياتى

[مارد الغضب]

انت فعلا دمك تقيل
طيب ..خليها طويلة شوية
تحياتي يا فظيح
ايه رايك بقي في فظيح دي
تحياتي