" الكلب دوبــر "!

[αЛαstoOorα]

( الكلب دوبــر )
/
عصفورة وحبت كلب
وآهو دق عليه القلب.!
ضحتله بعشها فوق
وقالتله تعالي نحب
/
الكلب معاها حنون
قالها آنا بيكي مفتون
وآن حد حاول يعاكسها
يقلب سعران مجنون
/
من شدة حبه معاها
قلبها مقدرشي يسيبه
كان ليل ونهار وياها
والحلو عشانها يجيبه
/
خلاها تقول مش قادرة
آنا فعلاً بيك مجنونه
وحقيقي مكنتش فاكرة
ان العصافير حسدونا
/
واتاري الكلب بديلو
يلعب بكلامه مع غيرها
وكلامه اللي قالهولها
بيقولو لآلف لغيرها
/
وف ليلة وبعد مقابله
طارت العصفورة فرحانه
قابلت صحبتها كناريه
ف العش معاها هيمانه
/
ياكناريه مالك مبسوطة
مش عادتك كدا بتغني
ردت وبكل سعاده
الكلب دوبر وصلني
/
الكلب دوبر؟ ماله بيكي؟
ياحبيبتي الكلب صديقي
وحبيبي كمان من فترة
وكمان بيشكر فيكي
/
طارت العصفورة ف صدمه
من رعشة حزنها وقعت
وجناحها اتكسر منها
وياريتها ماكانت حبت
/
وفوست مرضها آعترفت
لكناريه بقصة دوبر
كات هي كمان جيالها
تحكلها خاينته معاها
/
ومخلص بقة لحكايتي
لو ديل الكلب عدل
عمره مكان مال وياها
/
مجرد قصة من وحي خيالي :d

[Eng Esraa]

ههههههه حلو التشبيه
و حلو اللي عاوز توصله منها
تسلم بقا

[الفيلسـوف]

ههههه طب والنبى انته حكايه اولدى انا بفكر اعملك ديوان مختفى بقالى فتره عن متابعتك تسلم الايادى يافارس

[بنت خديجة]

عجبتني اوووووي
تسلم ايدك وافكارك الجميلة

[فصيح]

يا حبيبي دا كلب كلب يعني
ههههههههههههه
يخربيت كدا من عصفورة لكناريا مش مخلي
شغال يعني ،،،،
الله عليك يا حبيب قلبي برنس العامية
جميل والله يا منشاوي ، جامدة جدا
في تشبيهاتها وكلامه السلس
ومضمونها ومحتوها ، كلك على بعضك حلو
نجم يا بابا ^ _ ^

[حكاية حب]

يا لذيذ انت يا رايق

طالع نازل بالسلم الموسيقي لما تعبت قلبي معاك

كل ما اقول الجمله دي جميله

الاقي اللي بعدها اجمل

خليتني يا عم في حيره

أقراها أعيد وأكمل

قولت اكتب هنا تفعيله

الحرف يا سيدي متنبل

من تاني وقعت في حيره

وأخدت قرار ما حكمل

روعه روعه بجد يا منش

انت معلم .. منك بنتعلم

مودتي

[ويبقى الأثر]

فارس قلمك جميل جدا بجد
كلمه ومعنى وفكره ولحن واحساس
عارف يعنى ايه قصيده عاميه م الاخر
ربنا يديم موهبتك الجميله دى

[ساحرة القلوب.]

جميلة اوي والله
تسلم ريشة قلمك ^^