فى ضيافة اعضاء زمان(جبل عالى)

[دمعه حائره]

أهلا وسهلا بأعضاء منتدانا الغالى وأول حلقة من برنامج فى ضيافة أعضاء زمان ومعانا النهاردة عضوة مبدعه من اعمدة المنتدى ساهمت بشكل كبير فى تميزة ونشاطه وقدمت الكثير من القصائد والمواضيع مقالات او نقاش ومسابقات أفادت الكثير من الاعضاء ده غير نشاطها الاشرافى المميز منتدى بنات مصر بيفتخر بكل الاعضاء فيه وخاصة المميزين ومن يمتلكوا روح الاخوة الجميله وبنتمنى يفضلوا مكملين معانا دايما رحبوا معايا بالمبدعة جبل عالى جبل عالي مشرفة الابداعات الادبيه والعاميه *وتر يقطر ألـم* أهلا بيكى فى برنامج فى ضيافه اعضاء زمان هاسمح لنفسي اكون ضيفتك ولو لدقايق تنوريني ياجميلة اعرف فيها منك بعض الذكريات عن تواجدك فى المنتدى من اول ماسجلتى بس الاول لازم تعزمنيى على حاجه اشربها على زوقك ده انا ضيفتك فى منتداكى اهلا وسهلا ونورتيني اكيد والله وليكي وحشة فعلا عينيا اكيد بس اؤمري عايزة ايه ... اتفضلي انتى وكل الاعضاء ده ايه الكرم ده كله ده انا هاجيلك كل يوم ياجبل حضرك طبعا مش محتاجة نتعرف عليكى لكن عشان الاعضاء الجداد يتعرفوا ممكن بعض المعلومات الشخصيه عنك زى الاسم والبلد ومحل الاقامة والوظيفه ؟ الاسم ..جبل عالي....أمل محل الاقامة ..القاهرة الوظيفة ...أم طلعان عينها😂😂 حضرتك مسجلة فى المنتدى من سنة كام؟ من اواخر ٢٠١٠ ايه سبب اختيارك للنيم بتاعك؟ بيعبر عن الواقع اللي باعيشه فاكرة اول قسم شاركتى فيه واول موضوع؟ اعتقد كان قسم النقاش ...واول موضوع كان عن تفشي الاخطاء الاملائية أنا افتكرت التوبيك ده وفعلا لفت نظرنا لاخطاء كتير كنا بنكتبها وده بدايه تعرفى عليكى اكتر هوايات بتشاركى بيها هنا؟ كتابة الشعر والخواطر اكتر موضوع ليكى بتحبيه وفخورة انك كتبتيه؟ بصراحة كل كتاباتي بحبها وباعشقها لانها حتة مني بس يمكن موضوع خواطر جندي ...وتقريبا فازت ف مسابقه تفتكرى اعضاء مين من ايام زمان كانوا معاكى ؟ في كتير والله ...سكرة ... احمد الحلو ...مهندسة بغداد ...زهرة النسرين وناس كتير اوي غيرهم ...لو فضلت اكتب مش هيكفي فعلا كلهم اخوة مبدعين والمنتدى بيفتقدهم ولسه فيه منهم مكملين؟ منهم انتى يادمعه ربنا يديم تواجدك ههههه تصورى فعلا ميرسي ياامل ويدوم تواجدك فاكرة شكل الاستايل كان ازاى ودلوقت احسن ولازمان؟ مش فاكرة اوي ...بس طبعا لكل فترة جمالها الخاص بيها.. ايه الاقسام اللى كانت موجوده واختفت؟ وايه الجديد؟ معتقدش حاجه اختفت ...الجديد حصرية بعض الاقسام اكتر قسم كنتى بتحبى تشاركى فيه؟ القسم الادبي ...والنقاشي ايه اكتر مسابقه او فاعليات كان بتجمع الاعضاء؟ بالنسبة لى السهرات كانت رووعه...ومسابقة الرحال عن الرباعيات كانت خطييييرة ورائعه...وفزورة ف رباعيه ...كنت بحبها جداا دى حقيقه بتعمل جو مرح وبتحبب الاعضاء فى التواجد اتمنى ترجعى تنظميها تانى فيه فترات غيبتى عن المنتدى كانت مدتها قد ايه؟ هي فترات متقطعه بس معرفش تاريخ ايه بيخليكى تتمسكى بوجودك فى المنتدى وترجعى للمنتدى تانى؟ اكيد العشرة والروح الحلوة اكيد ليكى اصدقاء هنا ممكن نعرفهم؟ بصراحة كتير جدااا ماشاءالله ربنا يبارك بس اخاف انسى الاسامي قدمتى دعواتى لمعارفك يسجلوا فى المنتدى؟ اكيد وكتير سجلوا ...بس مشاغل الحياة بقااا ايه الاقسام اللى كنتى مشرفة عليها؟ النقاش ...الخواطر ...عالم الرجل ...الابداعان بقسميها لو طلبت منك تقدمى اى فكره لتنشيط الاقسام هاتكون ايه؟ الفكرة هي ....عمل فترة اشراف محددة ولتكن اسبوع او اتنين ويتم ترشيح الراغبين ع الاقسام ويتم تعيينهم الفترة المتفق عليها وبعد انتهاء المدة يتم مراجعة ماقاموا به من انشطة مميزة وافكار ثم يتم تكريمهم بحافز وتتجدد الفترات بالتبادل هاطلب منك اسم عضو او اتنين مفتقدهم تبعتليهم دعوة يرجعوا تانى للمنتدى ونعيد معاهم الذكريات ممممممم سكرة ...والحلو اتمنى يشوفوا دعوتك ويرجعوا تانى يتواجدوا معانا نصيحة تقدميها لكل عضو فى المنتدى وخصوصا الجداد نصيحتي ...حبوا المكان بكل مافيه .... ايوة وخصوصا دمعه حائره ههههه بشكرك على قبول الدعوة وعلى وجودك الدائم فى المنتدى ومنتحرمش من تواجدك المميز انا اللي باشكرك جزيلا على ها الموضوع القيم وفكرته تسلمي غاليتي وفى نهاية الحلقة بشكر جبل عالى على تشريفها البرنامج وتواجدها المميز وبقدم ليها شهادة شكر وتقدير شكرا جبل عالى لتواجدك ووفائك للمنتدى طول السنين اللى فاتت واتمنى ليكى دوام الصحة والعافيه وتفضلى متواجدة فى المنتدى واحب اشكر لمار على تصميم الشهادة

[Eng Esraa]

تعالي لنا كل يوم بالحاجات الحلوة دي
هههههههه .. منور البرنامج حبيبتي
و ان شاء الله تكملي معانا للاخر بقا

منه الفكرة طلعت جميلة
تسلمي ع مجهودك يا قمر

[.Lamar]

امولة من الناس اللى تعتبر من ركائز المنتدى

ومنقدرش نستغنى عن وجودها

معرفتى بيها مش كبيرة

لكن قلمها و تعاملامتها راقية

انا بس عايزة من الضيافة ماليش دعوة هههه

وربى يخليك ولادك امولة بس متقلقيش

مش هيبطلوا يطلعوا عيونك حتى اسألى ماما هههه

جميلة الاستضافة يا منة و الفكرة حلوة اوى

وفى انتظار ضيف جديد

[حـيـــــآة ❤]

اموله دي حبيبتي
افتكر السهرات بتوعنا من سنتين اول ماسجلت
هي واسيل حرف هجاء وحشتني اووي لمتنا والله
هناك كان اول مره اتعرف عليها
وبجد من الشخصيات الجميله اوي هنا
واللي بحبهم جدا
ربنا يسعدها ويخليلها اولادها يارب
..
منه تسلمي يارب ع برنامجك اللي كله روح طيبه
في حفظ الله حبيباتي

[همس الكناريا]

جميل البرنامج
والاجمل الاستضافة
نورتي البرنامج جبل وسعدنا بالتعرف عليكي
جيل الزمن الجميل زي ما بيقولو

تسلمي للبرنامج منه
ويدوم نشاطك
مودتي

همس الكناريا

[BaAnoOta]

يعني آذا أجتمع آهم عنصرين ف المنتدي حاليا
أكيد لازم يبقا توبيـك فوق مستووي الوصف ..

آلحقيقه جبل عالي أنسانه محترمة جدا
وليهآ قلم من آحسن واجمل الاقلام الحقيقه ربي يحفظلها آبناءها
وتفضل منورة آلمكان علي طول

حبيبتي دمعةة جميلـة الفكرة وجديدة
تسلمي ي مبدعةة ..

[morshooo]

يعنى لما تبدئى التوبيك يبقا جبل عالى
ربنا يستر والتوبيك يكمل بقا هعهعهعهعهع
ام العيال منورة طبعا التوبيكوربنا يقدرها على فعل الخير مع العيال
عشان حاسس ان هى الى مطلعه عنيهم ^_^
طبعا زكريات جميله جدا هيييييييييييح كانت ايام بقا .

تسلمى منه على التوبيك الجميل دا
فى انتظار باق الضيوف .

[فصيح]

فكره جميله والبرنامج جميل بضيافة الاستاذه جبل
مميزه يا استاذه دمعه في كل حالاتك ما شاء الله
تقديري وتحياتي

[بنت خديجة]

لفتة جدا جدا جميلة منك يامنة
وجبل من ارقى الشخصيات الي عرفتها هنا
الله يبارك بعمرها وغمرك

[راجعة لحبيبى]

جبل عالى
ام عبدالله
امل
هى فاضله بنات مصر
وهى صاحبه الطيبه والموده
وهى اعظم من يكتب اجمل كلمات ومعانى
منوره قمرى البرنامج
وصحيح سكره افتقظناها
عساهابخيروعافيه
من يوم رحلت مامرت هناء ابد
والحلو صار عنده منتدى وبخير
مشكوره
منه
والبرنامج الحلو