إلـا دمعتـــــك يــــــابـا ))

[همس الكناريا]

إلا دمعتك يابا بتعلم ف قلبى وتكوينى أهون عليك يابا تجيب سكينك وتقطع شراينى إلا دمعتك ياغالى دة أنت مقامك عند الكريم عالى ربيت وعليت وخليت خدك مداس لناس كنت فاكر يوم الجميل يترد أخرها باب يتقفل ف وشك ولا حد عليك بيرد صعبت عليك نِفسك كسروا ليه نَفسك أخر جميلك الجفا والصد يادُنيا ليه بترخصى الغالى ليه لما بسألك بتقولى وأنا مالى فى شرع مين وفى أى دين يبقى أخر الجميل كدا دا ماكنش على بالى زرعت الحلو حصدت المُر هو كدا فى زمنا ياطيب اللى تقدمله بإيدك خير تجنى منه شر تعالى ياطيب هنا عندى سامح قلبك كبير وكله بيعدى دوام الحال من المُحال والكلام مش من عندى إلا دمعتك ياغالى ياكل القلوب الجاحدة أتهدى حرام تنزل دمعة الكبير يا صغير بكرة تكبر وهتلعب بيك الدنيا هتاخدك وهتودى ................... همس الكناريا

[شاعر الحب الحزين]

الا دمعتك يابا..فعلا دمعة الأب من النادر

اننا نشوفها..رغم ان جواه دموع كتير


هنا حديث جميل رقيق لين مع الأب

يحتويه ويهون عليه مصائبه والشدائد


تفوقتي بعاطفتك الجميلة هنا

وصورتي لنا الكلمات بتعدد الفكرة والأسباب

كنتي رائعة حقا يا همس الكناريا

ربي يوفقك ويسعدك

[حكاية حب]

جميله كلماتك همس
حزينه يكسوها الالم
لكن تفوح بعبير الابداع
راقت لي كثيرا
مودتي

[Eng Esraa]

جميلة كلماتك همس
تسلمي

[راجعة لحبيبى]

تسلمين
همس
حلوه كلماتك
الله يعطيك العافيه

[فصيح]

وأنتي يا همس فطرتي قلبي من جوا
ازى يهون دمع الكبير دا ولا شرع ولا دين
ولا اخلاق يرضي بيه ،، يا الله
أن نتأثر فهذا يعني عذوبة قلمك وهيمنته
كل الشكر لكي همس على طرح يتغلغل في القلوب
تحياتي وتقديري

[دمعه حائره]

كلام يهتز له القلب والوجدان
الا الاب ده اعظم واحن انسان
رائعه همس فى احساسك وقلمك المبدع

[.Lamar]

جيتى على الجرح يا همس
اثرت فيا اوى كلماتك
يمكن لانى مرتبطة اووى ببابا
الكبير يفضل دايما كبير
واجب علينا احترامه
واننا نشيل فوق رأسنا
و نسبقه كمان على نفسنا
رضاهم من رضا رب العالمين

كفيتى ووفيتى
وكتبتى بحرفية عالية
ربى يخليهولك يا رب

[ملك جبال الاحزان]

مفيش احسن واجمل من الاب وحنيته وتضحياته
ربنا يرحم والدى ويخليكم اهلكم جميعا
كلام جميل جدا
تسلم ايدك بجد كلام فى الصميم

[فداااااااااااء]

دمعة الأب تأثيرها قوى لانها مش بالساهل نزولها من العين
كلمات رائعة رغم الشجن
سلمتى همس دام رقيك وتميزك