مكرونة بالخضار

[انجي_1]

المقادير:

كيس مكرونة
1\2 بصلة حمرا، متقطعة شرايح
2 جزرة متوسطة، متقطعة شرايح رفيعة وصغيرة
1 طماطم صغيرة متقطعة أنصاص
1 كوسة متوسطة الحجم، متقطعة شرايح رفيعة
1\2 كيلو بتنجان، مش متقشر، ومتقطع مكعبات
1\4 ملعقة صغيرة ملح
2 1\2 ملعقة كبيرة أوراق زعتر فريش
3 فص توم، مفروم
2 ملعقة كبيرة عصير ليمون
3 ملعقة خل بلسمي
1\2 ملعقة صغيرة فلفل أحمر (حسب الطلب)

طريقة التحضير:

1- اسلقي المكرونة بالطرق العادية وصفيها وحطيها فى الوعاء تاني
2- سخني الفرن على درجة حرارة 200 مئوية وهاتي 2 صاجة فرن
3- فى وعاء غويط حطي الفلفل، البصل، الجزر، الطماطم، الكوسة، البتنجان، والملح. اخلطيهم على بعض. افرديهم على صاجات الفرن وحطيهم فى الفرن بعد كدة.
4- سيبيهم فى الفرن لمدة 20 دقيقة، وطليعهم، زودي الزعتر، التوم، وعصير الليمون، قلبيهم كويس، وحطيهم تاني فى الفرن لحد ما لون الخضار يبتدي يكون بني، سيبيها بعد كدة 15 دقيقة زيادة.
5- حطي الخضار المتحمص فى الفرن على المكرونة، زودي الخل البلسمي، الفلفل الأحمر، الملح والفلفل الأسود (حسب ما تحبي)، وقلبيهم
6-حطي توم، خل، عصير ليمون، وزعتر.ممكن كمان تزودي جرجير أو سبانخ تحت المكرونة لو عايزة فيها خضار أكتر واعصري عليهم شوية ليمون
7- قدميها وهى سخنة
.
.
.

[Aya 7ekaya]

تسلمى ع الوصفه الحلوة انجى

[El_Magic]

شكلها حلو اوى

تسلمى

[اسلام طارق]

شكرا على الموضوع

[انجي_1]

شكرا لمروركم ..

[حنان الروح]

يسلموو يديك
على هذه الوصفه الشهية
في انتظار جديدك الأروع
بارك الله فيكي
لكي مني أجمل تحية
لهذا التميز والإبداع

[انجي_1]

شكرا لمروركم ..

[حـيـــــآة ❤]

تسلم ايدك حبيبتي

[انجي_1]

شكرا ليكم على المرور ..