" الاسكان و العشوائيات _ الخدمات الصحية " .. مسابقة النقاش

[Eng Esraa]

السلام عليكم و رحمة الله و بركاتة ..
انهاردة هنتكلم عن مشكلتين من الموجودين ف مصر ...

ده بعد ما اتكلمنا عن " التعليم _ البطالة "
http://forums.banatmasr.net/msryat558697/

و " السياحة _ التحرش "
http://forums.banatmasr.net/msryat558840/

خلونا نبدا ...



" الاسكان و العشوائيات "


تُعد مشكلة السكن في الدول العربية من أكثر
المشاكل المعقدة التي يعاني منها المواطن العربي
حيث أوضحت الدراسات التي أجراها المعهد العربي
لإنماء المدن أن نحو 60% من سكان المدن في الوطن العربي
يقطنون بمنازل مؤجرة أو في مناطق سكن غير منظمة
وغير مؤهلة للعيش الصحي والتي يطلق عليها "العشوائيات ...



مشكلة الاسكان و العشوائيات .. مش موجودة ف مصر بس
بس خلينا نتكلم عنها هنا ... بقت اكبر المشاكل اللي ممكن
تقابل اي حد .. و بكثرة مع الشباب اللي لسه بيبداوا حياتهم
و كمان معظم الاحيان بتبقي من المتطلبات الملزم بها ...
ان الشاب يشتري شقة " تمليك "
حتي لو فكر ف ده .. او اي حد مش هيعرف ينفذه لان عندنا
مشكلة الاسكان ف عدم توافر شئ مناسب او سعر مناسب ..!
مع العلم ان دي حاجة المفروض تبقي من حق كل مواطن اعتقد !؟



كمان نقطة " العشوائيات "

سمعت كتير جدا مشاكل بسبب المناطق اللي زي كده
اللي هي كتير هنا .. و اللي كان بيحصل بسببها
حالات وفاة بسبب سقوط منزل ... الخ ..
او امراض تنتشر بسبب عد نظافة الاماكن ... الخ ..

خلونا كده نشوف حاجة ...



قامت تركيا بحل هذه المشكلة من خلال تأسيس الإدارة العامة
للإسكان التركية {طوكي} ...
الوظيفة الرئيسية لطوكي هي؛ تلبية الطلبات المرتفعة
علي السكانات في المدن بشكل مخطط ومنظم، تشمل
هذه الخطط والتنظيمات بشكل خاص المواطنين أصحاب
الدخل المحدود، كما أن طوكي تعمل علي إنشاء مدن سكنية
ضخمة ذات إطلالة رائعة و بيئة جميلة وصحية علي حدود
المدن الرئيسية لإراحة هذه المدن من الازدحام الإنساني والسكني معاً...



طيب .. هو احنا ليه مش عندنا كده !
اعتقد انهم حتي لما فكروا يعملوا كده عندنا .. مش كل اللي
محتاجين حصلوا ع مكان سكني نضيف لهم !!

ايه السبب ف ازمة الاسكان عندنا .. اراء مختلفة ؟

_ بسبب عدم توافر الاموال لانشاء المشروعات السكنية

_ بسبب تزايد عدد السكان كل يوم بنسبة كبيرة

_ بسبب اهمال المسئولين

و انا بعتقد ان اخر راي هو الاصح .. يلا ان شاء الله ما حد حوش




هنيجي للمشكلة التانية انهاردة ....

" الخدمات الطبية و الصحية "



حاجة زي كده مثلا ... تخليني افضل اموت تعبانة ف بيتنا

الفكرة مش الخدمات العلاجية قبل ما هي الخدمات الطبية نفسها
اللي بتتقدم للمواطن ! ... عدم نضافة اكثر المستشفيات الحكومية
و عدم توافر الخدمة الصحيحة ! .. و عدم اهتمام الدكتور بالمريض

اهمال معظم الدكاترة اللي سمعنا عنه ف الفترة الاخيرة
اثناء اجراء العمليات !! ... و تجارة الاعضاء اللي بتم بمعرفة
معظم الدكاترة او احد مسئولين المكان !!

مين المسئول عن كل ده و لا ايه السبب اصلا ؟؟



مع الاحترام طبعا لدكتور مجدي يعقوب و امثاله من الاطباء ...
و المؤسسات الخيرية اللي ظهرت من فترة و ساعدت ناس كتير ...



خلينا نشوف الاراء ف النقطتين دول ...
و هيفضل اخر مشكلة بس لوحدها ..
دول اللي انا فكراهم

[big bốss]

مفيش امكانيات ماديه لتحسين مستوى التخطيط و بناء مدن جديده و تحسين مستوى الصحه

غير أننا بنفتقد للاداره الجيده في كل شىء

و غير ان مفيش عدل اجتماعى و توزيع عادل للضرائب و الدخل

حاجات كتير خربانه

خلينا ساكتين احسن كدا كدا البلد حالها مش هيتصلح الا لما نغير المصريين

[توحد ارواح]

وعليكم السلام ورحمة الله
بالفعل مشكلة الاسكان مشكله ازليه وللاسف ف زياده كل يوم
نظرا لزيادة السكان الرهيبه وتقلص السكان ف منطقة النيل والدلتا
التى بتمثل 4% من المساحه الكليه ف مصر وباقى المساحه تعتبر فاضيه
بجانب كمان انهم بدؤا كمان البناء ع الاراضى الزراعيه وكل ده مش حل
اذا يكون الحل بناء مساكن للشباب على اطراف المدن والصحراء وباسعار مناسبه وبالتقسيط
مع مبدا تكافؤ الفرص دون استغلال وتكاتف كل الجهات المسئوله لانجاح المشروع
وبكدا ممكن نحل ازمه تقف عقبه كبيره اما الكثير من الشباب


وبالنسبه للخدمات الطبيه حدثى ولا حرج
حتى ف المستشفيات الخاصه يوجد كثير من الاخطاء والاهمال
العمليه محتاجة ادارة قويه منظمه مع شوية ضمير

تسلمى ع طرحكِ القيم اسراء
بالتوفيق

[Eng Esraa]

اقتباس المشاركة الأصلية كتبت بواسطة big bốss مفيش امكانيات ماديه لتحسين مستوى التخطيط و بناء مدن جديده و تحسين مستوى الصحه غير أننا بنفتقد للاداره الجيده في كل شىء و غير ان مفيش عدل اجتماعى و توزيع عادل للضرائب و الدخل حاجات كتير خربانه خلينا ساكتين احسن كدا كدا البلد حالها مش هيتصلح الا لما نغير المصريين

نغير المصرين احسن
ربنا يصلح الحال
تسلم نور لمرورك

[Eng Esraa]

اقتباس المشاركة الأصلية كتبت بواسطة توحد ارواح وعليكم السلام ورحمة الله بالفعل مشكلة الاسكان مشكله ازليه وللاسف ف زياده كل يوم نظرا لزيادة السكان الرهيبه وتقلص السكان ف منطقة النيل والدلتا التى بتمثل 4% من المساحه الكليه ف مصر وباقى المساحه تعتبر فاضيه بجانب كمان انهم بدؤا كمان البناء ع الاراضى الزراعيه وكل ده مش حل اذا يكون الحل بناء مساكن للشباب على اطراف المدن والصحراء وباسعار مناسبه وبالتقسيط مع مبدا تكافؤ الفرص دون استغلال وتكاتف كل الجهات المسئوله لانجاح المشروع وبكدا ممكن نحل ازمه تقف عقبه كبيره اما الكثير من الشباب وبالنسبه للخدمات الطبيه حدثى ولا حرج حتى ف المستشفيات الخاصه يوجد كثير من الاخطاء والاهمال العمليه محتاجة ادارة قويه منظمه مع شوية ضمير تسلمى ع طرحكِ القيم اسراء بالتوفيق

الفكرة ان لما بيفكروا ف تنفيذه
بيبقي لسنين قدام !
تسلمي لمرورك

[Doaa Hammam]

الاسباب كتير اوي يا اسراء

اولا: الفقر وقلة الامكانيات ..
عشان تعملي مساكن للشباب باسعار كويسة محتاجة ميزانية
والبلد مفيش عندها الميزانية بسبب قلة الانتاج والسياحة

تانيا: سوء الادارة والتنظيم ..
نحن في مصر نعاني من سوء الادارة رغم وجود الموارد

ثالثا : الفساد
هتلاقي الفساد موجود في كل مكان فيكي يا مصر ولا أستثني احدا
سواء فساد بسرقة اموال عامة او فساد في الاهمال والتقصير في آداء العمل

وأخيرا ربنا بحفظ مصر ويصلح حالها

[حازم34]

اهلين اهلين اهلين


وهلا وغلا ومرحبا مهندستنا الراقيه اسراء


حقيقي يسلموا الفكر في مناقشه اهم قضيتين


اولا للاسف الشديد مما لايعلمه الجميع ان الدوله الاصول تكفل لكل مواطن حق السكن والعلاح


الدوله هي من تصرف علي المواطن وليس العكس


نحن في دول حقيقي شئ مؤلم ومؤسف


تعالي بس نشوف واحد من الوزراء السابقين لكي يتصالح مع القضاء قال ارد


700مليون جنيه مش ممكن يعني هو كان سارق كام


وغيره وغيره وغيره


المشكله هنا عزيزتي والله ان هناك ايد تعبث وهي ايد تستحق القطع ايد لصوص


هو دا السبب


هؤلاء كثر بمصر حقا


لو تم قطع يد هؤلاء كل ها المشاكل ستنتهي


وقد قارنتي بتركيا فهناك قد تم القضاء علي الفساد واصبحت الدوله تنفق علي شعبها الكثير والكثير


ورئيس الدوله يطالب ان تكون بدل مائه مليون مواطن ثلامائه


اما نحن فقبع في الفساد وبلد الفرد الواحد


من ناحيه الصحه


فشئ فظيع الي الان هناك متاجره بصحه الشعب


فكل فرد في الشعب المصري له حق العلاج والعنايه علي الدوله

والعلاج والمشافي يجب ان تكون علي احدث انظمه


ولكن النهب والعقول خاويه فلابد ان نري ما قد وضعتيه هنا


من مناظر لايرضي بها الحيوان


فتلك هيا الحال المؤلمه


والاعلام الفاسد الذي يطبل ولاينقد

ومجلس شعب خواي الا من كروش تحب ان تاكل وترعي بالفساد والافساد


وما مجدي يعقوب الا مصري ذهب الي بلاد الغرب وراي العلم والاهتمام فكان له اوفر الحظ والنصيب من الرعايه


التي هي مفقوده عندنا


حقيقي هذا امر شرحه يطول وانتي مبدعه حقا في الطرح


ولكي خالص ودي وتقييمي الجميل


منوره دائما وبالتوفيق

[Eng Esraa]

اقتباس المشاركة الأصلية كتبت بواسطة doaa hammam الاسباب كتير اوي يا اسراء اولا: الفقر وقلة الامكانيات .. عشان تعملي مساكن للشباب باسعار كويسة محتاجة ميزانية والبلد مفيش عندها الميزانية بسبب قلة الانتاج والسياحة تانيا: سوء الادارة والتنظيم .. نحن في مصر نعاني من سوء الادارة رغم وجود الموارد ثالثا : الفساد هتلاقي الفساد موجود في كل مكان فيكي يا مصر ولا أستثني احدا سواء فساد بسرقة اموال عامة او فساد في الاهمال والتقصير في آداء العمل وأخيرا ربنا بحفظ مصر ويصلح حالها

اللهم امين
تسلمي حبيبتي لمرورك

[Eng Esraa]

اقتباس المشاركة الأصلية كتبت بواسطة حازم34 اهلين اهلين اهلين وهلا وغلا ومرحبا مهندستنا الراقيه اسراء حقيقي يسلموا الفكر في مناقشه اهم قضيتين اولا للاسف الشديد مما لايعلمه الجميع ان الدوله الاصول تكفل لكل مواطن حق السكن والعلاح الدوله هي من تصرف علي المواطن وليس العكس نحن في دول حقيقي شئ مؤلم ومؤسف تعالي بس نشوف واحد من الوزراء السابقين لكي يتصالح مع القضاء قال ارد 700مليون جنيه مش ممكن يعني هو كان سارق كام وغيره وغيره وغيره المشكله هنا عزيزتي والله ان هناك ايد تعبث وهي ايد تستحق القطع ايد لصوص هو دا السبب هؤلاء كثر بمصر حقا لو تم قطع يد هؤلاء كل ها المشاكل ستنتهي وقد قارنتي بتركيا فهناك قد تم القضاء علي الفساد واصبحت الدوله تنفق علي شعبها الكثير والكثير ورئيس الدوله يطالب ان تكون بدل مائه مليون مواطن ثلامائه اما نحن فقبع في الفساد وبلد الفرد الواحد من ناحيه الصحه فشئ فظيع الي الان هناك متاجره بصحه الشعب فكل فرد في الشعب المصري له حق العلاج والعنايه علي الدوله والعلاج والمشافي يجب ان تكون علي احدث انظمه ولكن النهب والعقول خاويه فلابد ان نري ما قد وضعتيه هنا من مناظر لايرضي بها الحيوان فتلك هيا الحال المؤلمه والاعلام الفاسد الذي يطبل ولاينقد ومجلس شعب خواي الا من كروش تحب ان تاكل وترعي بالفساد والافساد وما مجدي يعقوب الا مصري ذهب الي بلاد الغرب وراي العلم والاهتمام فكان له اوفر الحظ والنصيب من الرعايه التي هي مفقوده عندنا حقيقي هذا امر شرحه يطول وانتي مبدعه حقا في الطرح ولكي خالص ودي وتقييمي الجميل منوره دائما وبالتوفيق

د/ حازم دايما راي حضرتك
تكمله لموضوعي .. و دي حاجة حلوة اكيد
تسلم لوجودك بقا

[۩۩ elMagic ۩۩]

المشاكل دي مش هتخلص
وهنفضل نلف ف الدايره دي
وتضييق اكتر ع المواطن الغلبان لغاية ما ينتحر
ماهو طول ما المسئولين مرتاحين ومش عايشين زي الفئة البسيطه
عمرهم ما هيفكروا يضعوا حلول لاى مشكلة
تطرقتي في نقطتين فعلا مهمين جداا وربنا يحلها بقاا
تسلمي اسراء