التصويت ..لأفضل حلمنتيشه

[ويبقى الأثر]

السلام عليكم ورحمة الله مساء الخير على عيونكم طبعا اتفقنا ان تقييم مسابقة الحلمنتيشى هتكون بالتصويت للاعضاء يعنى هنسيب التقييم لذوقكم وحسكم الفنى والادبى انا هنا للسهوله هضع المشاركات كلها تحت بعض بترتيب عشوائى عشان يبقى سهل انكم تقروها وتختاروا ومسموح طبعا للمشاركين نفسهم بالتصويت سواء لهم او لغيرهم مدة التصويت 3 ايام ودلوقت مع المشاركات المشاركه رقم( 1) لـ (حياة) بعنوان (مابلااااش) مابلاااش تسأل عني تاااني ماهو مبقااش ف الحله محشي تاني مابلااش تبين انك اناني.. مابلااش ... قولي ميين؟ مش راحم التلاجه؟ قولي ميييين؟ مخلص علي كل حاجه! قولي مييين؟ همه وبس علي بطنه قولي ميين؟ ... الحقيقه ان الحياه ضحكت علينا! لا البطاطس ولا لاقيه حتي البليله ..... علي فييين؟ كرشك دا مودينا؟ علي فييين؟ دا جايب آخر مارينا؟ علي فيين؟ ماترحم اهالينا.. علي فييين ... والتيليفووون مشغول كل ثانيه والتلااجه علطول بس فاضيه وشكلها من بره زي جوا قولي ازاااي؟ وزنك زي ماهو؟ قولي ازااي؟ لسه هو هو ..قولي ازااي؟ ... بتطلب اكل من المطعم كل سااعه انا حسيييت انك سبب المجاعه طب بلااااش تسال عني تاني من الاسااس .................................................. .... المشاركه رقم (2)لـ (فصيح) بعنوان (الفارس انطونيو) الفارس انطونيو ولأني الفارس انطونيو ..... زاغت فـ عينيا ازبيلا فهممتُ برقه أُغازلها ..... اسم الله عليها يحرسها ما أجمل أن تعشق مُزه ..... يبرز جلبابها تفاصلها وحِلمتُ باني اُراقصُها ..... والرقصةُ قلبي يعزفُها اجابتني دون تمهل ..... وشرارٍ يقطُب حاجبها شوبش يا عينيه ..... ازبيلا دى تطلع مين لا يا حبيبي أنا فوزيه وبكل شرشحة الدُنيا ..... قالت متخلش عليه الملاغيه شكلك باين منهم ..... واد سيس وأمك شوقيه ففغرت بفاهي مذهولاً ..... والضغط يحبس أوردتي رمقتني بنظرة مؤذية ..... فألنت القول شوية اللعنة هل هذا لسان؟ ..... أم أن المدعو فرقله قالت لو عايز يعني حنيه ..... my father عجله ودا اسمه يا عينيه ..... روح عنده يديك الـok ولأن الحُلم يُطاردُني ..... وحنيني يُنادي ازبيلا أقصد يا دلعدي فوزيه ..... ذهبت ورأسي تُناطحُني مفقودٌ يا ولدي ..... من كان حموهُ السيد عجله تشجعتُ وطرقت الباب ..... فأجاب صوتٌ مئلوف رعديدٍ ,, قال مين الحلوف؟ ..... فنظرتُ إلي السلم ملهوف لكن حمايه باغتني ..... أثبت يا جاموس فأجبت عذراً يا حمايه ..... أصل أنا مكسوف زمجر العجله وزغدني ..... اتنين زغروف قلت من فوري ..... زوجني بنتك فوزية قالي بغباوة لو أوافق ..... أنا عندي شروط فوزيه دى راس مالي ..... الشبكة عايزلها ألوف وشقه وعربية والمصيف ..... نقعد باللمه شهور وبصوت الكندوز المبحوح ..... حماتي أكملت المشئوم يا منيل باقي المعلوم ..... الفندق والسهرة كم يوم لم أدري بحالي أترنح ..... وأفقت أقلب نظري فوجدتُ أني نزيل المُرستان ..... وأن جيراني أعقل ناس فصيح بئا ،، قصدي ............................................ المشاركه رقم (3)لـ(د/ عبد اللَّه) بعنوان (يا ماسكَ جلبابي) يا ماسكَ جلبـابـي نزَّلنـي قد ضاقت عنَّـي الأسباب نفسي في أجازة تـرَيَّـحنـــــي إن شئـتَ فاكتُبنـي غياب واخصم لو عايز من راتبـي ألفًـا, لا تخـــــــــشَ عتــــاب شاور كده نفسك والحاجة لا تسأل باقي الأنســاب واديّنـي أجازة تفرحّنـــي فالشّهـرُ سيمضـي بالبـاب خلّيهم شهرين وأدعيلــك أن تُرزقَ من غيرِ حِسـاب ما كفاية وأنا نازل هدفع مائـــةً بدولارٍ كَـــــذَّاب مش ثابت أبدًا على كلمة وبكُلِّ الأحوالِ مُهــــاب شخلل هتعدّي مشكورًا منِ أجل رخاءِ الأحبــاب ادفع بالتي هي أحســن والحُسنــــي خيــرٌ وثواب صـبّح على بلدك بدولارٍ لِتُناطِـحَ في الكّونِ سحــاب صَـبَّـح من أجلِ غـلابـى وقُضـاةٍ مَطعَمُـها تُـــراب دي القشية ف جيبك معدن صُلبٌ مَصقولُ الأنيـــاب يا ماسكَ جلبابـي نزّلنـي فالعيـدُ نــزيلُ الأبـواب نفسي ف المحشي وف الفتة ولِقـاءٍ بيـنَ الأصحـــاب لو ناوي التأجيل هدعيلك بمكــوثٍ بيـنَ الأغــراب وأكشفلك راسي وأنا حافـي ليُـزانَ دُعائــــي ويُجــــاب وأفتح تلاجتي وبوتاجازي موصولٌ بينهمـا عِتــــاب البارد موصـــولٌ بالساخـــن بينهمــا سأعقِده حِجـــاب يسلب من عينك أحلامها مربــوطٌ فـي قَــدَمِ غُـــــراب يا ماسكَ جِلبابـي نزّلنـي وسَأُحضـرُ ما لَـذَّ وطــاب لو عايز م البـطّ أجيبـلك إن شِئـتَ فمحشـي وكباب بـس أنت يا ريّـس نزّلـني وسأبعَثُ شُكــري بِخِطـــاب .................................................. المشاركه رقم (4)ل (مارد الغضب) بعنوان(حمارى مات ) مات الحمار فماذا العمل و قد غدوت بغير امل فهذا الحمار كان عوني لولا ان حصده الاجل **** مات الحمار و لكن كيف ذهب سريعا كأنه ضيف سبع ليالي مرت عليه ثم انقشع كسحابة صيف **** بكيت ياما علي حظي و مين بعده يشيل رزي د لسة الرز في الغيطان و هذا زاد من غيظي **** ابويا قالي يا محسور د جسمك هلف زي التور ناقصلك بردعة و لجام و تبقي سعادة الحمور **** و قفت امام الحمار طويلا فما كان قبل الممات عليلا و لكن كان زي السهم حين يمزق جسما نحيلا **** صاروخا كان يا ولدي و اسرع جحش في بلدي فكم اكلته فولا اتاري الفول لا يجدي **** فمن منكم يعزيني بغيره مين يهاديني عشان الرز في الغيطان و تمنه بظ من عيني ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,, المشاركه رقم (5)( لـحازم 34) بعنوان (ياعم فكها بلاهم) ياعم فكها بلاهم اضحك بقي ولا تشيل هم داخل خارج البوز مترين علي ايه فرفش كدا بلاش غم دنيا وبنقضيها ساعات وايام وهنخليها يبقي ليه شايل الهم راجل ومراته بتحكي عنه وبتقول كلام زي العسل حلو ومعقول شوف يا راجل خلتك محبات علي طول ضحك وابتسامات وعندها كتير من الهم ولا عمك بسطاويسي عمره ما ورا مراته حزن وغم طالع خارج زي الغراب اسود ودايما يقول كاق كاق وساعتها نقول يارب ابعد الغم من يومين دخل علي وبوزه شبرين ايه ياراجل فيك ايه قولي عاوز ايه قالي عاوزك تبقي زي هايفه ولا رولا يموت شلت الشبشب وضربته ابن سنيه بقي يا راجل يا محرات انت بتشوف رولا يموت في انا رولا يخربيتك طيب ايه رايك انا بقي عاوزاك تكون شبه هاني شاكر ولا عمرو دياب ياراجل اختشي علي دمك ولا تعمل كدا ويايا دا انا عارفاك وعارفه امك شلبايه ورضيت بيك والكل كان رميك اضحك كدا يا عب عال وروق يروق لينا الحال بلاش وحياه امك تبص هنا وهناك والله ارميك من الشباك دا انت كلك متجيش وزن دكرين بط وفرختين اه ياني يا مه قولتي ليه كلام اوعي يابت تاخديه دا راجل عينه علي الستات وانا دايما شايفاه عينه بتفضحه وبان سره وانا شايفاه قلت انا خلاص يامه انا حبيته دا حظي ونصيبي طلع نصيبي هباب بس انا راضيه وابن شلبايه عامل وطالع فيها وحياه امه لخلي عشته هباب ويجي يبوس رجلي ويقولي خلاص حرمت دا انتي ست الستات حلمتشايه كدا بقي علشان الابتسامه والله حلوه كتيرياما ونلتقي في المسرات وراجل وست ستات ال يعني ما فيش منه دا كلام يا بهوات .................................................. المشاركه رقم (6) لــ(شاعر الحب الحزين) بعنوان (الطرحه ) قولوا لعين الشمس ما تحماشي لأحسن حبيب القلب ما بيستحماشي بيخاف من الميه..بخيل كتير شوية ده بيفتح الحنفية شوية شوية يا خراشي قولوا لعينها ..ده لانزيس ولا عينها قولولها تعبنا منها..بس انتوا قولولها ماشي شفت الحلوة قاعدة وسارحة وعمالة تفكر ف الدنيا الجارحة قلت بس دواها عندي رحت رايحلها وجايبلها طرحة ولقيتهــا طايـرة مـن الفرحـة قالتلي تعرفني منين قلت لا معرفش منين منين يا حلوة وعلى فين رايحة بقت تغني ميل وحدف منديلو اللي من شوية كات بتغني مش مسامحة وف عز ما انا واقف معاها وبتكلم نافخ نفسي وبتفشخر لقيت وحدة جاية ووشهـا مبلـم وعمالة عليـا بتأشــر فضحتني بنت اللذينه سيحتلي في المدينة حراامي سرق طرحتي وشمتت الدنيا فينــا وشي بقى قد كده يادوب قد حبة التينــة فيه إيه يا ولية مالك إنتي جاية تتبلي علينا لا انا شفتك ف عنيا وانتا بتسرق يا افندينـا بجد يعني انا شبهه انتا هتهزر ده انتا شبه امينة هاتي الطرحة بتاعتي يا بنت ده انا كنت ناوية اتحجب التانية تقوللي ما تقول كلمة وانا واقف حيران متعجب أيوة الطرحة دي بتاعتها هيا وانا كنت عليكي بكدب لقيت الاتنين بيشدوا ف شعري ولا عارف اهرب منهم ولا أجري وحدة تقول حرامي..وحدة تقول خداع عضوني من إيدي ضربوني ف ضهري بهدلوني بهدلة ما اتبهدلتهاش ف عمري لو سرقت ما تسرقش طرحة اسرق طرحتين هتيجي تعمل خير مع قرعة وهيضربوك الاتنين ...................................... طبعا ياريت ياريت واحنا بنصوت نصوت للمشاركه وليس لإسم العضو من غير مجامله يلا كلنا نستنى نشوف مين صاحب افضل حلمنتشايه والقرار لكم اعضائنا الحلوين

[همس الكناريا]

التصويت هيكون فين هنا في التوبيك

[راجعة لحبيبى]

ماشاءالله عليهم
وحظى حلواكون اول من تشرف وصوت
كلهم مبدعين
نشموره
منه
تمت التصويت

[همس الكناريا]

تم حبيبتي التصويت

[ويبقى الأثر]

تسلموا عنود وهمس


التصويت موجود فوق بالموضوع

بالتوفيق بقا للمشاركين

[بنت خديجة]

كلهم فعلا احلى من بعض

موفقين

تم التصويت

[فصيح]

شكرا يا منه لمجهودك والفكرة كانت جميله
ومهما كانت النتيجة سعيد بالتجربة وبشكر اللي صوت ليه
كل الشكر طبعا
تحياتي وتقديري

[واد حبيب]

تم التصويت
بتوفيق للجميع

[حـيـــــآة ❤]

كانت فرصه مميزه بالفعل
وشوفنا حاجات جميله
مش مهم المكسب قد مامهمه الروح الجميله دي
انا عادة مابصوت ف الاستطلاعات ال زي كدا
لكن المراي هصوت للي بجد يستحق الفوز بجداره
موفقين جميعا
تسلمي منون
في حفظ الله
تم التصويت

[.Lamar]

تم التصويت منون