تخيلي

a7med -3del · منذ /08-25-2016, 09:42 PM

تخيلي

اني روحت بعيد ليالي
وغيبت عنك
وبعد فترة رجعت تاني
اترجي قلبك
ايه اللي ممكن تعمليه
وكلامي ده هتصدقيه
بامارة ايه
اوصفيلي ساعتها حالك
وايه هيبقي رد فعلك
وتخيلي
انا مش هانطق بكلمة
وسايبلك الموضوع
تفتكري يعني ينفع
تاني بنا رجوع
هتصدقيني
بعد ماهانت سنيني
هتشوفيني
زي ماشيفاكي عيني
ولا برضه هتسيبيني

لو جت عينك في عيني
زي زمان هيدق قلبك
ايه الشعور اللي يداويني
مش كفاية اقول بحبك

تخيلي
ايه الكلام ... اللي ممكن يشفعلك
ايه الحاجة ..اللي هتخليني ارجعلك
طب لو شوفتي فيا دموع
عليا ممكن تسألي
حطي نفسك مكاني
ارجوكي تخيلي
ولو ترضيها علي نفسك
انا كمان راضي
لو انتي فعلا تقبلي
غيبي.. بس
تخيلي

بعد الاغنية دي اتوقع غياب معتاد
بدون اسباب علي امل برجوع قوي
يليق باجمل اعضاء
الف تحية
Ahmed adel
25-8-2016

.Lamar · منذ /08-25-2016, 09:50 PM

المشكل دايما ان ما فيه حدا بيحط نفسه مكان الاخر

والا كانت كل الدنيا انصلح حالها

كلمات جميلة اخى

تحياتى

ويبقى الأثر · منذ /08-25-2016, 09:50 PM

الله الله
جمييييله كنت بغنيها وانابقراها

بس ليه بقا غيابك احمد
ان شالله خير

فصيح · منذ /08-25-2016, 09:57 PM

أستاذ يا بني والله
وتخيلي ليكون الواقع امام العين شاهد
ودليل ع التقصير والتبادل للأدوار تأكيد للوم
رائع بكل ما تحمل أبو سيلا
بس مينفعش النجم يغيب
اتمني يكون خير
خالص ودي وتقديري

جبل عالي · منذ /08-25-2016, 10:02 PM

تخيل انت ...اني وانا باقراها مكنتش مستغرباها
او اني اول مرة اشوفها او اقراها
حاجه كده عاملة زي ميكون انا اللي كتباها ..

ع فكرة .انا بتكلم جد فعلا

انت برنس العامية يااحمد
ربي يوفقك ويحفظك دايما
تحيتي وكل تقديري

ندوشه 2011 · منذ /08-26-2016, 12:02 AM

وماله ياخويه ابدؤا صفحه جديده وانسو اللي فات وهات عمك تامر حسني يغني ارجعلي انا قلبي معاك مش قادر أنسى هواك حبيبي يا احلى ملاك يا روح الروح ههههههه بعيد عنك غلسه

د/ عبد الله · منذ /08-26-2016, 01:06 AM

جميلة الكلمات والفكرة
أحييك يا نجم والله
بالتوفيق دايما يا غالي

حـيـــــآة ❤ · منذ /08-26-2016, 01:15 AM

تخيل؟
انت تغيب
مين هيمتعنا بعذب حروفه
تحياتي لشخصك وقبلها احترامي
في حفظ الله اخ احمد

a7med -3del · منذ /08-26-2016, 01:29 AM

اقتباس

المشاركة الأصلية كتبت بواسطة د/ عبد اللَّه


	جميلة الكلمات والفكرة أحييك يا نجم والله بالتوفيق دايما يا غالي

احترامي للجميع حياة فصيح حبيبي جبل طبعااااا
كل الموجودين هنا تحديدا ناس قريبة لقلبي
وعشان يبقي ختامه مسك
انا كاهز ياعبدالله
اتواصل معايا
ونكتب حاجة انا وانت اخيرة يشرفني
وزي ماقولتلك علي الخاص
منتظرك

*فجر الاسلام* · منذ /08-26-2016, 08:36 AM

وكل مره مابعرفش اوصف حروفك دى لان من جمالها صعب تتوصف
ودايما مواضيعك مختلفه وحلوه تسلم ايدك
وترجع بالسلامه ماتطول يا شاعرنا

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
طرق تحضير مقادير عمل كيك بجيلى التوت , طريقة تحضير كيك بجيلى التوت	ŖỐốỒЗђ	قسم الحلويات	1	09-20-2013 02:10 AM
تخيلي ,,,,,, بس تخيلي	أجمل سعوديه	فضفضة الأعضاء	5	06-17-2012 03:20 PM
تخيلي	سعووديه وافتخر	مواضيع عامة - ثقافة عامة	0	06-26-2010 06:51 AM
لا تخجلي	عاشق ولهان	قسم الخواطر - وهمس القوافى حصرى بقلم الأعضاء	34	03-28-2010 09:42 PM
تخيل / تخيلي ..........	Gaмε ôvεя	منتدى الاسلاميات والقرأن الكريم	1	05-25-2009 04:10 AM

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

تخيلي

ابداعات الاعضاء العامية